URL Kirolbide PRO guneak Bizkaiko motorrik gabeko mugikortasun jasangarriari buruzko txosten berria argitaratu du

PDF KIROL TURISMOA: Erronkak eta joerak (2 MB)

• URL Kirol elkarteen eta tokiko erakundeen arteko harremanari buruzko joerak
• URL Kirola espazio konbentzionaletatik kanpo
• URL Pertsona Ez-Aktiboen artean kirola sustatzea
• URL Kirolaren dimentsio ekonomikoari buruzko joerak
• URL Administrazio publikoetako kirol-joerak

Ongi etorri Bizkaiko Foru Aldundiaren KIROLGUNEAK programaren parkourparken gida honetara. Agiri hau irakurri eta gero

• Parkour/ADD jarduera, bere praktika, arriskuak eta onurak hobeto ezagutuko dituzu.
• Parkourpark baten funtzionalitatea ulertuko duzu eta kalitate eta erabilgarritasun hoberenak izan ditzan beharrezkoa den guztia ere bai.
• Proiektu bat sortzen denean zein araudi eskatu behar den jakingo duzu eta proiektuaren aukerak baloratzen eta optimizatzen ikasiko duzu.
• Hala nahi izanez gero, instalazioaren erabilera baloratu, dinamizatu edo osatu ahal izango duzu.

PDF Parkour-parkeen gida (3,7 MB)

Azterlan honek derrigorrezko eskola-adineko haurren familientzako kirolaren balio sozial eta ekonomikoa alderatzen eta aztertzen du, eskolaz kanpoko beste jarduera batzuekin alderatuta.

PDF Kirolaren balio sozial eta ekonomikoa (5,2 MB)

Gida honen helburu nagusia Kalisteniako parkeak inguruneetan planifikatu, diseinatu, instalatu eta mantentzeko esparru xehatu egituratu bat eskaintzea da. Hirikoak eta landa-eremukoak, honako hauen bila:

• Inplementazioa erraztea: Udalerriei eta toki-erakundeei Kalisteniako parke seguruak, irisgarriak eta iraunkorrak ezartzeko beharrezko tresnak ematea.
• Osasun Publikoa sustatzea: Herritar guztien artean jarduera fisikoa sustatzea, kalistenia praktikatzeko gune egokiak eta seguruak eskainiz, sedentarismoari eta horrek osasunean dituen ondorioei aurre egiteko.
• Gizarteratzea: Gune horiek adin eta gaitasun guztietako pertsonentzat inklusiboak eta irisgarriak direla ziurtatzea, kirolaren eta ariketaren bidez gizarteratzea sustatuz.
• Iraunkortasuna eta Ingurumenarekiko Errespetua: Parke horiek garatzeko moduari buruz orientatzea, ingurumena errespetatuz eta praktika jasangarriak sustatuz, materialei eta eraikuntzari dagokienez.

PDF Kalistenia-parkeen gida (9,5 MB)

Bizkaiko Foru Aldundiko Euskara, Kultura eta Kirol Saileko Kirol Zerbitzuak duela gutxi argitaratu duen liburu honen berri eman nahi dizugu atsegin handiz:

6 eta 16 urte bitarteko ikasleek egiten duten kirol-jardunari buruzko datu bereziki garrantzitsuak ematen dituen dokumentua. Kirol-modalitateak, denbora, jolasguneak, praktika librea edo antolatua, irakaskuntza-hizkuntza eta abar dira inkesta honek, 2000 ikasle baino gehiagori zuzenean egiten zaienak, gure lurraldeko kirol-jardueraren kudeaketaz arduratzen diren pertsona guztiei eskaintzen dien informazioaren lagin txiki bat.

PDF Bizkaiko ikasleen kirol ohiturak 2022 (22,2 MB)

Txosten hau Bizkaiko Foru Aldundiko Kirol Zerbitzuak lurraldeko biztanleen kirol-ohituretan azken urteetan izandako aldaketak ezagutzeko duen interesetik sortu da.

Erakundeak hainbat ikerketa egin ditu, eta, horiei esker, hamasei urtetik gorako biztanleriak ariketa fisikoarekin lotutako ohituretan zer aldaketa izan dituen azter daiteke, abiapuntu hartuta 2001ean Bizkaiko biztanleen kirol-ohiturei buruz egindako ikerketa.

PDF Kirol-ohituren bilakaera (14,9 MB)

Parke bio-osasungarriak (aurrerantzean, PBO) espazio berdeak, irekiak eta aire zabalekoak dira. Herriguneetan egoten dira eta hainbat makina izaten dituzte sasoi fisikoa garatu eta mantentzeko (Giráldez et al., 2013). Parkeen helburua da pertsona guztiek erabili ahal izatea bestelako testuinguruetan kostu handiak dituzten gailu espezializatuak, denbora librea aprobetxatzea eta ariketa fisikoa egitea ongizate fisiko, mental eta soziala sortzen duen aukera gisa (Camargo, 2018).

Parke horiek ‘Kirolguneak: parke bio-osasungarriak’ programaren dinamizazio xedea dira. Programa 5 urtean zehar (2017tik 2021era) gauzatu du Bizkaiko Foru Aldundiak, eta helburua izan da 20.000 biztanle baino gutxiagoko Bizkaiko udalerrietako adinekoei espazio horiek ezagutaraztea aire zabalean ariketak egiteko puntu gisa. Modu horretan, PBOen bidez zahartze aktiboa sustatzea izan da helburua, eta hala, udalerriei programa eredu bat eskaintzea, denboran jarraikortasuna izan dezaten.

Ondorioz, Bizkaiko Foru Aldundiaren Kirol Zerbitzuak sustatu eta finantzatutako txosten honetan ‘Kirolguneak: parke bio-osasungarriak’ programaren inpaktua eta gaur egun PBOek Bizkaiko 112 udalerrietan duten egoera jorratzen da biztanleen erabilera mailari eta erabiltzaileek eta udal teknikariek programaren inguruan duten iritziari dagokienez.

PDF "Kirolguneak: Parke Bio-Osasungarriak". Programaren inpaktua eta bizkaiko parke bio-osasungarrien egoera (12,3 MB)

Bizkaiko Foru Aldundiak, Bizkaiko federazio eta kirol-erakundeetan berdintasun-planak prestatzeari buruz hartutako erabakian, hau bera indartzen duten hainbat argudio biltzen dira, eta inflexio-puntu bat ezartzen du kirol-erakundeen kudeaketari dagokionez; berdintasun-planak prestatzeak kultura-aldaketa bat dakar, eta kirolean egitura-aldaketak eragiteko neurriak hartzeak dakar ere. Ekintza hori, zalantzarik gabe, Bizkaiko kirola eraldatzeko prozesu zabalago baten funtsezko alderdi bat da.

Gida honen helburua, emakume eta gizonen berdintasunerako planak diseinatzeko tresna praktiko bat eskaintzea da Bizkaiko kirol federazio eta erakundeei.

PDF Kirol-erakundeetan berdintasun plana egiteko gida (3,3 MB)

Udal Kirolaren eta Azpiegituren Atalaren ildo estrategiko bat KIROLAREKIN HARREMANAK DITUZTEN AGENTEEN ARTEAN EZAGUTZA SORTZEA da. Beraz, HEZKUNTZA ETA KIROL FAKULTATEAREN HEZKUNTZA FISIKO ETA KIROL SAILAREKIN (EHU)lankidetzan egindako ikerketa-lan bat aurkezten dugu, honako helburu nagusi hauekin:

• Udal kirol-zerbitzuen egoerari, ahuleziei eta etorkizuneko erronkei buruz udal kirol-arduradunek duten pertzepzioa ezagutzea.
• Etorkizuneko kirol-agertoki posibleak baloratzen laguntzen duen hausnarketa-elementu bat sortzea.

Espero dugu ezagutza-tresna ezin hobea izatea, Bizkaiko gizarte kirolzaleagoa lortzeko bidean aurrera egiten jarraitzeko.

PDF Kirol-zerbitzuen egungo egoera eta etorkizuneko erronkak (12,1 MB)

Kirola bizi-kalitatean eragin positiboa duten faktore nagusietako bat da eta horrela dago aintzatetsita. Hori dela eta, Bizkaiko Foru Aldundiak 'Bizkaiko populazioaren kirol-ohiturak' azterlana egin du.

Azterlan honek Bizkaiko kirol-sistema osatzen duten erakunde guztiei laguntzen die Lurraldeko herritarren joera eta beharrei erantzungo dieten kirol-ekimenak ezartzen, kirol-ohiturak modu osasungarriagoan, berdintasunezkoagoan, inklusiboagoan eta jasangarriagoan sustatzearen ondoreetarako.

• PDF Bizkaiko populazioaren kirol-ohituren azterlana (30,3 MB)
• PDF Laburpena (2,6 MB)

Honako esteka hauen bidez, kirolarekin lotutako kanpainei buruzko informazioa eskuratu ahal izango duzu.

• URL Eskola kirola
• URL Beste batzuk