Ohiko galderak

• Egoitza pribatu batean sartzen banaiz, ba al dut laguntzaren bat jasotzeko eskubiderik?

  Bai, mendekotasunaren balorazioa eginda eta foru plaza publiko baterako eskubidea aitortuta duzula, baldin eta une horretan zuretzat plaza librerik ez badago.

  Kasu horretan, egoitza-zerbitzuari lotutako prestazio bat emango zaizu (ZLP), egoitza pribatuko egonaldiaren gastuak ordaintzen laguntzeko.

• Zenbat denboraz egon naiteke egoitza pribatu batean, aldi baterako egonaldiagatiko ZLPa kobratzen ari naizela?

  Arrazoiaren arabera.

  • Zaintzailearen atsedenagatik edo oporrengatik: urtean 2 eta 30 egun bitartean (29 gau). Gogoan izan familia-giroan zaintzeko prestazio ekonomikoa (FGZPE) jasotzen duten pertsonentzat zaintzaileen atsedenari lotutako 30 eguneko prestazioa (atsedeneko ZLP) dagoela urtean behin, eta prestazio hori onuragarriagoa izan daitekeela.
  • Gainerako kasuak (zaintzailea ospitaleratzea edo bere senidea zaintzea eragozten dion beste arrazoi larriren bat): 3 hilabete, eta hilabetez luza daiteke salbuespenezko kasuetan.

• Eska ditzaket urte berean aldi baterako egonaldiagatiko ZLPa eta zaintzailearen atsedenerako ZLPa?

  Ez, bi prestazio horiek bateraezinak dira urte berean, zaintzailea ospitaleratzen denean, edo bere senidea zaintzea eragozten dion beste arrazoi larriren bat gertatzen denean izan ezik.

  Ezin dira urte berean erabili atsedenerako aldi bateko egonaldiagatiko ZLPa eta zaintzaileak atseden hartzeko aldi bateko egonaldiagatiko ZLPa. Atsedenerako ZLPa erabili baduzu, aldi bateko egonaldiagatiko ZLPa eska dezakezu zaintzailea ospitaleratu egiten bada edo zaintzea eragozten dion beste arrazoi larriren bat gertatzen bazaio.

• Kobra al dezaket aldi baterako egonaldiagatiko ZLPa, FGZPE kobratzen ari banaiz?

  Bi prestazioak bateraezinak direnez aldi baterako egonaldiak irauten duen bitartean, eten egingo zaizu FGZPEa edo, kobratu baduzu, egonaldiko egunei dagokien zenbatekoa itzultzeko eskatuko zaizu.

• Kobra al dezaket aldi baterako egonaldiagatiko ZLPa, FGZPEa kobratzen ari ez banaiz?

  Bai. Mendekotasun-egoeran bazaude (II. edo III. graduak), aldi baterako egonaldirako eskaera bat aurkeztu baduzu, foru plaza publiko baterako eskubidea aitortu bazaizu, eta une horretan ez badago zuretzako plaza librerik.

• Kobra al dezaket egonaldi iraunkorragatiko ZPLa FGZPEa kobratzen ari ez banaiz?

  Bi prestazioak bateraezinak direnez, egoitzan sartzen zarenean azkendu egingo zaizu FGZPErako eskubidea.

  Egoitzan zaudela FGZPE kobratu baduzu, egonaldi-egunei dagokien zenbatekoa itzultzeko eskatuko zaizu.

• Zer egin behar dut egonaldi iraunkorragatiko ZLPa kobratzeko?

  Ordainketa lehenengo aldiz eskatzeko, agiri hauek aurkeztu behar dituzu:

  • Ordainketa-eskaera (S910 eredua).
  • Egoitzaren fakturak.
  • Fakturak aurkezteko baimenaren eredua (E741 eredua), beste pertsona bati edo egoitzari berari baimena eman nahi badiozu fakturak zure izenean aurkezteko.

  Gainerako fakturen ordainketa eskatzeko, nahikoa da faktura hilero aurkeztea.

• Zer epe daukat egoitzaren faktura aurkezteko?

  Egonaldiaren hurrengo hilabeteko azken eguna baino lehen aurkeztu behar duzu.

  Epe horretan aurkezten ez baduzu, faktura hori ez zaizu ordainduko.

• Zer eduki izan behar du fakturak?

  Fakturak honako hauek adierazi behar ditu:

  • Egonaldiaren iraupena (hasierako eta amaierako datak).
  • Egun-kopurua, guztira.
  • Prezio unitarioa, €/eguneko.
  • Zenbateko osoa.
  • Ordainduta dagoelako adierazpena.

  Gogoratu prestazioak egonaldi-gastuak baino ez dituela estaltzen. Zerbitzu osagarriak, hala nola ile-apainketa, podologia eta abar, ez dira ordainduko.

• Ema diezaioket baimena beste pertsona bati edo egoitzari berari faktura haiek aurkezteko?

  Bai, baimena eman diezaiokezu beste pertsona bati edo egoitzari berari faktura zure izenean aurkez dezaten. Horretarako, fakturak aurkezteko baimen-eredua (E741 eredua) lehenengo aldian baino ez duzu aurkeztu behar.

• Foru plaza publiko baterako eskubidea aitortu zidatenean, banengoen egoitza pribatu batean. Eska al dezaket ordain dezatela hilabete horiei dagokien egonaldi iraunkorragatiko ZLPa?

  Bai, zure Banakako Arreta Programan (BAP) egonaldi iraunkorreko zerbitzua onartuta baldin baduzu.

  Foru plaza publiko baterako eskubidea aitortzeko foru agindua jasotzen duzunean, honako hauek aurkeztu behar dituzu:

  • Egoitzako fakturak, BAPa onartzen duen foru aginduaren datatik aurrerako egonaldiari dagozkionak.
  • Foru plaza publiko baterako eskubidea aitortzeko foru agindua eman eta hurrengo hilabeteko azken eguna baino lehen.

• Plaza publiko bat eskaintzen badidate eta bizilekuz aldatu nahi ez dudalako uko egiten badiot, ZLPrako eskubidea galduko dut?

  Ez. Bakarrik galduko duzu eskubidea, modu pribatuan ingresatuta zauden egoitza berean plaza publiko bat ukatzen baduzu.

• Zer betebehar dakartza ZLPa jasotzeak?

  1. Prestazioaren zenbatekoa egoitza ordaintzeko bakarrik erabiltzea.
  2. Gizarte Ekintza Sailak prestazioa kudeatzeko eskatzen duen beharrezko informazio guztia eta agiri guztiak ematea.
  3. Zerbitzuari lotutako prestaziorako eskubidean edo haren zenbatekoan eragina izan dezakeen edozein inguruabar-aldaketa hilabeteko epean jakinaraztea. Horretarako, berrikuspen-eskaera aurkeztu behar duzu (S911 eredua), egoitza elektronikoan.

• Eska dezaket ZLParen zenbatekoa eguneratzeko?

  Bai, zure egoera pertsonalean edo zenbatekoa finkatzeko kontuan hartutako inguruabarretan aldaketarik gertatzen bada.

  S911 eredua aurkeztu beharko duzu, arrazoia adierazita:

  • Bizkaiko Foru Aldundiaren egoitza elektronikoan.
  • Aurrez aurre izatekotan, ahal dela, aurretiko hitzordua hartuta, honako bulego hauetan:
    • Gizarte Ekintza Sailaren erregistroa (Lersundi kalea 14, beheko solairua, 48009 Bilbo).
    • Laguntza – Bizkaiko Foru Aldundiko Herritarrenganako Laguntza Bideratzeko Bulegoa (Diputazio kalea 7, beheko solairua, 48009 Bilbo).
    • Aldundiaren gainerako sailetako erregistroetan eta eskualde-bulegoetan.

• Zer dela-eta gal dezaket ZLPrako eskubidea?

  • Foru plaza publiko batean sartzen bazara.
  • Modu pribatuan ospitaleratuta zauden egoitza berean Gizarte Ekintza Sailak eskainitako plaza publikoa errefusatzen baduzu.
  • ZLPa kobratzeak dakartzan betebeharrei erantzuten ez badiezu.
  • Hiltzea.

  Ez duzu ZLPa kobratuko, horietako bat gertatu eta hurrengo egunetik aurrera.