Bide horretan, pentsamendu kritikoa lantzen da eta arazoak ebazteko metodoak praktikan jartzen dira (eta hori guztia, modu autodidaktan).

Maker kulturaren tresna hedatuenetako bat Raspberry Pi-a da. Ez, ez gara fruta edo formula matematikoari buruz hizketan ari. Raspberry Pi Foundation-ek 2012an atera zuen gailu txiki bat da, eta bere hasierako helburua esparru akademikoan informatika-irakaskuntza jende guztiarentzat eskuragarri jartzea izan zen.

ZER DA RASPBERRY PI BAT?

Raspberry Pi oso kostu baxua duen (50€ inguru) eta «trasteatzeko» gogoa duen edozeinentzat informatika irisgarri egiten duen ordenagailu konpaktu bat da. Ordenagailu tradizional batek dituen osagai guztiak (CPU, RAM memoria, USB konexioa, sare-konexioa) txertatzen ditu plaka txiki batean, eta kode irekiko sistemekin duen bateragarritasuna da bere bertuterik handienetako bat, zure unitateari nahi duzun funtzionalitatea emateko aukera emango baitizu.

NOLA ERABIL DEZAKEGU RASPBERRY PI PLAKA?

Multimedia zentroa – Kodi.

Gailu horien erabilera ohikoenetako bat multimedia-zentro gisa konfiguratzea da; hala, edukiak (filmak eta musika, adibidez) gordetzeko balio du. Kodi, OpenELEC edo LibreELEC bezalako kode irekiko softwareen bidez, mota guztietako edukiak antolatu eta erreproduzitu ahal izango ditugu interfaze sinple eta intuitibo batean.

Zerbitzari pertsonala – Webgunea, artxiboak (NAS)…

Horiek erabiltzeko beste modu bat zerbitzari pertsonal bat sortzea da, non webgune bat jartzeko aukera edo edozein gailutatik eskuragarri izateko zure fitxategien segurtasun kopia bat egiteko aukera izango dituzun, besteak beste.

Domotika.

Gailu horien konektibitate bikainari esker, beste gailu batzuk kontrola daitezke, domotikarako gailuak prestatzeko aukera emanez.

Programazio-formakuntza.

Kostu baxuak eta Raspberry Pi munduaren atzean dagoen garatzaileen komunitate handiak programazioaren munduan hasteko tresna ezin hobe bihurtzen dute. Izan ere, Raspberry-ren jatorrizko helburua arlo akademiakoan laguntzea izan zen.

Emulazioa (retrogaming).

Azkenik, Raspberry-ak kontsola ezberdinetako jokoak erabiltzeko potentzia nahikoa du. Hainbat emuladoreren bidez, NES, PlayStation, GameBoy eta antzeko kontsolen jokoetan jokatu ahal izango dugu. Gainera, oso bateragarria denez, PlayStation, Xbox eta beste fabrikatzaile batzuen aginteen bidez kontrola daiteke. Artikulu honetan, zure Raspberry Pi kontsola gisa nola konfiguratu erakutsiko dizugu.

ZER DA BATOCERA ETA ZER BEHAR DUGU HORI RASPBERRY PI BATEAN INSTALATZEKO?

Emuladoreak programa edo bideojoko bat beste plataforma batean exekutatzeko aukera ematen duten softwareak dira, eta, horri esker, hainbat plataformatako bideojokoak gailu bakar batean exekutatu ahal izango ditugu (Raspberry Pi batean, esaterako).

Batocera emuladoreak abiarazteko software-aukerarik onenetako bat da. Kode irekiko softwarea du, eta hainbat plataforma emulatzeko aukera emango dizu: NES (Nintendo Entertainment System), Gameboy Color/Advance, Play Station, Sega Mega-Drive… Raspberry Pi bat, 8GB baino gehiagoko bi memoria-unitate (mikro SD txartela eta USB memoria bat ) eta kontsola kontrolatzeko aginte bat baino ez dituzu beharko.

Beste kontsola batzuetako aginteak (PlayStation edo Xbox, adibidez) edo USB edo Bluetooth konexioa duen edozein aginte berrerabil daiteke. Aginterik ez baduzu, teklatu eta saguaren bidez kontrola daiteke ere.

ZER EXEKUTATU DEZAKEGU BATOCERA ERABILIZ?

Plataforma desberdinetako jokoak emulatzeko, plataforma bakoitzeko Bios fitxategiak instalatu behar ditugu. Horretarako, fitxategiak deskargatu eta kanpo-memoria batean kopiatu behar ditugu. Memoria hori gure Raspberry-ra konektatuko dugu. Hainbat garatzailek doan (eta legediari jarraikiz) argitaratzen dituzte fitxategi horiek (Github-en, adibidez).

Zenbait garatzailek –Cinemaware, Team17, Factor5, Gremlinworld, Exidy eta Video Klein, adibidez– ROMak askatu dituzte Amiga eta Mame plataformetarako, eta, beraz, sarbide publikokoak dira.

Beste aukera bat «homebrew» jokoak dira, helburu komertzialik ez duten garatzaile-komunitateek sortutakoak. Horien artean, itch, pdroms eta nesdev probatzea iradokitzen dizugu.

ITURRIAK

• Argibideak.
• Indarrean dagoen legeria.
• Sarbide libreko jokoak.

ERANSKINA – Argibide zehatzak

Nola instala dezakegu Batocera?

Lehenik eta behin, Raspberry-ren irudi-sorgailua deskargatu eta instalatuko dugu Raspberry-ren webgunetik bertatik. Ondoren, gure Raspberry-rako Batocera-ren irudia bilatu eta deskargatuko dugu Batocera-ren webgunetik.

Memoria-unitatea gure ordenagailuan konektatu eta Raspberry-ren irudi-sorgailua irekiko dugu. Sistema eragilearen laukitxoan custom hautatu behar dugu. Fitxategien arakatzailearen leihoa irekiko da eta, hor, deskargatutako irudia hautatu beharko dugu. Biltegiratze-unitatean, gure memoria-unitatea hautatuko dugu. Han, eduki guztia ezabatuko da eta Batocera-ren irudi exekutagarri bat instalatuko da.

Programak galdetuko digu ea SEaren pertsonalizazio-eginbidea aplikatu nahi dugun, eta ezetz esan behar dugu.

Gure USB memoriak dituen datu guztiak ezabatu nahi ditugunetz ere galdetuko digu, eta baietz esan behar dugu prozesuarekin jarraitzeko.

Prozesua amaitu ondoren, memoria atera eta gure Raspberry Pi-an sartuko dugu. Lehen aldiz abiarazten dugunean, denbora pixka bat beharko du konfigurazioa amaitzeko.

**Deskargatu eta exekutatu emuladoreak (legezkoa bada), idatzitako kodea eta jatorrizkoa desberdinak baitira. Jokoak deskargatzea eta exekutatzea jabetza intelektualaren aurkakoa da.

Nola instala ditzakegu emuladoreak?

Hainbat plataformatako jokoak exekutatu ahal izateko, plataforma bakoitzeko Bios fitxategiak instalatu behar ditugu. Horretarako, fitxategiak deskargatu eta kanpo-memoria batean kopiatu behar ditugu. Memoria hori gure Raspberry-ra konektatuko dugu. Hainbat garatzailek doan argitaratzen dituzte artxibo horiek (Github-en, adibidez).

Fitxategiak deskargatu eta deskonprimatu ondoren, Bios karpetan kopiatuko ditugu Batocera sistemaren barruan. Gure Raspberry-n Batocera exekutatzen dugun bitartean, kanpoko memoria konektatuta dugula, F1 sakatuko dugu Batocera-ren fitxategi-kudeatzaile propioa irekitzeko, eta memorian dauden Bios-ak kopiatu eta Bios karpetan itsatsiko ditugu.

Kopiatutakoan, berrabiarazi Batocera eta kopiatutako Bios-en emuladore guztiak agertuko dira.

Nola instala ditzakegu jokoak?

Zenbait garatzailek –Cinemaware, Team17, Factor5, Gremlinworld, Exidy eta Video Klein, adibidez– ROMak askatu dituzte Amiga eta Mame plataformetarako, eta, beraz, sarbide publikokoak dira.

Beste aukera bat «homebrew» jokoak dira, helburu komertzialik ez duten garatzaile-komunitateek sortutakoak. Horien artean, itch, pdroms eta nesdev probatzea iradokitzen dizugu.

Aurreko prozesuko Bios fitxategiekin bezala, ROM fitxategi horiek deskargatu eta deskonprimatu behar ditugu. «Roms» karpetan kopiatuko ditugu, dagokien plataformaren karpetan.