Familiaren ingurunean zaintzeko zaintzaileei laguntzeko prestazio ekonomikoa (FIZZLPE)

Lerratu gehiago erakusteko

Zer da?

Laguntza ekonomikoa da, mendetasun-egoeran dagoen pertsona bat etxean zaintzeak eragiten dituen gastuetan laguntzeko, zaintza hori familia- edo harreman-inguruneko profesionala ez den pertsona batek egiten duenean.

Prestazio hau mendekotasunaren balorazioa egitean eskatzen da eta zure Arreta Eskaintzeko Banakako Programan (ABP) sartuta egon behar du.

Betekizunak

Mendetasun-egoeran dagoen pertsonaren betekizunak

  • Aitortutako mendekotasun-mailaren bat izatea (I., II. edo III. gradua).
  • Zure zaintzaz arduratzen den eta zaintzaile izateko baldintzak betetzen dituen senide batekin edo zure harreman-inguruneko pertsona batekin bizitzea, salbu eta I. gradua baduzu, berehalako arreta bermatzen bazaizu.
  • Prestazio hori onartuta izatea zure Arreta Eskaintzeko Banakako Programan (ABP).

Zaintzailearenak

  • Adinez nagusia izatea.
  • Espainian legez bizitzea.
  • Mendetasun-egoeran dagoen pertsonarekin erroldatuta egotea.
    Mendetasun-egoeran dagoen pertsonarekin erroldatuta egoteari buruzko informazioa
  • Mendetasun-egoeran dagoen pertsonaren familiakoa edo harreman-ingurukoa izatea, harekin kontratuzko, laneko edo bestelako harremanik ez badago:
    Mendetasun-egoeran dagoen pertsonaren familiartekoari edo harreman-inguruneari buruzko informazioa
  • Zaintza- eta laguntza-funtzioak garatzeko gaitasun fisiko eta psikiko nahikoa izatea.
  • Eguneroko bizitzako oinarrizko jardueren arreta bermatzeko behar besteko dedikazio-denbora izatea.
  • Mendeko gisa baloratuta ez egotea, eta baliaezintasun handiko egoera aitortuta ez izatea, edo adinekoa izatea.
    Mendeko gisa baloratuta ez egoteari buruzko informazioa
  • Mendekotasun-egoeran dauden bi pertsona baino gehiagoren zaintzailea ez izatea, salbu eta aita, ama, harrera egiten duen pertsona eta/edo laguntza- eta babes-neurriak ematen dituzten pertsonak, edo laguntzak daudenean eta ABPn egokitzat jotzen diren kasuak.
  • ABPn jasota egotea eta zainketen erantzukizuna bere gain hartzea.

Zenbatekoak

Urtean 12 hileroko kobratuko dituzu.

Zenbatekoa kalkulatzeko, 4 faktore hartzen dira kontuan:

  • Zure mendetasun-maila eta -puntuak.
  • Zure gaitasun ekonomikoa (zure diru-sarrerak).
  • Beste zerbitzu batzuk erabiltzen dituzun (adibidez, eguneko zentro bat astelehenetik ostiralera -%50, eta asteburuetan -%20).
  • Gizarte Segurantzako, mutualitateetako edo beste erakunde batzuetako hirugarren pertsonari laguntzeko osagarriak dituzten beste prestazio batzuk jasotzen badituzu.

Gehieneko eta gutxieneko zenbatekoak gradu eta puntu bakoitzeko

I. gradua Mendetasun moderatua

Atoms
Puntuak Gehienekoa Gutxienekoa
25 - 49 180 € 100 €

Hurrengoa Pauso

II. gradua. Mendekotasun larria

Atoms
Puntuak Gehienekoa Gutxienekoa
50-64 315,90 € 150 €
65-74 337,25 € 150 €

Aurrekoa Pauso

Hurrengoa Pauso

III. gradua. Mendekotasun handia

Atoms
Puntuak Gehienekoa Gutxienekoa
75-89 455,40 € 200 €
90-100 520,69 € 200 €

Aurrekoa Pauso

Mendekotasun-mailaren araberako gehieneko zenbatekoei koefiziente murriztaileak aplikatzen zaizkie:

  1. Urteko diru-sarrerengatik:
    2. URTEKO DIRU-SARREREN MAILA
    URTEKO DIRU-SARREREN MAILA KOEFIZIENTE MURRIZTAILEA
    % 20.000,00 arte % 0
    20.000,01 - 39.999,99 % 10
    40.000,00tik 59.999,99ra % 20

    60.000,00 eurotik aurrera

    		 % 25
  2. Eguneko zentro batera edo okupazio-zentro batera joateagatik, edo zerbitzuari lotutako prestazio bat kobratzeagatik:
    • % 50, astelehenetik ostiralera joaten bazara.
    • % 20 asteburuetan joaten bazara.

Emaitzako zenbatekotik honako hauek kenduko dira, jasotzen badira:

  • Baliaezintasun handiko osagarria.
  • % 75eko edo gehiagoko desgaitasun-maila duen 18 urtetik gorako ardurapeko seme-alaba bakoitzeko esleipen ekonomikoaren osagarria.
  • Kotizazio gabeko baliaezintasun-pentsioaren hirugarren pertsonaren beharrizanagatiko osagarria.
  • Hirugarren pertsona baten laguntzagatiko sorospena.

Balorazio ekonomikoaren ondoren, honako hauek jasoko dituzu:

  • Txosten teknikoa, zenbatekoa kalkulatzeko aplikatutako murrizketak eta kenkariak azaltzen dituena.
  • Prestazioa jasotzeko eskubidea aitortzen duen foru agindua, honako hauek adieraziko dituena:
    • Zaintzailearen datuak.
    • Kobratzen hasteko data.
    • Kobratuko duzun zenbatekoa.

Betebeharrak

Zure egoeraren edozein aldaketa jakinarazteko betebeharra

  1. Arreta Eskaintzeko Banakako Programa (ABP) aldatzeko eskaeraren bidez:
    • Bizilekua aldatzen baduzu.
    • Zaintzailea aldatzen baduzu.
    • Zaintzaileak zurekin bizitzeari uzten badio.
  2. Zenbatekoak berrikusteko idazkiaren bidez:
    • Osagarri hauetakoren bat jasotzen baduzu:
      • Baliaezintasun handiko osagarria.
      • Esleipen ekonomikoaren osagarria, % 75eko edo gehiagoko desgaitasun-maila duten 18 urtetik gorako ardurapeko seme-alabengatik.
      • Kotizazio gabeko baliaezintasun-pentsioaren osagarria, hirugarren pertsona baten beharrizanagatik.
      • Hirugarren pertsona baten laguntzagatiko sorospena.
    • Zure diru-sarreren beste edozein aldaketa esanguratsu badago.
  3. Sailari jakinarazita:
    • Egoitza batean modu iraunkorrean edo aldi baterako sartzen bazara.
    • Ospitalean 30 egun baino gehiagoz sartzen bazara.
    • Zure ohiko bizilekua aldi baterako lekualdatzen baduzu.
    • Mendetasuna aitortzeko inguruabarretan edozein aldaketa gertatzen bada, eta prestazioaren kontserbazioan edo zenbatekoan eragina izan badezakete.

Non aurkeztu eskabideak, idazkiak edo komunikazioak?

  • Egoitza elektronikoa

    Bizkaiko Foru Aldundiaren egoitza elektronikoa.

    Egoitzara sartu

  • Erregistro eta Herritarren Arretarako Bulegoak

    Bizkaiko Foru Aldundiko erregistro eta herritarrentzako arreta bulegoak, ahal dela aldez aurretik hitzordua eskatuta (hitzordua eskatu edo 94 406 8000 zenbakira deitu).

  • Bestelakoak

    39/2015 Legean ezarritako beste leku batzuk. (Estatuko Gobernuaren Bizkaiko Ordezkariordetza, Eusko Jaurlaritza, udalak, posta-bulegoak...) Eskaera Gizarte Ekintza Sailari bidaliko zaio (Ugaskobidea 3-bis, 48014-Bilbo).

Informazio interesgarria

Familia-ingurunean zaintzeko prestazio ekonomikoa (FIZZLPE) jasotzen duten pertsonek sendagaiak dosifikatzeko zerbitzu pertsonalizatua eskura dezakete.
Mutualistak: ezinbestekoa da Osakidetzaren bidez osasun-laguntza izatea.

Akreditatutako farmazia batek medikazioa modu indibidualizatuan presta diezazuke erabilera bakarreko astean behingo blisterretan.

Horrek tratamendu farmakologikoen jarraipen egokia egitea erraztuko dizu, agindutako tratamenduak betetzen lagunduko dizu, eta, horrela, medikazioaren emaitza terapeutikoak hobetuko dituzu, eta horrek onurak ekarriko dizkizu zure bizi-kalitatean.

Zerbitzu hau borondatezkoa eta doakoa da, eta baimen informatua behar du.

Nola eskatu zerbitzua:

  • Herritarrei arreta emateko Bizkaiko Foru Aldundiaren bulegoetako batera joan zaitez. Bertan baimen informatuaren inprimakia emango dizute eta zigilatu egingo dizute.
  • Eman baimena zuk aukeratutako farmazian.

Akreditatutako farmazien bilatzailea

Ohiko galderak

  • Mendekotasun-egoeran dagoen pertsona baten senitartekoa (edo, kasu batzuetan, hurbileko pertsona ere bai) hartzen da zaintzailetzat. Pertsona horren zaintzaz modu nagusian, ohikoan eta ez-profesionalean arduratzen dena da.

    Pertsona bat zaintzaile nagusitzat hartzen da Arreta Eskaintzeko Banakako Programan (ABP) horrela agertzen dena; hori foru agindu bidez onartzen da. Egoera horretan egongo da ABPn jasota dagoen bitartean.

  • Prestazio hau mendekotasunaren balorazioa egitean eskatzen da eta Arreta Eskaintzeko Banakako Programan (ABP) sartuta egon behar du. Ez baduzu sartuta, ABPa aldatzeko eskatu behar duzu.

  • Banku-kontuaren titularrak beti mendekotasun-egoeran dagoen pertsona izan behar du, baita adingabea bada ere.

  • Bai, eskatzen badute eta betekizunak betetzen badituzte.

  • Mendetasun-egoeran dauden pertsonen zaintzaile ez-profesionalentzat Gizarte Segurantzarekiko hitzarmen berezia sinatzeko, baldintza hauek bete behar dituzu:

    • Gizarte Segurantzan lanaldi osoan alta emanda ez egotea.
    • Langabezian ez egotea.

    Gizarte Segurantzako kuotak ez dituzu ordaindu beharko, Administrazioaren kontura geratzen direlako.

    Informazio gehiago Gizarte Segurantzaren webgunean aurki dezakezu.

  • Prestazioaren zenbatekoa kalkulatzeko, 4 faktore hartzen dira kontuan:

    • Zure mendetasun-maila eta -puntuak.
    • Zure gaitasun ekonomikoa (zure diru-sarrerak).
    • Beste zerbitzu batzuk erabiltzen dituzun.
    • Beste prestazio edo osagarri batzuk jasotzen dituzun.

    Graduaren araberako gehieneko zenbatekoak honako hauek dira:

    III. gradua, 90 -100 puntu: 520,69 €/hilean

    III. gradua, 75-89 puntu: 455,40 €/ hilean

    II. gradua, 65-74 puntu: 337,25 €/ hilean

    II. gradua, 50-64 puntu: 315,90 €/ hilean

    I. gradua: 180,00 €/ hilean

    Urteko diru-sarreren koefiziente murriztaile aplikagarriak honako hauek dira:

    URTEKO DIRU-SARREREN MAILA
    URTEKO DIRU-SARREREN MAILA KOEFIZIENTE MURRIZTAILEA

    % 20.000,00 arte

    		 % 0

    20.000,01 - 39.999,99

    		 % 10

    40.000,00tik 59.999,99ra

    		 % 20

    60.000,00 eurotik aurrera

    		 % 25

    Eguneko zentro edo okupazio-zentro batera joateak (edo zerbitzuari lotutako prestazioa kobratzeak) prestazioa murriztea dakar:

    • % 50 astelehenetik ostiralera bazoaz.
    • % 20 asteburuetan joanez gero.

    Emaitzako zenbatekotik honako hauek kenduko dira, jasotzen badira:

    • Baliaezintasun handiko osagarria.
    • % 75eko edo gehiagoko desgaitasun-maila duen 18 urtetik gorako ardurapeko seme-alaba bakoitzeko esleipen ekonomikoaren osagarria.
    • Kotizazio gabeko baliaezintasun-pentsioaren hirugarren pertsonaren beharrizanagatiko osagarria.
    • Hirugarren pertsona baten laguntzagatiko sorospena.

    Prestazioa ez da inoiz izango zure graduaren eta mendekotasun-puntuen arabera egokitu ahal zaizkizun gutxieneko zenbatekoak baino txikiagoa:

    III. gradua, 90 -100 puntu: 200 €/ hileko.

    III. gradua, 75-89 puntu: 200 €/ hilean

    II. gradua, 65-74 puntu: 150 €/ hilean

    II. gradua, 50-64 puntu: 150 €/ hilean

    I. gradua: 100 €/ hileko

  • Kobratzen hasiko zaren data prestazioa emateko foru aginduan adierazten da.

  • Baliteke prestazioaren zenbatekoa zehazten duen zirkunstantziaren bat aldatu izana. Adibidez:

    • Zure diru-sarreren maila aldatu egin delako eta, beraz, prestazioaren zenbatekoa kalkulatzeko aplikatu beharreko koefiziente murriztailea aldatu egin delako.
    • Eguneko zentro batera edo okupazio-zentro batera joaten hasi zarelako (edo zerbitzuari lotutako prestazioa kobratzen hasi zarelako).
    • Beste prestazio, laguntza edo pentsioren bat kobratzen hasi zarelako:
      • Baliaezintasun handiko osagarria.
      • Esleipen ekonomikoaren osagarria, % 75eko edo gehiagoko desgaitasun-maila duten 18 urtetik gorako ardurapeko seme-alabengatik.
      • Kotizazio gabeko baliaezintasun-pentsioaren osagarria, hirugarren pertsona baten beharrizanagatik.
      • Hirugarren pertsona baten laguntzagatiko sorospena.

  • Arrazoi hauetakoren bat izan daiteke:

    • Gorabeheraren bat banku-kontuaren zenbakiarekin.
    • Ordainketa aldi baterako eten ahal izan zaizu, zure egoeran aldaketaren bat detektatzeagatik baldintzak betetzen jarraitzen duzula berrikusten den bitartean.
    • Prestazioa jasotzeko eskubidea iraungi da.

  • Hauek dira eteteko arrazoi nagusiak:

    • Egoitza batean aldi baterako sartzea.
    • Hilabetetik gorako ospitaleratzea.
    • Bizkaitik kanpo aldi baterako lekualdatzea, urtean 60 egun baino gehiagoz, Espainiako lurraldearen barruan.
    • Betekizunak aldi baterako ez betetzea.

  • Bai, FIZZLPE kobratzeko interesa baduzu edo gaur egun kobratzen ari bazara. Balorazio-taldeak zaintzaileak zaintza-lanak behar bezala egiten jarrai dezakeela egiaztatu behar du.

  • Baliabidea foru plaza duen egoitza batera aldatzen bada:

    • Zure ABPan (baliabidearen aldaketa jasotzen duena) aldi baterako FIZZLPE bat ezartzen bada, kobratzen jarraituko duzu sarrera gertatu aurreko egunera arte.
    • Zure ABPan FIZZLPE iragankorra jasotzen ez bada, kobratzeari utziko diozu ABP berriaren datatik aurrera.

    Baliabide-aldaketa egoitza pribatu iraunkor batera egiten bada, FIZZLPE sartzen zaren egunean bertan iraungiko da.

  • Zure Arreta Eskaintzeko Banakako Programan (ABP) bi baliabideak jasota badaude (eguneko zentroa eta FIZZLP), zenbateko bera kobratzen jarraituko duzu eguneko zentrora joaten hasi aurreko egunera arte. Ondoren, zenbateko hori % 50 murriztuko zaizu astelehenetik ostiralera joaten bazara, eta % 20 asteburuetan joaten bazara.

    Zure ABPn FIZZLPE jasotzen ez bada, kobratzeari utziko diozu ABP berrian ezartzen den datatik aurrera.

  • Bai.

  • Ez. Zaintzailea hiltzen bada prestazioa hil den egunetik aurrera azkenduko da.

    Beste zaintzaile bat egonez gero, hilabeteko epean Arreta Eskaintzeko Banakako Programa (ABP) aldatzeko eskatu beharko da, prestazioa berriro jasotzeko eta heriotzaren aurretik ere zurekin bizi bazen eta baldintzak betetzen bazituen, kontuan hartuko da prestazio berriaren eragin-data ezartzeko.

Lotutako gaiak

  • Informazioa jaso mendekotasunaren ebaluazioari eta orientazioari buruz

    Mendekotasunaren ebaluazioa nola eskatzen den jakin.

    Webgunera joan

  • Zaintzaileak

    Zaintzaileen lanari, eskubideei eta betebeharrei buruzko informazioa eskuratu.

    Webgunera joan

  • Zentroak

    Ezagutu Bizkaiko Foru Aldundiak mendekotasun egoeran dauden pertsonen eskura jartzen dituen zentroak.

    Mendekotasun Zentroetan sartu

  • Zaintzapp-a

    Baliabideei buruzko informazioa emateko, zure kasua koordinatzen duen pertsonarekin harremanetan jartzeko eta abisuak jasotzeko doako web-aplikazioa.

    Webgunera joan

  • Gizatek

    Laguntza-produktuak erosteko informazioa eta dirulaguntza.

    Gizatek-era sartu

  • etxeTIC

    Etxean bizitzen jarraitzeko laguntza-zerbitzua.

    Webgunera joan