OHIKO GALDERAK

Aldundia

• Egun baliogabeak ekintzak, izapideak eta errekurtsoak egiteko.

  Honako hauek dira baliogabe deklaratutako egunak, Eusko Jaurlaritzaren 2022ko irailaren 15eko Ebazpenari eta Ahaldun Nagusiaren irailaren 27ko 156/2022 Foru Dekretuari jarraikiz, zeinaren bidez deklaratzen baita zein diren egun baliogabeak Bizkaiko Foru Aldundiaren eremuan 2023an zehar egin edo aurkeztu behar diren egintza, izapide edo errekurtso guztietarako:

  • Urtarrilaren 6a, Errege eguna.
  • Apirilaren 6a, Ostegun Santua.
  • Apirilaren 7a, Ostiral Santua.
  • Apirilaren 10a, Pazko Astelehena.
  • Maiatzaren 1a, Langileen Eguna.
  • Uztailaren 25a, Santiago Apostolua.
  • Uztailaren 31, Loiolako San Ignazio.
  • Abuztuaren 15a, Ama Birjinaren Jasokundea.
  • Abuztuaren 25a, Bilboko Aste Nagusiko Ostirala.
  • Urriaren 12a, Espainiako Jai Nazionala.
  • Azaroaren 1a, Santu Guztien Eguna.
  • Abenduaren 6a, Konstituzio Eguna.
  • Abenduaren 8a, Andre Maria Sortzez Garbiaren Eguna.
  • Abenduaren 25a, Eguberri eguna.
  • 2023ko larunbatak eta igandeak.

• Foru Jauregia bisitatu daiteke?

  COVID-19 dela eta, jauregiko bisitak bertan behera geratu dira.

GALDERA GUZTIAK →

Geobizkaia

• Zalantzak ditut datuak erabiltzean, nora jo dezaket?

  Datu multzo bakoitzak metadatu batzuk ditu eta datuak erabiltzeko informazio garrantzitsua ematen digute. Horien artean, zalantzak argitzeko datuen arduradunaren kontaktua dago.

• Datuek kosturik dute?

  BFArekin datuak deskargatu eta konektatu ahal izango zara, kosturik gabe. Horrek ez du barne hartzen interneterako konexioa edo hirugarrenen zerbitzuak erabiltzeagatik kostua duten tresnak erabiltzea.

• Nola eskura ditzaket datuak?

  Datu geografikoak eskuratzeko, normalean, tresna bereziak erabili behar izaten dira, informazio geografikoko sistemak, alegia. Tresna horien bidez, datuak bi modutan eskura daitezke: OGC zerbitzuen bidez datuetara konektatuta edota datuak deskargatuta.

GALDERA GUZTIAK →

Gizarte Zerbitzuak

• Zer gertatzen da gure seme-alabak 6 urte betetzen dituenean? Arreta goiztiarra

  Haurrak beste sistema batzuen (Hezkuntza, Osakidetza, oinarrizko gizarte-zerbitzua…) arreta jasotzen jarraituko du, beharrezkoa bada.

• Nola eskuratu ditzakegu gure seme-alabaren jarraipen-txostenak? Arreta goiztiarra

  Txostenok AGBT—Arreta Goiztiarreko Balorazio Taldeari eskatu behar dizkiozue (Uribitarte kalea, 15, Bilbo).

• Zer dira koordinazio-orduak? Arreta goiztiarra

  AGETeko langileek, haurraren esku-hartzearen jarraipena egiteko, hala haien artean nola osasun- eta hezkuntza-sistemetako zein gizarte-zerbitzuetako profesionalekin harremanetan jartzeko erabiltzen dituzten orduak dira.

GALDERA GUZTIAK →

Kontratazio publikoa

• Nork sinatu behar ditu eskaintzak?

  Sarritan, eskaintza prestatu eta bidaltzen duen pertsona ez da sinatzeko ahalordeduna.

  Plataformak sinatzaile bat aukeratzera behartzen du, eta bat etorri behar da eskaintza bidaltzeko erabilitako sinaduraren ziurtagiri elektronikoan identifikatutakoarekin, baina ohikoa da bidalketa ez egitea ahalordedunak.

  Halakoetan, legez ezarrita dago eskaintza elektronikoa nahitaez sinatu behar dutela lizitazioetan enpresa ordezkatzeko ahalmena duten ahalordedunek. Beraz, bi aukera daude:

  • Batetik, eskaintza, osorik, ahalordedunaren/ahalordedunen ziurtagiriarekin sinatzea ; aukera honek baliozkotasuna emango lioke aplikazioko formularioetan sartutako informazioari.

  • Bestetik, gaitutako pertsona baten ziurtagiriarekin (ordezkari fisiko edo juridikoren baliozko ziurtagiria) sinatzea, eta ahaldordeunak/ahalordedunek sinatutako dokumentu elektronikoak eranstea.

    Ildo horretan, aurretiko baldintzak betetzen direla adierazten duen erantzukizunpeko adierazpena eta eskaintza bera dira nahitaez ahalordunaren/ahalordedunen sinadura behar dutena.

  Aldi baterako enpresa-elkarteen kasuan, eskaintza aurkeztean, enpresa buruak alta eman beharko die ABEEan parte hartzen duen enpresen zerrendari eta ABEEaren izenean eskaintza aurkeztuko duen ordezkariari. Eskaintzan aurkeztutako dokumentazioa ABEEa osatzen duten enpresa guztiek sinatu beharko dute.

• Nola aurkezten dira eskaintzak elektronikoki?

  Espediente bakoitzaren xehetasunean, eskaintzaren "Eskema" deskargatzeko aukera ematen dizun baliabide bat aurkituko duzu. Eskema horrek eskaintza prestatzeko behar den informazioa guztia dauka. "Eskema" ireki ahal izateko, aurretik eskaintza aurkezteko aplikazioa deskargatu behar duzu. Hala, plataformara konektatua egon gabe prestatu ahal izango duzu eskaintza.

• Zer behar dut eskaintza elektroniko bat aurkeztu ahal izateko?

  Bizkaiko Foru Aldundiak onartutako ziurtagiri elektroniko bat erabiltzea. Pertsona juridikoaren ziurtagiria izan daiteke, edo pertsona fisikoarena, enpresaburua, ordezkaria edo eskaintzailearen ahalordeduna bada.

  Eskaintzak aurkezteko aplikazioa eta lizitatu nahi den eskaintzaren "Eskema" deskargatzea kontratatzailearen profilean, eta eskaintzak elektronikoki aurkezteko jarraibideak betetzea.

GALDERA GUZTIAK →

Kultura

• Non ikus ditzaket seme-alaben argazkiak? Udalekuak

  Aukera izango da udalekuan zehar eginiko jardueren argazkiak ikusteko, www.bizkaia.eus/udalekuak web-orrian, instalazio edo txandaren

  Argazkiak

  ikonoan klikatuz.

• Zenbat zozketa egiten dira eta nola funtzionatzen du itxarote-zerrendak? Udalekuak

  Zozketa publiko bakarra egiten da, notario aurrean. Zozketa egin eta berehala, eskainitako plazak adjudikatzen dira. Plazarik eskuratzen ez duten pertsonak itxarote-zerrendan sartzen dira, zozketaren hurrenkera berean. Itxaronzerrenda hori adjudikazioak egiteko erabiliko da, betiere bere hurrenkera mantenduz.

• Begirale izan nahi dut. Zer egin behar dut? Udalekuak

  Bizkako Foru Aldundiak ez ditu begiraleak zuzenean kontratatzen. Udalekuak kudeatzen dituzten enpresen bidez egiten du hori. Beraz, empresa horiek dira kontratazioak egiten dituztenak, eta beraiengana jo behar duzu. Udako kanpainen enpresen zerrenda

GALDERA GUZTIAK →

Zerbitzuen katalogoa

• Zer behar dut katalogoa erabiltzeko?

  Doako nabigatzaile hauetakoren bat erabili behar da katalogoan sartzeko:

  • Internet Explorer, 11 bertsioa edo goragokoa
  • Mozilla Firefox, 60 bertsioa edo goragokoa.
  • Google Chrome, 66 bertsioa edo goragokoa.
  • Microsoft Edge.
  • Safari, 11 bertsioa edo goragokoa.

  PDF fitxategien edozein bistaratzaile (Adobe Reader XI. bertsioa, Foxit Reader, Free PDF Opener, Nitro PDF Reader, ...). Google Chrome eta Mozilla Firefox nabigatzaileen azken bertsioetarako, ez dago bistaratzailerik instalatu beharrik, badaukatelako PDF bistaratzaile bat integratuta.

  Ziurtagiri elektronikoen erabileraren ondoriozko beste konfigurazio batzuk.

  Gainera, Egoitza Elektronikora bideratzen zaituzten laguntzen/diru-laguntzen kasuan, Bizkaiko Foru Aldundiak onartzen dituen sinadura elektronikoko sistemak erabili behar dira.

• Jaitsi daiteke katalogoa PDF formatuan?

  Gaur egun, hautatutako laguntzen/diru-laguntzen/zerbitzuen fitxak banan-banan jaitsi daitezke PDF formatuan. 2019/12/13tik aurrera, katalogo osoa jaitsi ahal izango da PDF formatuan

• Katalogo honen bitartez izapide bati ekiten diodanean, frogagiririk jasoko dut?

  Bai. Erregistro elektronikoak automatikoki luzatuko du izapideari ekin zaiola erakusten duen egiaztagiri elektronikoa. Egiaztagiri horretan datu hauek aurkituko dituzu: sarrera-erregistroko zenbaki edo kodea eta aurkezpen eguna eta ordua, pertsona igortzailearen nortasuna, zure kasuari buruzko prozedura, gaiaren izena, aurkezpen-inprimakian jarritako datuen hitzez hitzeko kopia, eta hari esleitutako egiaztapen elektronikoko kodea, aukera emango duena hura kontsultatu eta bistaratzeko eta haren kopia elektronikoa inprimatzeko.

GALDERA GUZTIAK →