Gobernu digitala

2027 Agenda Digitalaren ardatzak

Herritarren eta enpresen eskura dauden zerbitzuen etengabeko digitalizazioa eta bilakaera teknologikoa.

Gure ikuspegia

Herritarren eta enpresen eskura dauden zerbitzuen etengabeko digitalizazio proaktiboa eta bilakaera teknologikoa bultzatzea, hurbiltasuna, konfiantza eta gardentasuna hobetzeko.

Gobernu digitala, erabiltzaileen esperientzia maximizatzeko.

Gure ekintza-ildoak

Estrategia

Ildo horren esparruan, gobernu digital berritzaile, etiko eta hurbilaren garapena gidatu behar duten estrategiak eta elementu gidatzaileak eratzeko eta definitzeko eremuak, akordioak eta aliantzak sortzea proposatzen da.

Gobernu digitala bizirik dagoen elementua da, eta errealitate ugari ditu. Errealitate horietarako, maila operatiboan jarduteaz gain, aldez aurretik plan honen helburuekin, balioekin eta printzipioekin bat datorren estrategia bat hausnartu eta bideratu behar da. Ildo horretan, hori gertatzeko mekanismoak sartuko dira, hedatzen diren ekimen digital guztietan koherentzia eta lerrokatzea bermatuz.

Datuaren gobernua

Datuaren gobernu-ildoak administrazioan datuen gobernantzarako estrategia eta eredua ezartzea planteatzen du, elkarreragingarritasuna sustatuz eta datuen analisiak (Data-driven) gidatutako kultura bultzatuz, abantaila estrategiko eta lehiakor gisa.

Datuen analisiak gidatutako balioa nabarmentzea eta erabakiak hartzea, zalantzarik gabe, eraldaketa digitalerako elementu eragileak dira, eta, horren ondorioz, herritarrei zuzendutako administrazio proaktiboagoa sortzen da. Ildo estrategiko horren helburu nagusia izango da datuetan oinarritutako politika publikoak ezartzeko horien fidagarritasuna, egiazkotasuna, osotasuna eta erabilera etikoa bermatuko duten gobernu- ereduak ezartzea.

Esperientzia digitala

Ildo horrek teknologia berriak aplikatzea proposatzen du, herritarrei zuzendutako administrazioa eraginkorra izateko, sinplifikatzeko eta optimizatzeko, modu erraz, proaktibo eta kanal anitzekoan.

“Citizen Centric” filosofiaren bidez, hots, zerbitzu publiko digitalak herritarrekin batera birdiseinatuz, prozesuak birformulatuko dira eta teknologiak aplikatuko dira administrazioarekiko esperientzia digitalik onena lortzeko. Automatizazio eta eraginkortasun operatiborako irtenbideak, herritarrei arreta emateko kanal berriak edo identifikazio digitaleko mekanismo berriak pixkanaka txertatuko dira, herritarrentzat administrazio hurbila eta erraza eskaintzeko.

Gaikuntza eta lanpostu digitala

Ildo horren bidez, pertsonen egungo gaikuntzarako eta etorkizuneko gaitasunak diseinatzeko ekimenak hedatu nahi dira, trebetasunak eskuratzeko eta lanpostuan irtenbide berriak sartzeko, herritarrei gero eta zerbitzu digitalagoa emateko.

Aldundiko pertsonak dira aktibo nagusia, eta herritarrei gero eta zerbitzu digitalagoak ematen dizkiete. Horrela, pertsonen gaikuntza digitalerako programak zabalduko dira, eta etorkizuneko profilak eskaera eta trebetasun berriak kontuan hartuz diseinatuko dira. Era berean, talentua erakartzeko atzemate prozesuak egokituko dira, eta pertsonekin batera diseinatu eta bultzatuko da Aldundiko lanpostu digitala (Digital Workplace).

Sailen digitalizazioa

Ildo horretan, Aldundiko sailen prozesuak eta balio-katea etengabe modernizatzea eta digitalizatzea jasotzen da, haien jarduna eta jarduera optimizatzeko eta eraginkorrago bihurtzeko.

Aldundiko sailek ere barne-digitalizazioa biziko dute, prozesuak birformulatuz eta herritarrei eskaintzen dizkieten zerbitzuak optimizatzeko irtenbide digitalak txertatuz; horrela, herritarrek harreman eraginkorragoa izango dute administrazio osoarekin.

2027 Agenda Digitalaren beste ardatz batzuk

  • Herritarrak eta bizi-kalitatea

    Herritarrak eta haien bizi-kalitatea lurraldearen eraldaketa digitaleko estrategiaren erdigunean.

    Joan

  • Azpiegitura teknologikoak

    Digitalizazioa azkartu eta maximizatuko duten azpiegitura eta teknologia gaitzaileak.

    Joan

  • Berrikuntza eta lehiakortasuna

    Elkarlaneko berrikuntza eta talentua erakartzea teknologia digital disruptiboak aplikatuz lehiakortasuna bultzatzeko.

    Joan