Errenta/Renta 2023

Errenta eta ondarea 2023

Apirilaren 10etik ekainaren 28ra

Europar Batasunarekin batera finantzatua Confinanciado por la Unión Europea

Zer da ordezkaritza?

Ordezkaritzak aukera ematen du beste pertsona batek zure izenean jarduteko errenta- eta ondare-izapideetan.

Apirilean zure etxera bidali genuen Errenta23 eskutitzak ordezkaritza-gakoa jasotzen du. Beste pertsona bat (senidea, ezkontidea edo izatezko bikotea, gestoria, aholkularitza...), zure ordezkaritza-gakoa erabiliz, arduratu daiteke zure izenean kudeaketak egiteaz.

Ordezkaritza-gakoa egoitza elektronikoaren jakinarazpen eta komunikazioen erretiluan ere eskuragarri dago apirilaren 10tik.

Ordezkaritza-gakoa ez zaie bidaliko adingabeei, ez eta hildakoei ere.

Telefonoz: 94 608 3000

Ordezkaritza-gakoa

Posta arruntaz jasoko duzu, apirilean, errenta-zirriborroari buruzko informazioarekin batera. Gakoa «Ordezkaritza» izenburuko orrian aurkituko duzu.

Gehiago ikusi errenta-eskutitzari buruz

Zer kudeaketa egin daitezke ordezkari gisa?

Pertsona batek beste bat ordezkatzen badu haren ordezkaritza-gakoa erabiliz, hauek egin ahal izango ditu:

Baliteke

Ordezkaritza-gako berria eskatu behar izatea

Errenta23 eskutitza jaso ez baduzu edo ordezkaritza-gako berria behar baduzu, eskatu ezazu, eta postaz bidaliko dizugu. Gako berriak zaharra baliogabetzen du. Oro bat, gako berria egoitza elektronikoko zure komunikazioen erretiluan kontsultatu ahal izango duzu, hurrengo egunean.

Ordezkaritza-gako berria eskatu 

Ordezkari bati sarbidea kendu behar izatea

Zure ordezkaritza-gakoa beste pertsona bati eman badiozu eta errebokatzen baduzu, baliogabetuko duzu zure izenean 2023ko errenta- eta ondare-izapideetara sartzeko eta zu ordezkatzeko emaniko baimena.

Ordezkaritza-gakoa errebokatu

Ordezkari izateari uko egin behar izatea

2023ko Errenta eta Ondare kanpainan beste pertsona baten ordezkari aritu bazara eta haren ordezkari izateari utzi nahi badiozu, «Nik ordezkatzen dut» fitxara sartu behar zara, «Ordezkaritzari uko egin» aukeraren bidez, zeure burua identifikatu ondoren. Ordezkaritzari uko egitea «Ekintzen» arteko bat da.

Ordezkari izateari uko egin

Zalantzarik baduzu? Hemen dituzu ohikoenak

  • Ordezkaritza-gakoak aukera ematen du beste pertsona batek zure izenean jarduteko 2023ko Errenta eta Ondare Kanpainan.

    Zure ordezkaritza-gakoa erabilita, beste pertsona batek (senide bat, gestoria, aholkularitza...) aukera izango du:

    • Zirriborrora sartu eta aldatzeko eta errenta-aitorpena aurkezteko.
    • Ondare-aitorpena aurkezteko.
    • Fortuna Handien gaineko Aldi Baterako Elkartasun Zerga aitorpena aurkezteko.
    • Ondoren edozein izapide egiteko.
  • Ordezkaritza egiaztatutzat joko da ordezkaritza-gakoa –errenta-zirriborroa izapidetzeko, ondare-aitorpena izapidetzeko edo Fortuna Handien gaineko Aldi Baterako Elkartasun Zerga izapidetzeko— titularra ez den beste pertsona batek sartzen badu.

  • Ezkontideetako bat edo izatezko bikotekideetako bat hiltzen bada, legezko ordezkaritza ofizioz inskribatuko da ahalordetzeen erregistro elektroniko orokorrean, bizirik dirauen ezkontidearen edo izatezko bikotekidearen alde. Inskribatutako ordezkaritzak bost urteko balioa izango du, heriotzaren datatik zenbatzen hasita.

    Bizirik dagoen ezkontideak edo izatezko bikotekideak hirugarren bati ordezkaritza ematen badio zerga-administrazioaren aurrean, ordezkaritza hori eman zaiola ulertuko da hildako zergadunari dagokionez, berariaz kontrakoa adierazten ez bada.

    Dena den, hildakoaren oinordekoek aukera izango dute bizirik dagoen ezkontidearen edo izatezko bikotekidearen aldeko ordezkaritzaren ofiziozko inskripzioaren aurka egiteko eskubidea baliatzeko. Horretarako, oinordekoak direla egiaztatu beharko dute.

    Ahalordetzeen erregistro elektroniko orokorrean inskribatzeko eskaera

  • Adingabeen legezko ordezkaritza ofizioz inskribatuko da ahalordetzeen erregistro elektroniko orokorrean, familia-unitate bateko kide diren adingabeen kasuan, bi gurasoen alde edo, guraso bakarra badute, haien guraso bakarraren alde. Hori guztia, kontrakoaren froga sinesgarririk ezean.

  • Ordezkaritza-gakoak bost urteko balioa du, lehenengoz erabiltzen denetik. Aldi horretan, gakoa eman zen zergaldiko errenta, ondare- eta, hala badagokio, Fortuna Handien gaineko Aldi Baterako Elkartasun Zerga-izapideak egiteko erabili ahal izango da.

Jarri harremanetan gurekin

  • Errenta kanpaina

    Teléfono

    94 608 3000

    Arreta pertsonalizatua

    Aitorpena aurkeztea, zergei buruzko kontsultak, informazio orokorra, zalantzak argitzea, Bak aktibatzeko laguntza, Bak sistemari buruzko kontsultak.

    Ordutegia: Astelehenetik ostiralera, 8:30etik 19:00etara

    Arreta automatikoa

    Aitorpena aurkeztea eta izapide errazak.

    Ordutegia: 24/7

  • Gorabehera informatikoak

    Teléfono

    94 608 3566

    Gorabehera informatikoei buruzko kontsultak

    Ordutegia: Astelehenetik ostiralera, 8:30etik 19:00etara

  • Posta elektronikoz

    Idatz iezaguzu herritarrentzako arreta-formularioaren bidez, eta ahalik eta lasterren erantzungo dizugu.