Estrategia digitala

Bizkaia kohesionatuago, inklusiboago, trebeago eta seguruago baten alde

Eraldaketa digitalaren aldeko apustu argia

Bizkaia, lurralde digitalki aurreratua

Bizkaiko Foru Aldundiak lurraldean eraldaketa digitala sustatzearen aldeko apustu argia egiten du, Bizkaia erakargarriagoa, digitalki trebeagoa, kohesionatuagoa, inklusiboagoa, seguruagoa eta teknologikoki aurreratuagoa lortzeko, aukera-berdintasuna eta jarduera ekonomikoaren sorrera bermatzeko eta, horrenbestez, lurraldearen hazkundea ere bai.

Bizkaia 2027 Agenda Digitala

Apustu hori Agenda Digital berri bat lankidetzaren bidez diseinatzean datza. Agenda horrek 2027rako ikusmira izango du, ekintza-esparru orokor bat eratuko, eta bertan definitzen dira Bizkaiko gizartearen erabateko digitalizazioan aurrera egiten jarraitzeko ibilbide-orria osatzen duten ildo estrategikoak.

Informazio gehiago Bizkaia 2027 Agenda Digitala

Zertan datza Bizkaia 2027 Agenda Digitala?

Herritarrak eta bizi-kalitatea
Azpiegitura teknologikoak
Gobernu digitala
Berrikuntza eta lehiakortasuna

Jarraitu gaurkotasun digitala Bizkaia Techen sare sozialetan

Bizkaiko esparru teknologikoari buruzko gaurkotasun osoa

Datuaren Bulegoa

Datuak Bizkaiko Foru Aldundiko oso aktibo baliotsua dira Herritarrei zerbitzu hobeago bat eskaintzeko aukera ematen dute eta berrikuntza, emankortasun eta garapen ekonomikoa sustatzen dute.

Datuen gobernu egokia funtsezkoa da honetarako:

  1. Adimen artifizialaren (AA) erronkak jorratzeko, modu eraginkorrean, bidezkoan eta berdintasunean oinarrituta
  2. Erabaki egokiak hartzeko, Bizkaiko herritarren premiei eta itxaropenei erantzuteko
  3. Gizarte demokratikoago, gardenago eta parte-hartzaileago bat eraikitzeko

Nola kudeatzen ditugu datuak?

Bizkaiko Foru Aldundiaren Datuaren Estatutuak Foru Sektore Publiko osoan informazioa eta datuaren kalitatea kudeatzeko politikak, prozesuak eta prozedurak gidatzen dituzten arau nagusiak jasotzen ditu.

Datuak kudeatzeko printzipioen artean daude, besteak beste, datuen kalitatea, eraginkortasuna, trukea eta berrerabilera, datuen babesa eta erabilerarako etika, diskriminaziorik eza eta herritarrentzako orientazioa.

Informazio gehiago Datuaren gobernua

CDO Chief Data Officer - Antolakuntza eredua - Datuak gobernatzeko programa

Hedatu biltzarra, pribatutasuna eta datuen babesa Adminsitrao Publikoan

2026/10/27

Urriaren 21ean, Datuak Babesteko Euskal Agintaritzak (DBEA) antolatutako II. Hedatu biltzarra egin zen Bilboko Euskalduna Jauregian. Euskal sektore publikoko datuen babeserako eta pribatutasunerako profesionalak bildu dira topaketa horretan, Administrazio Publikoko adimen artifizialaren erronka jorratzeko eta erantzunak emateko. 

Araudia betetzeari, AAren ereduei eta Administrazio Publikoko datuei buruzko hitzaldiek eta mahai-inguruek osatu dute biltzarra, eta inspirazio-iturri izan dira datuen babesari buruzko egungo esperientziak eta erronkak partekatzeko. Biltzarrean, sistemen arrisku-maila katalogatzeko balio duen DBEAren tresna aitzindariaren berri ere eman da.

Josu Llanok, Bizkaiko Foru Aldundiko Gobernu Onaren, Herritarrentzako Arretaren eta Zerbitzu Digitalen zuzendari nagusiak "AA administrazio publikoan: arrakasta-kasuak" mahai-inguruan parte hartu du.  Honako gai hauek jorratu dira, besteak beste: Administrazio Publikoan AA bere prozesuetan erabiltzean aplikatzen diren segurtasun-protokoloak eta sistemak, inplementazio-estrategia eta lortu nahi diren helburuak.  Araudiei eta herritarren parte-hartzearen bidez araudi irekien lanketari buruz ere hitz egin da, baita benetako erabilera kasuetan lortutako emaitzen eta irakaskuntzen inguruan. 

Jardunaldi horri esker, irakaskuntzak partekatu ahal izan dira, Bizkaiko herritarrentzako zerbitzu publiko hobeak, berritzaileagoak eta seguruagoak lortzeko.

IKUSI SARRERA GUZTIAK