Hala ere, 'talentu' hitzari erreparatzen diogunean, alde batera uzten ditugu gauez oposizioetarako orduak eta orduak ikasten ematen dituzten pertsonak, goizeko 4etan ogia egiteko altxatzen direnak, negozio txiki bat irekitzen duten pertsonak, edo beraien etxeak eta lagunenak koadro koloretsuz betetzen dituzten horiek. 'Talentu' hitzaren definizio batek honela dio: «pertsona adimenduna edo zeregin jakin bat burutzeko gai dena». Adi: «edozein pertsona» eta, jakina, «edozein zeregin».

Baina, pertsona guztiok al gara talentudunak? Erantzun erraza baietz esatea da, geure buruari erreparatu baino ez baitiogu egin behar. George Lucasek, munduko zinemako zuzendari ospetsuenetako bat, ez du zalantzarik: «Edonork du talentua, eta hura aurkitu arte mugitzerik baino ez daukagu». Batzuetan, ordea, mugitu ere ez gara egin behar, talentua jaiotzatikoa baita, denborarekin garatzen da, eta naturaltasunez ematen da aditzera. Hala ere, ezin da berezko talentuarekin jaio garen egiaztatu, eta, gehienetan, lan egitean azaleratzen da («eskuratutako talentua»). Hainbat jarduera probatzea, zer gustatzen zaidan eta zer ez ezagutzea… Horri esker, ongi egiteko gai garena ez ezik, zer egitea gustatzen zaigun ere ikus dezakegu.

Zergatik da garrantzitsua honi buruz hitz egitea? Bada, pertsona arruntok ere talentu asko daukagulako, eta Bizkaia eta antzeko lurraldeentzako, talentua sortzea, garatzea, erakartzea eta mantentzea –nahiz eta talentu hori txikia izan edo lan ez hain baliotsuetan aplikatu– nahitaezkoa da dagokion lurraldean bizi diren pertsona guztiek bizi maila (are) hobea izan dezaten. Beti bezala, BizkaiaTech Magazine hemen dago inspiratzeko, ikusgarritasuna emateko eta aukera anitzak mahaigaineratzeko, ohikoak diruditen baina ohiz kanpokoak diren talentuz osatutako sarearen parte izan zaitezen.

HURRENGO ORRIALDEETAN

BizkaiaTech Magazineko edizio honetan, talentuaz luze hitz egingo dugu. Gure lurraldea lagatzen ari den talentu gaztea hemen mantentzeko moduari buruz hitz egingo dugu, eta, horretaz gain, pertsona heldu edo adinekoen talentua ere jorratuko dugu (helduarora iristean euren osasunari –edo jakin-minari– laguntzeko zerbait berria ikasten hastea erabakitzen duten horiei buruz, bereziki).

Jakina, Bizkaiko programa batzuei buruz ere hitz egingo dugu, gure lurraldean talentu ugari dagoela argi uzteko: BAT Dorrea aipatu eta azalduko dugu (STEAM gaitasun guztiak batzeko espazioa, ideiak, proiektuak eta lankidetza sustatuz); Formula Student Bizkaiaz (Bilboko Ingeniaritza Eskolaren proiektua) ere hitz egingo dugu, gazteei beren motor-zaletasunarekin lotutako ametsak lortzen laguntzen baitizkiete; Bizkaia Talent programa ere jorratuko dugu, pertsona kualifikatuak berrikuntza- eta ezagutza-prozesura erakartzea, lotzea eta atxikitzea helburu duena. Eta, azkenik –eta ez horregatik garrantzi gutxiagokoa–, zientzia-olinpiadak azalduko ditugu, gazteak zientzia-lehiaketetara hurbiltzen dituen EHUren ekimena.

Horrez gain, BizkaiaTech Magazinean beti egiten dugun bezala, STEAM siglak barne hartzen duen 'A' letrari buruz hitz egingo dugu, Arantza Lauzirikaren eskutik. EHUko Arte Ederretako Irakaslea da, Doktorea artean eta ikus-entzunezko hedabideetan, eta AAk giza-sormenean duen rola azalduko digu.

Zientzia eta teknologiaren alorreko giza-ikuspegia gure ezaugarri indartsuenetako bat da ere. Hori dela eta, Mentxu Ramilok atzerriko talentuaz eta hori bultzatzeko hainbat ekimenez hitz egingo digu; eta Miren Munitisek, berriz, haurren eta haien pentsamendu kritikoa irakaskuntza-begirada batetik sustatzeko moduaz.

Azkenik, ba al dakizu zer desberdintasun dagoen lana bilatzearen eta Interneten jatetxe bat bilatzearen artean? Hurrengo orrialdeetan aurkituko duzu erantzuna.

Baliteke Times aldizkariko azalean zure aurpegia jartzeko moduko aparteko talenturik ez izatea, baina, nahi izanez gero, etorkizunean BizkaiaTech Magazinean tartetxo bat izan zenezake. Izan ere, esan genezake tokiko talentuak ikusaraztea gure eginbeharra dela. Eta sinesten ez badiguzu, murgildu zaitez orri hauetan eta ikusiko duzu… Benetan, ez zaizu damutuko.