Momentu honetan, deskarbonizazioa ez da soilik ingurumenarentzat erronka bat. Lehiakortasunean eta enpleguan eragiten duen etorkizun jasangarri bat eraikitzeko modu bat da. Polo estrategiko gisa eta Euskadi eta Bizkaia berrikuntza teknologiko eta industrialaren puntan jartzeko sortu da Energy Intelligence Center (EIC), berrikuntza irekiko ingurune bat, funtsezkoa trantsizio energetikoan erreferentzia gisa kokatzeko.

Abiatu zenetik, EIC transformazio-motorra izan da, enpresei deskarbonizazio-prozesuetan laguntzeko helburuarekin. Baina, batez ere, trantsizio energetikoaren alorrean soluzio aitzindarien garapena lideratzera bideratuta dago, euskal industria jasangarritasunari dagokionez gero eta zorrotzagoak diren nazioarteko merkatuetan bultzatzeko.

Ezkerraldea-Meatzaldeko Parke Teknologikoan kokaturik dago EIC. Esparru horretan, lankidetza publiko-pribatua deskarbonizazio adimenduneko estrategiaren ardatza da eta hidrogenoarekin eta jatorri biologikoko eta ez-biologikoko erregai berriztagarriekin lotutako balio teknologiko industrialeko katean jartzen du arreta.

Bere izena daraman eraikinean, proiektu industrialak eta garapen teknologikoko proiektuak dituzten enpresek eskura dituzte, dagoeneko, kolaborazioak eta sinergiak sustatzen dituzten eremu pribatibo eta partekatuak. Bertan, laborategi komunak eta full scale tailer bat aurki daitezke, analisi-prozesuak eta proba esperimentalak optimizatzeko.

DESKARBONIZATU ETA BERRINDUSTRIALIZATU

Gure industriaren lehiakortasuna babestuz eta deskarbonizazio-prozesuak berrindustrializazioaren prozesuen pare jarriz, trantsizio energetikoa erraztuko dugu zailago suertatzen zaien sektore horientzat, adibidez, energia-erabilera handia eta emisio asko dituzten industrientzat edo garraio astuna eta distantzia luzekoarentzat.

Etorkizun jasangarri baten bidean abiatu gara Energiaren Euskal Elkartea (EVE), Hidrogenoaren Euskal Korridorea (BH2C), Energy Advanced Engineering Fundazioa, Nortegas, Petronor eta Bizkaiko Foru Aldundia, EIC Fundazioaren patronatuaren buru, elkarlaneko I+G+b plataforma hori kudeatzeaz arduratzen den erakundea. Fundazioak aldaketa klimatikoaren aurkako borroka eta garapen industriala eta teknologikoa bateratzen ditu, industria deskarbokizatuaren balio-kateak sendotzen dituen proiektuen bidez.

BERRIKUNTZAREN BIHOTZA BIZKAIAN

Bizkaiarentzat eta Euskadirentzat, aldaketa hori lideratzeko eta gure gaitasun eta indarrak baliatuz lehiakortasun-abantaila lortzeko aukera aparta da. Berrikuntza handiko lurraldea gara, enpresa-sare sendoa eta energiaren sektorean tradizio handia duena, tokiko talentua eta talentu globala konektatzeko leku egokia.

Hori dela eta, EIC plataforma bat izateko diseinatu da, non energia garbien (hidrogeno berriztagarria, bioerregai aurreratuak, erregai sintetikoak…) ikerketa eta garapena sustatzen duten enpresak, zentro teknologikoak eta unibertsitateak biltzen diren.

Bere inpaktuaren adibide da “Hard to Zero” proiektua, industria-sektore konplexuak deskarbonizatzeko hidrogeno berriztagarria, oxigenoa eta erregai sintetikoak ekoizteko eta banatzeko ekimena. Horrelako proiektuek emisioak murrizten dituzte, eta Bizkaia eta Euskadi teknologia jasangarrietan nazioarteko erreferentzia gisa posizionatzen laguntzen dute.

KOLABORAZIOAN OINARRITUTAKO MODELO BAT

EICren gakoa sinergiak sortzeko duen gaitasunean datza. Punta-puntako nazioarteko enpresak erakartzeari eta tokiko erakundeekiko lankidetza sustatzeari esker, ezagutza-, talentu- eta inbertsio-gune bat izango da zentroa. Hala, EICk hartuko duen erregai berriztagarrien garapen-hub-ak gaitasun teknologikoak zentralizatuko ditu, eta irtenbide berritzaileen gorakada erraztuko du.

Formakuntzak ere leku nabarmena izango du EICren agendan. Unibertsitate eta zentro espezializatuekin kolaboratuz, aldaketa lideratzeko eta gaztediari bideratutako hezkuntza-programak sustatuko dira. Besteak beste, hidrogenoaren teknologiei buruzko unibertsitate arteko masterrak eta trantsizio energetikoaren garrantziaz gizartea sentsibilizatzeko dibulgazio-tailerrak. Ezinbestekoa da erakundeek, enpresek, ikerketa- eta ezagutza-zentroek, herritarrekin batera, inplikazio aktiboa izatea klima-neutraltasunerako trantsizio horretan.

TOKIKO INPAKTUA, MUNDU-MAILAKO IKUSPEGIA

EICren xedea tokiko panorama anbizio globalarekin eraldatzea da. Adimen lehiakorreko plataforma bat sortzeak nazioarteko joerak monitorizatuko ditu erregulazioan, teknologian eta merkatuetan, eta gure lurraldea berrikuntzaren abangoardian dagoela ziurtatuko du. Ikuspegi integral horrek gure industriaren lehiakortasuna indartuko du, ekonomia globalaren deskarbonizazioan laguntzen dugun bitartean.

Jasangarritasunerako bidean, aliatu estrategikoa dugu EICn. Proiektu disruptiboen, ikuspegi komunaren eta berrikuntzaren aldeko apustu irmoaren bidez, erakutsiko dugu deskarbonizazioaren erronka aukera bat dela gure munduko txoko txikitik aldaketa gidatzeko.