EZAGUTU ALDUNDIA

Ongietorriak Bizkaira Foru Aldundiaren web orriaren bitartez, hain zuzen ere, bizkaitar guztien etxea. Bizkaia lurralde abegitsua da, aukerez betea eta munduari irekia. Bere gobernua, Foru Aldundia, modernoagoa izateko eta bere 112 udalerriak nahiz horietako biztanleak egunez egun hurbilagoa sentitzeko ilusioz diharduen erakundea da. Web orri hau ate irekia da Aldundiaren eta Bizkaiko pertsonen artean eguneroko harremana errazteko. Hala, beren ekarpena beharrezkoa da lurralde hobea egiteko.

Aurrekontua 2022
Bizkaiko Foru Aldundia

1,699,000,000 €*

1,699,000,000 euroko guztizko aurrekontuaren %100.00*

* Langileriaren ordainsariak, herri zorra eta konpromiso instituzionalak alde batera urzitako aurrekontua.

aurrekontuak 2022

Aurkezpena

Bizkaiko Lurralde Historikoko gobernua da Foru Aldundia, izan ere, Euskal Autonomia Erkidegoko erakunde nagusietako bat. Burua Ahaldun Nagusia da (2015eko uztailaren 1az gero kargua Unai Rementeriak, Eusko Alderdi Jeltzalekoak, betetzen du) eta funtzioen sorta zabala gauzatzen du, hala nola, zergak biltzea, hirigintza, errepideak eta herri lanak, ingurumena, kultura ondarea edo gizarte ongizatea.

Bizkaiak, Araba eta Gipuzkoako beste Lurralde Historikoek bezala, legebiltzarra du, Batzar Nagusiak, alegia, baita gobernua ere. Azkenekoa Foru Aldundia da. Bizkaiko Batzar Nagusiak 51 batzarkideek osatzen dituzte. Herritarrek zuzenean aukeratzen dituzte lau urtez behin egiten diren foru hauteskundeetan. Batzar Nagusiek Ahaldun Nagusia aukeratzen dute eta Bizkaiko Foru Aldundiaren buru izango da. Horrek, era berean, sail bakoitza zuzentzeko foru diputatuak hautatzen ditu. Gaur egun, Aldundia 10 sailetan banatzen da: Gizarte Ekintza; Herri Administrazioa eta Erakunde Harremanak; Azpiegiturak eta Lurraldea Garapena; Ekonomia Sustapena; Enplegua, Gizarteratzea eta Berdintasuna; Euskara, Kultura eta Kirola; Ogasuna eta Finantzak; Iraunkortasuna eta Ingurune Naturala Zaintzea; Garraioak eta Mugikortasun Jasangarria Sustapena; eta Ahaldun Nagusiari Laguntzeko Unitatea. Bakoitza bere eremuan sailen erabakiak Gobernu Kontseiluan onartzen dira eta, xede horrez, hori astero egiten da. Ahaldun Nagusiak eta foru diputatuek parte hartzen dute. Foru Aldundiari Batzar Nagusiek kontrolatzen diote, herritarrek hautatutako ordezkariak baitaude.

1979ko Gernikako Autonomia Estatutuak Lurralde Historikoei hainbat eskumen ematen dizkie eta ukiezinak dira. Horregatik, Bizkaiak zerga-sistema propioa du eta Foru Aldundia administratzez arduratzen da. Funtzio horien artean, modu berean, foru erakundeak lurraldeko errepideak eta bideak, herri lanak edo kultura ondarea eta ingurumena kudeatzen ditu. Enplegua da gure gizartearen erronka handia. Aldundiaren zeregina garapen ekonomikoa bultzatzea da eta, horretarako, lanpostuak sortzea ahalbidetuko duten erabakiak erraztuko ditu. Halaber, erakundeak Bizkaian inor atzean ez gelditzeko lanean aritzearen konpromisoa hartzen du. Ildo horri jarraiki, egoera pertsonalaren, sozialaren edo familiarraren ondorioz ohiko bizia, duina eta osoa, garatzeko zailtasunak dituzten herritarrei zerbitzuak eskaintzen dizkie.

Bizkaiko Foru Aldundiak 2014. urtean “Bizkaiko Foru Aldundiaren Historia. 1500-2014” liburua argitaratu zuen. Liburuan erakundearen historia jasotzen da, hasieratik José Luis Bilbaoren azkeneko legealdira arte. Hala, Bizkaiko ahaldun nagusi guztiak identifikatzen ditu 1500. urtetik 2014. urtera. Liburua formatu digitalean hemen kontsulta daiteke, bai euskaraz, bai gaztelaniaz.

Bizkaiko Foru Aldundiak Foru Jauregia ezagutzeko aukera eskaintzen du eraikinaren barrualdetik bisita birtuala eginez. Ibilbidean zehar Jauregiko elementu garrantzitsuenei buruzko informazio zehatza eskaintzen da, adibidez gelei eta artelanei buruzkoa. Bisita birtualaren osagarri moduan argazki-galeria bat eta Foru Jauregiaren historiari eta berezitasunari buruzko bideoa daude.

Bisita birtualara joan

Gobernu-Taldea

Gobernuaren organigrama

Albisteak

Albiste guztiak