GIZARTE EKINTZA SAILA

Bizkaiko Foru Aldundiko Gizarte Ekintza Sailaren eginkizuna da laguntza-premiak dituzten pertsonei bizi-ibilbidean laguntzea, tresna hauen bidez: balorazioa, orientazioa, baliabide espezializatuak, bilakaeraren jarraipena, eta, hala badagokio, beste baliabide batzuetara bideratzea. Arreta berezia jartzen da mendetasun- eta desgaitasun-egoeretan eta babesik gabe edo babesgabetasun arrisku handian dauden haurren babesean.

Gainera, Bizkaian ematen diren gizarte-zerbitzuak baimendu, ikuskatu, homologatu eta erregistratzeko lanak egiten ditu.

Gizarte Ekintza Sailaren politikak Bizkaiko gizarte ekintzako hirugarren sektorearen laguntzarekin diseinatzen eta gauzatzen dira, bizkaitarren parte-hartzea bultzatuta.

Aurrekontua 2026 Bizkaiko Foru Aldundia

767.151.622 €*

1.718.223.786 euroko guztizko aurrekontuaren %44,65*

*Langileriaren ordainsariak, herri zorra eta konpromiso instituzionalak alde batera urzitako aurrekontua.

aurrekontuak 2026

Zer egiten dugu?

Eginkizun hauek ditu:

  • Sailaren administrazio-kudeaketa eta aholkularitza juridikoa, arlo guztiei arau- eta lege-laguntza emanez.
  • Gizarte-zerbitzuetako erakundeak, zentroak eta zerbitzuak baimentzea, ebaluatzea, homologatzea, erregistratzea eta ikuskatzea.
  • Haurrak babestea, adingabeen babesgabezia- edo abandonu-egoeretan esku hartuz.
     

Eginkizun hauek ditu:

  • Mendekotasun- eta desgaitasun-egoeren diagnostikoa, balorazioa eta orientazioa, bai eta pertsona bakoitzari egokitutako baliabideen eta zerbitzuen prestazioa eta zaintza-ekosistema ere, komunitatean integra daitezen sustatzeko. Gizarte-larrialdien arloko koordinazioa ere barne hartzen du.
  • Kotizazio gabeko pentsioak kudeatzea, Gizarte Segurantzaren Diruzaintza Orokorreko entitate laguntzailea den aldetik.
  • Adinekoen Kontseilua dinamizatzea, parte hartzeko eta aktiboki entzuteko gune gisa.

Eginkizun hauek ditu:

  • Bizitza-luzerari eta iraupen luzeko zainketei buruzko behaketa eta ikerketa aplikatua, Bizi-luzetasunaren Behatokiaren eta Nagusi Intelligence Centerren bidez.
  • Zahartze aktiboari eta erronka demografikora egokitzeari lotutako politika publikoak diseinatzea eta koordinatzea.
  • Zainketen plangintza estrategikoa egitea, iraupen luzeko zainketen 
  • Erakundeen arteko eta sareko lankidetza, tokiko, nazioko eta nazioarteko aliantzetan parte hartuz, zahartzeari ikuspegi berritzaile eta partekatu batetik aurre egiteko.

Taldea

Gobernuaren organigrama

Izapideak eta laguntzak

Izapideak

Programak eta zerbitzuak

Haurrak

  • Adingabeak babesteko neurriak: tutoretza eta zaintza

    Adingabe bat babesgabetasun-egoeran dagoenean, Bizkaiko Foru Aldundiak bere gain hartuko du haren zaintza edo tutoretza.

  • Familia-harrera

    Familia-giro normalizatu batean hazteko zailtasunak dituzten haurrei harrera-familia batean maitasun-, zaintza- eta laguntza-giroan bizitzeko aukera ematen die.

  • Arreta goiztiarra

    Diziplinarteko ekintza koordinatuen multzo bat da, garapenean trastornoak dituzten edo trastornoak izateko arriskua duten 0 eta 6 urte bitarteko haurrei, haien familiei eta inguruneari zuzendua.

Mendekotasuna eta desgaitasuna

  • Mendekotasunaren ebaluazioa

    Talde profesional batek eguneroko bizitzako oinarrizko jarduerak ohiko ingurunean gauzatzeko laguntzaren beharra baloratzen du.

    Mendetasun-egoerak zerbitzuak eta prestazioak jasotzeko aukera ematen du, aitortutako mendetasun-mailaren arabera.

  • Desgaitasunaren ebaluazioa

    Gizartean baldintza berdinetan bete-betean eta eraginkortasunez (testuinguruaren oztopoak kontuan hartuta) parte hartzea eragozten dioten muga fisiko, mental, intelektual edo sentsorial iraunkorrak baloratu behar dira.

    Desgaitasun-egoerak zerbitzuak eta prestazioak jasotzeko edo onurak izateko aukera ematen du, aitortutako desgaitasun-mailaren arabera.

  • Zantzaileak

    Bizkaiko Foru Aldundiak aitortu eta babestu egiten du mendekotasun-egoeran dagoen pertsona bat zaindu eta familia-giroan zaintzeko prestazio ekonomikoa kobratzen duten pertsonen lana, beren bizi-proiektua eta ematen dituzten zainketak bateragarri egin ditzaten.

Gizarte-zerbitzuen erregistroa eta ikuskapena

  • Gizarte Zerbitzuen Foru Erregistroa

    Bizkaiko gizarte-zerbitzuen arloan diharduten erakunde, zerbitzu eta zentroei (publikoak zein pribatuak) buruzko informazio publikorako tresna.

  • Baimena eta ikuspena

    Bizkaiko gizarte-zerbitzuetako erakunde, zerbitzu eta zentroek indarrean dagoen araudiak ezarritako baldintzak betetzen dituztela egiaztatzen du, erabiltzaileen eskubideak bermatu daitezen.

Erabiltzaileentzako arreta

  • Erabiltzaileari Laguntzeko Unitatea

    Unitate horren ardura da erabiltzaileek sailaren eskumeneko gizarte-zerbitzuei eta -arretari buruz aurkeztutako iradokizunak eta kexak jasotzea eta izapidetzea, bai eta Etika Batzordeari bidalitako kontsultak ere.

Albisteak

Albiste guztiak