AQUANTUM

• Zenbat urte daramatzazue lanean?

  aQuantum-ek 5 urte daramatza lanean.

• Zenbat pertsonak osatzen dute zuen lantaldea?

  Gure lantaldean 17 pertsona daude.

• Zeintzuk dira zuen anbizioak?

  Besteen artean gailentzen den anbizio bat daukagu: konputazio kuantikoaren aplikazio praktikoan erreferente izatea industriarako prest dagoen software hibridoko sistemen bidez.

• Zein da zuen misioa? Zuen proiektuari buruz hitz egingo al diguzue?

  Gure misioa industriarako prest dauden software-sistema hibridoei aplikatzen zaizkien teknologiak, tresnak, produktuak eta metodoak diseinatzea, garatzea eta praktikan ezartzea da.

• Zerk desberdintzen zaituzte merkatuan?

  Gure esperientzia zabala eta enpresetarako erabilgarriak diren software kuantikoko soluzioen eta zerbitzuen diseinuan eta garapenean aplikatutako software kuantikoaren ingeniaritzan dugun ikuspegia direla uste dugu.

• Munduarekin partekatzea gustatuko litzaizukeen esaldi bat

  Industriarako prest dagoen software kuantikoa posible egiten duten teknologiak eta zerbitzuak sortzen ditugu.

EVA5

• Zenbat urte daramatzazue lanean?

  EVA5k urtebete beteko du irailean.

• Zenbat pertsonak osatzen dute zuen lantaldea?

  6 pertsonak osatzen dute gure lantaldea.

• Zeintzuk dira zuen anbizioak?

  enterprise plataforma bat eskaintzea, non hainbat teknologia (machine learning, adimen artifiziala, adimen artifizial sortzailea, quantum) elkarrekin biziko diren, beren potentzialak batu ahal izateko eta enpresa-ehunari irtenbide berritzaileak eskaintzeko.

• Zein da zuen misioa? Zuen proiektuari buruz hitz egingo al diguzue?

  Gure anbizioekin lotuta dago, teknologia disruptiboak dituen enpresa-berrikuntzarako plataforma enterprise bat eskaintzea izango litzateke, teknologia berriak erraz txertatzeko aukera emanez. Eva5ek enpresentzako teknologia berritzaileak demokratizatu nahi ditu, modu erraz eta merkean txertatzeko aukera emateko, open source irtenbideen bitartez.

• Zerk desberdintzen zaituzte merkatuan?

  Soluzioak eskaintzeak non berrikuntza-plataformaren jabeak enpresak diren, merkataritza-hornitzaile handietatik aldenduz eta haien behar teknologikoetara eta negozio-beharretara egokituz. Berrikuntza-balio handiagoa, kostu txikiagoarekin.

• Munduarekin partekatzea gustatuko litzaizukeen esaldi bat

  Pertsonen bizitza hobetzeko berrikuntza demokratizatzea.

FALCONDALE

• Zenbat urte daramatzazue lanean?

  Falcondale 2024ko urtarrilean sortu zen.

• Zenbat pertsonak osatzen dute zuen lantaldea?

  Tomas Tagliani-k (Chief Operations Officer), Javier Mancilla-k (Chief Executive Officer) eta Iraitz Montalban-ek (Chief Technology Officer) osatzen dugu, kolaboratzaile-sare batek lagunduta: Christophe Pere eta André Sequeira, kuantikaren arloko ikertzaile gisa, eta Hanna Back, gure kolaboratzaileekin negozioa garatzeko eta interakzioan laguntzeko.

• Zeintzuk dira zuen anbizioak?

  Enpresa txiki eta ertainek aurre egin behar dieten arazo handietako bat kreditua lortzea da. Zehazki, sortu berri diren enpresek ez dute kreditu-historialik, eta zaila da horiek kategorizatzea ordaintzaile onak izango diren ala ez jakiteko. Hori dela eta, enpresa asko baztertu egiten dira, eta ez zaie likideziarik ematen enpresa-sareak aurrera egin dezan. Arazo hori konpondu nahi genuke, ideia iraultzaile berriak finantzatzeko aukera guztiak dituen ekosistema lider bat ahalbidetzeko.

• Zein da zuen misioa? Zuen proiektuari buruz hitz egingo al diguzue?

  Kreditu-erakundeek bidezko kreditu-puntuazioko sistema bat izatea enpresa txiki eta ertain sortu berrientzat. Aurrean dugun arazoa da teknika aurreratuenak ere ez direla gai emaitza onak lortzeko. Datuak oso eskasak dira, eta berezitasunek zaildu egiten dute onak eta txarrak bereiztea. Mesfidantza hori kutsakorra da, eta hori da, askotan, kreditua ez ematearen arrazoia. Fintech eta Neobanku esparruetan eta teknologia disruptiboenetan urte asko eman ondoren, arazo horiek, agian, ordenagailu "ez-konbentzionalek" konpon litzaketela ikusi genuen. Ikertu ostean, konturatu gara konputazio kuantikoa, hain zuzen ere, oso baliagarria dela arazo horietarako.

• Zerk desberdintzen zaituzte merkatuan?

  Datuak (urriak eta ordaintzaile on eta txarren arteko bereizketa zailtzen dutenak) egoera kuantikoetara eramanez eta erregimen horretan jardunez, hobeto identifika daitezke gizabanakoak, sistema zehatzagoa sortuz. Aurkikuntza hori beste sektore batzuekin partekatu genuen, hala nola osasungintzarekin edo materialen ingeniaritzarekin, eta horrek bultzatu gintuen Falcondale osatzera. Produktu hau eskaintzen dugu edozein sarrera-hesi ezabatuz.

• Munduarekin partekatzea gustatuko litzaizukeen esaldi bat

  Konputazio kuantikoak finantza-inklusio handiagoa ahalbidetzea lortuko dugu.

GEOAI ANALYTICS

• Zenbat urte daramatzazue lanean?

  GEOAI Analytics-ek 6 urte daramatza martxan.

• Zenbat pertsonak osatzen dute zuen lantaldea?

  Gure taldea goi-mailako prestakuntza duten 20 profesionalek baino gehiagok osatzen dute.

• Zeintzuk dira zuen anbizioak?

  Teknologia kuantikoaren eta geoespazialaren aplikazioan estandar berriak zehaztu eta ezarri nahi ditugu, analisi espazialaren bilakaera bultzatuz adimen artifizialeko algoritmo aurreratuen inplementazioaren bidez. Gure helburua nazioarteko ekimenak gidatzea da, bereziki Europan, Ameriketan eta Afrikan, datu-plataforma integratu berriak ezartzeko, denbora errealeko analisiak eta bistaratze aurreratua erraztuz, erabaki kritikoei eutsiko dietenak hainbat arlotan, hala nola ingurumenean eta jasangarritasunean, hiri-kudeaketan, energia berriztagarrietan eta defentsan eta segurtasunean. Gure helburua gaur egungo datu-azpiegitura ekosistema oso moldagarri eta prediktibo bihurtzea da, momentu honetako eta etorkizuneko erronkei erantzungo diena, AAko eta konputazio kuantikoko aurrerapenen erabilera optimoa eginez, datuen eta analisien integrazio eta sinkronizazio perfektua lortzeko.

• Zein da zuen misioa? Zuen proiektuari buruz hitz egingo al diguzue?

  Bizi-kalitatean hobekuntza nabarmenak katalizatzea, teknologia geoespazialen eta adimen artifizialaren integrazio aurreratuaren bidez. Datu geoespazialak prozesatzeko eta aztertzeko sistema kuantikoen eta AAen ikerketaren eta garapenaren mugan gaude, proiektu transnazional estrategikoei lagunduz. Gure sistemak datu-bolumen handiak ia denbora errealean prozesatzeko diseinatuta daude, hiri-plangintza eta azpiegitura kritikoen kudeaketa hobetzen duten interpretazio zehatzak erraztuz, larrialdiei erantzun eraginkorrak emateaz gain, ingurumen-iraunkortasunean, energia-eraginkortasunean eta segurtasunean ikuspegi berezia izanda. Gobernuentzat, industriarentzat eta herritarrentzat aplikazio praktikoak eta onura nabarmenak eskaintzen dituzten soluzio tekniko konpetenteak garatzeko konpromisoa hartzen dugu, mundu mailan garapen jasangarriago eta bidezkoago bat lortzen laguntzeko.

• Zerk desberdintzen zaituzte merkatuan?

  Adimen artifizial kuantikoa askotariko iturrietako datu geoespazial aurreratuak prozesatzeko teknikekin integratzeko dugun gaitasunak ezberdintzen gaitu. Aparteko konbinazio horrek aukera ematen digu insight sakonak eta iragarpen zehatzak eskaintzeko, eta horiek funtsezkoak dira plangintza estrategikorako eta funtsezko sektoreetan erabaki informatuak hartzeko, hala nola ingurumenean eta jasangarritasunean, energia berriztagarrietan, hiri-kudeaketan, defentsan eta segurtasunean.

• Munduarekin partekatzea gustatuko litzaizukeen esaldi bat

  Berrikuntza kuantikoa eta geoespaziala lotzen ditugu etorkizun jasangarri eta seguruago bat lortzeko.

GLOBAL DATA QUANTUM

• Zenbat urte daramatzazue lanean?

  Global Data Quantum 2022an sortu zen, Global Data Media Tech enpresaren spin-off gisa. Konpainia horrek aholkularitza teknologikoko, big datako, adimen artifizialeko eta estrategia digitaleko zerbitzuak eskaintzen ditu 2014tik.

• Zenbat pertsonak osatzen dute zuen lantaldea?

  Gaur egun, 5 pertsonako taldea dugu AA garatzeko lanetan; eta 8 pertsonako taldea, espezifikoki quantum teknologiekin lan egiten duena.

• Zeintzuk dira zuen anbizioak?

  Gure bezeroek egungo egoeran konputazio kuantikoak duen potentziala ahalik eta gehien aprobetxa dezaten lagundu nahi dugu. Enpresa gisa, teknologia disruptibo horren aplikazioan dugun posizionamendua sendotu nahi dugu. Horretarako, jakitun gara iraultza kuantiko hau egiten ari den abiadura zorabiagarrian hazi eta aurrera egin behar dugula.

• Zein da zuen misioa? Zuen proiektuari buruz hitz egingo al diguzue?

  Hainbat tipologia eta sektoretako proiektuetan lan egiten dugu, soluzio kuantiko hutsetan ez ezik, sistema hibridoen (Quantum + AA) diseinuan ere arreta jarriz. Gure helburu nagusia da konputazio kuantikoa negozio-erabilera errealen kasuetara hurbiltzea eta eskuragarri egitea. Irmoki sinesten dugu teknologia horrek eskaintzen dizkigun aplikazioen aniztasunean eta potentzialtasun izugarrian.

• Zerk desberdintzen zaituzte merkatuan?

  Edozein erronka zalantzarik gabe onartzen dugula esango nuke, nahiz eta gure konfort eremutik atera. Gure ustez, horrela bakarrik da posible komunitate zientifikoari laguntzea eta industriari erabateko zerbitzua ematea.

• Munduarekin partekatzea gustatuko litzaizukeen esaldi bat

  Gure esku dago konputazio kuantikoa etorkizuneko teknologia izan beharrean, gaur egungoa izatea. Has gaitezen gaur biharko erronkak konpontzen.

HENKO

• Zenbat urte daramatzazue lanean?

  Henko 2023ko irailean sortu zen.

• Zenbat pertsonak osatzen dute zuen lantaldea?

  Gure taldea 21 profesionalek osatzen dute.

• Zeintzuk dira zuen anbizioak?

  Liderrak izan nahi dugu transformazio digitalean, adimen artifizialeko soluzio berritzaileen bidez, hainbat sektoretan eragin positiboa izanik eta gure bezeroen eragiketen eraginkortasuna eta errentagarritasuna hobetuz.

• Zein da zuen misioa? Zuen proiektuari buruz hitz egingo al diguzue?

  Gure misioa AAren bidez industriaren etengabeko bilakaera eta aldaketa esanguratsua sustatzea da. Henko-n, prozesuak automatizatu ez ezik, irabazi-marjinak hobetu eta produktu berritzaileen bidez sarrera-korronte berriak sortzen dituzten soluzioak garatzen ditugu.

• Zerk desberdintzen zaituzte merkatuan?

  Adimen artifizialeko soluzioak modu intuitiboan eta eraginkorrean integratzeko dugun gaitasunak ezberdintzen gaitu, enpresei teknologia aurreratuak erabiltzen lagunduz eta erronka konplexuak hazteko eta etengabe hobetzeko aukera bihurtuz.

• Munduarekin partekatzea gustatuko litzaizukeen esaldi bat

  Gure arrakastaren benetako neurria gazteei uzten diegun mundua izango da; ziurta dezagun etorkizun hori heredagarria izango dela.

QCENTROID

Gure merkatuko algoritmoak enpresek, ikertzaileek eta sortzaile kuantiko oso kualifikatuek sortzen dituzte. Horri esker, erakundeek erraz aurki ditzakete beraien arazo konplexuetarako soluziorik onenak, eta beren sistemetan integratu, API eta blockchain bidez, edo lehen ezinezkoak izango liratekeen aplikazioak sortzeko erabili.

• Zenbat urte daramatzazue lanean?

  QCentroid 2022an sortu zen.

• Zenbat pertsonak osatzen dute zuen lantaldea?

  10 pertsonak osatzen dute lantaldea.

• Zeintzuk dira zuen anbizioak?

  Konputazio kuantikoaren ahalmena eman nahi diegu tamaina guztietako konpainiei, modu erraz eta ulergarrian, jasangarritasunaren eta klimaren erronkei aurre egiteko.

• Zein da zuen misioa? Zuen proiektuari buruz hitz egingo al diguzue?

  Konputazio kuantikoa erabiltzea errazagoa egiten dugu, hornitzaileak, sortzaileak eta kontsumitzaileak bilduz, eta sarbide bateratua eta algoritmo eta teknologia ezberdinen arteko konparazio erabilgarriak eskainiz. “Quantum as a Service” plataformari esker, erakundeek konputazio kuantikoa eskura dezakete hardware garestiaren edo esperientzia espezializatuaren beharrik gabe.

• Zerk desberdintzen zaituzte merkatuan?

  Kuantikari dagokionez, gure ustez, lankidetza beste enpresa batzuekiko lehia baino garrantzitsuagoa da. Oso sektore hedakor batean gaude, oraindik ere hazten ari dena, eta gizarte osoan eragiteko ahalmen izugarria duena. Horregatik, uste dut ezberdintzen gaituena, ez bakarrik QCentroid, baita ekosistema osoa ere, laguntzeko gogoak direla.

• Munduarekin partekatzea gustatuko litzaizukeen esaldi bat

  Elkarrekin, gizateriak aurrez aurre dituen erronkarik handienak konpon ditzakegu, eta mundu guztiarentzat etorkizun hobea sortu.

QUANTUM MADS

• Zenbat urte daramatzazue lanean?

  Quantum Mads 2019ean sortu zen, baina 2020ko abenduaren 18an eratu ginen ofizialki.

• Zenbat pertsonak osatzen dute zuen lantaldea?

  9 pertsona ditugu guztira taldean.

• Zeintzuk dira zuen anbizioak?

  Asko ditugu, hitz gutxi batzuetan laburbil daitezkeen arren: adimen artifiziala eta konputazio kuantikoa bezalako teknologien hartzea eta integrazioa bizkortu ahal izatea gizarte eta espezie gisa ditugun erronketan.

• Zein da zuen misioa? Zuen proiektuari buruz hitz egingo al diguzue?

  Optimizazio-, iragarpen- eta simulazio-problemen ebazpenen garapenean zentratzen gara. Pertsonek eta erakundeek gure garaiko teknologiaren azterketa duinean oinarritutako erabaki konplexuak hartzeko duten gaitasuna handitzea bilatzen dugu.

  Adibidez, finantzen esparruan diru-zorro baten osaera zehazteko beharra dago, inbertsioaren itzulera maximizatzeko eta arriskua minimizatzeko. Gaur egun software as a service (SaaS) zerbitzua ematen ari gara, eta horretarako konputazio kuantikoa erabiltzen dugu. Beste adibide bat denborazko serie sintetikoen eraikuntza da, aplikazio anitz dituena. Gainera, indizeen erreplikazioa eta adiskidetzea bezalako arazoak jorratzen dituzten beste garapen batzuk ditugu. Beste sektore batzuei dagokienez, konputazio kuantikoaz baliatzen den soluzio bat sortu dugu, sektore logistikoaren barruko portuko agenteen arteko kontainer hutsaren mugimenduaren arazoa optimizatzeko; eta beste irtenbide bat, instalazio fotovoltaikoetan eguzki-energiaren ekoizpena aurreikusteko.

• Zerk desberdintzen zaituzte merkatuan?

  Uste dugu motibazio eta ikuspegi orokor partekatua dituen talde batek asko bateratzen duela gure proiektua, diziplina anitzekoa eta etengabeko prestakuntzan eta hazkundean dagoena. Jakin-min handiko taldea gara, konpontzeko eta berritzeko gogo handia dugu, eta azken urteotan benetako erabilera-kasuetan esperientzia dugu.

• Munduarekin partekatzea gustatuko litzaizukeen esaldi bat

  “Jardueraren batez maitemindu eta egin! Inor ez da inoiz konturatzen bizitza benetan zer den, eta horrek ez du axola. Esploratu mundua. Gure inguruko ia guztia interesgarria da, sakonki behatzen baduzu. Lan egin gogor eta ahal duzun guztia eman gehien gustatzen zaizkizun gauzetan. Ez pentsatu zer izan nahi duzun, baizik eta zer egin nahi duzun” - Richard P. Feynman.

QUANVIA

• Zenbat urte daramatzazue lanean?

  Quanvia 2022an sortu zen, UPV/EHUko spin-off gisa.

• Zenbat pertsonak osatzen dute zuen lantaldea?

  Gure sortzaileetako hiruk gidatzen gaituzte: Enrique Solano, Euskal Herriko Unibertsitateko (UPV/EHU) Ikerbasqueko irakaslea eta Kipu Quantumeko kontseilari delegatua; José Rigol, ICAIko ingeniari informatikoa, aholkularitza teknologikoan eta AAn eskarmentu handia duena eta UPV/EHUko Konputazio Kuantikoko Doktoregoa. Urtarrilean kontratatu genuen gure lehen langilea, eta 2024 amaierarako beste hiru gehitzea da helburua.

• Zeintzuk dira zuen anbizioak?

  Quanvia oraindik azaleratzen ari diren teknologia kuantikoen arteko arrakala ixten laguntzeko eta gure bezeroei balioa eman diezaieketen erabilera errealeko kasuetan aplikatzeko sortu zen. Bi urte hauetan lanean aritu ondoren, NV Center-etan oinarritutako sentsore kuantikoko produktuak garatzeko nitxo bat eta AAn eta quantum machine learningean oinarritutako software bat identifikatu ditugu. Teknologia horietan oinarritutako erabilera masiboko lehen produktu bat garatzeko ametsa dugu.

• Zein da zuen misioa? Zuen proiektuari buruz hitz egingo al diguzue?

  PoC-en bidez (kontzeptu-probak) hainbat produktu garatzen ari gara. Gure misioa industria bat eraldatzea da (espero dugu laster zehaztuko dugula zein eraldatuko dugun, gure kontzeptu-probak amaitu ondoren) sentsorika kuantikoaren bidez. Sentsorika kuantikoan oinarritutako erabilera masiboko produktu bat garatu eta merkaturatu nahi dugu. Bilbotik sentsorika kuantikoaren mundua eralda dezakegula uste dugu.

• Zerk desberdintzen zaituzte merkatuan?

  Lehenik eta behin, uste dugu bazkide sortzaileen eskarmentu profesional eta akademikoak kapitalizatu daitekeen know-how bat ematen digula. Munduko umiltasun guztiarekin, baina, era berean, anbizio guztiarekin, bide orri argi bat dugu industria hori Bilbotik eraldatzeko. Bestalde, konpainiak eskura duen networking nazionala eta nazioartekoa faktore bereizgarri gisa hartzen ditugu. Horrek, lehen mailako playerrekin PoC-ak garatzeko aukera ematen digu, zeinetara sartzea oso zaila izango litzatekeen Quanvia-ren sarbidea den networking sare hori gabe.

• Munduarekin partekatzea gustatuko litzaizukeen esaldi bat

  "Ez naiz hona etorri nola bukatuko den esatera; hona nola hasiko den esatera etorri naiz!" (Matrix 1999).

QUBIZ TEAM

• Zenbat urte daramatzazue lanean?

  QUBIZ Team 2022an sortu zen, baina 2023ra arte ez zituen bere jarduera eta lehen PoC-ak hasi.

• Zenbat pertsonak osatzen dute zuen lantaldea?

  Momentu honetan 7 pertsona gara eta bi gehiago sartzear gaude.

• Zeintzuk dira zuen anbizioak?

  Zalantzarik gabe, badakigu lurralde berriak esploratzen ari garela eta ebidentzia zientifikoak lortzen ari garela, non erantzukizun maila handienarekin jokatu behar dugun. Gure gisako enpresa batek ez du orientazio ekonomiko bakarra izan behar zure emaitzen kontuaren gainean. Talentua erakartzera eta alderdi ekonomikoaz gain gizartean eta ingurumenean eragina izatera bideratutako gaitasuna duten produktuak garatu behar ditugu. Gure anbizioa da eredu izatea nola bideratu behar den sortzen ari den teknologia onura komunerako enpresa sendo batekin, emaitza onekin, inpaktu hirukoitzarekin eta nazioarteko proiekzioarekin hainbat bertikaletan.

• Zein da zuen misioa? Zuen proiektuari buruz hitz egingo al diguzue?

  Hasiera batean, sentsorikaren eta metrologia kuantikoaren bidez erronkak konpontzen dituen enpresa bat gara, noski, sortzen ari diren beste teknologia batzuen laguntzarekin. Teknologia konbentzionalak konponbide eraginkorrik eskaintzen ez duen arloetan negozio-orientazioan ari gara lanean.

• Zerk desberdintzen zaituzte merkatuan?

  Gure faktore bereizgarri argia gure lantaldea da. Dream team bat, su motelean egindako errezeta baten fruitua. Gure inguruan ozeano urdin bat besterik ez dugu ikusten.

• Munduarekin partekatzea gustatuko litzaizukeen esaldi bat

  QUBIT bat sistema kuantiko baten oinarrizko unitatea da; QUBIZ bat gauza bera da, baina Bizkaiko ekosistemari esker bitaminatua, taldean lan eginez. Talentua biltzen jarraitzen dugu, zuen zain gaude.