Aldundiarekin lotutako ohiko galderak

• Egun baliogabeak ekintzak, izapideak eta errekurtsoak egiteko - 2026 urtea Aldundia

  Honako hauek dira baliogabe deklaratutako egunak, Eusko Jaurlaritzaren 2025eko apirilaren 8ko 82/2025 Dekretuari eta Ahaldun Nagusiaren urriaren 6ko 179/2025 Foru Dekretuari jarraikiz, zeinaren bidez deklaratzen baita zein diren egun baliogabeak Bizkaiko Foru Aldundiaren eremuan 2026an zehar egin edo aurkeztu behar diren egintza, izapide edo errekurtso guztietarako:

  • Urtarrilaren 1a, Urteberri eguna
  • Urtarrilaren 6a, Jaunaren Epifania
  • Martxoaren 19a, San Joseren eguna
  • Apirilaren 2a, Ostegun Santua
  • Apirilaren 3a, Ostiral Santua
  • Apirilaren 6a, Pazko Astelehena
  • Maitzaren 1a, Langileen eguna
  • Uztailaren 25a, Santiago Apostoluaren Eguna
  • Uztailaren 31, Loiolako San Inazio
  • Abuztuaren 15a, Ama Birjinaren Jasokundea
  • Abuztuaren 28a, Bilboko Aste Nagusiko ostirala
  • Urriaren 12a, Espainiako Jai Nazionala
  • Abenduaren 8a, Ama Birjina Sortzez Garbiaren Eguna
  • Abenduaren 24a
  • Abenduaren 25a, Eguberri eguna
  • Abenduaren 31
  • 2026ko larunbat eta igande guztiak

• Egun baliogabeak ekintzak, izapideak eta errekurtsoak egiteko - 2025 urtea Aldundia

  Honako hauek dira baliogabe deklaratutako egunak, Eusko Jaurlaritzaren 2024ko uztailaren 18ko Ebazpenari eta Ahaldun Nagusiaren urriaren 4ko 176/2024 Foru Dekretuari jarraikiz, zeinaren bidez deklaratzen baita zein diren egun baliogabeak Bizkaiko Foru Aldundiaren eremuan 2024an zehar egin edo aurkeztu behar diren egintza, izapide edo errekurtso guztietarako:

  • Urtarrilaren 1a, Urteberri eguna
  • Urtarrilaren 6a, Jaunaren Epifania
  • Apirilaren 17a, Ostegun Santua
  • Apirilaren 18a, Ostiral Santua
  • Apirilaren 21a, Pazko Astelehena
  • Maitzaren 1a, Langileen eguna
  • Uztailaren 25a, Santiago Apostoluaren Eguna
  • Uztailaren 31, Loiolako San Inazio
  • Abuztuaren 15a, Ama Birjinaren Jasokundea
  • Abuztuaren 22a, Bilboko Aste Nagusiko ostirala
  • Azaroaren 1a, Santu Guztien Eguna
  • Abenduaren 6a, Konstituzio Eguna
  • Abenduaren 8a, Ama Birjina Sortzez Garbiaren Eguna
  • Abenduaren 24a
  • Abenduaren 25a, Eguberri eguna
  • Abenduaren 31
  • 2025ko larunbat eta igande guztiak

• Foru Jauregia bisitatu daiteke? Aldundia

  Bai, astelehenetik larunbatera arte bisitatu daiteke, 13:15etik 16:30era bitartean.

  Bisitek 45 eta 60 minutu arteko iraupena dute eta telefonoz (946.083.537, 673.000.238) edo bisitak@bizkaia.eus helbidera mezua bidalita hitzartu behar dira.

  Ordutegia: astelehenetik ostiralera, 10:00etatik 14:00etara eta 15:00etatik 19:00etara.

GALDERA GUZTIAK →

Bizikletekin lotutako ohiko galderak

• Noiz eraman behar dut derrigorrez kaskoa? Araudia

  Babes-kaskoa (indarreko legediaren arabera homologatutakoa eta ziurtatutakoa) nahitaez erabili behar dute txirrindulariek eta bizikleten eta zikloen bidaiariek hiriarteko bideetan eta zeharkaleetan (zenbait salbuespen kontuan hartuz, hala nola arrapala luzeak igotzen direnean, egiaztatu behar diren arrazoi medikoak daudenean edo bero handia egiten duenean). Lehiaketetan parte hartzen duten bizikleta-gidariek eta txirrindulari profesionalek beraien arauak izango dituzte entrenatzen dutenean edo lehiaketan.

  Hiri barruko bideetan hamasei urtetik beherako pertsonek bakarrik erabili behar dute beti nahitaez kaskoa. Edozein esparru eta inguruabarretan erabili behar da (parkeetan eta gurpil txikiak eramaten dituzten bizikletekin gertatzen den moduan).

  Kaskoari buruzko legedia herrialde bakoitzean

• Txirrindulari bi paraleloan joan daitezke errepide batetik ? Hiri arteko mugikortasuna

  Errepidetik bizikletaz doazenak paraleloki ibil daitezke, bi ilaratan, kontuan hartuta errepidea zer egoeratan dagoen edo trafikoak arriskurik ekar dezakeen, eta errepideko eskuineko ertzera hurbildu beharko dira ahalik eta gehien.

  Zirkulazio Araudi Orokorraren 54. artikuluarekin bat, baimenduta dago txirrindulariak taldean joatea; horrek, baina, ez du esan nahi tropelean ibiltzea. Txirrindulariek eskuineko bazterbidea erabiliko dute, ibiltzeko modukoa eta haietako bakoitzarentzat nahikoa bada. Halakoa ez bada, galtzadaren zati bat erabiliko dute; ezinbestez behar dutena, besterik ez.

  Autobien kasuan, baimenduta dago txirrindularien zirkulazioa (berariaz kontrakoa adierazi ezean), baina bazterbidetik baino ezin dira joan; ez dira inoiz ere sartuko galtzadan. Bihurguneak dituzten jaitsiera luzeetan, bizikletan doazenek, bazterbidea utzi, eta behar duten galtzadaren eskuineko zatia erabili ahal izango dute, betiere segurtasun-baldintzek horretarako aukera ematen badute.

  Azkenik, ikuspenik ez dagoen zatietan edo zirkulazio-pilaketak daudenean, ilaran jarri beharko dira (bata bestearen atzean), aurre-hartzeak errazteko.

  

• Nola dago araututa bizikletak duen lehentasuna ibilgailu motordunekiko? Bizikleta bideak

  Trafikoari buruzko Legearen 23.5 artikuluan jasota dagoenez, bizikleta bat gidatzen dutenek pasatzeko lehentasuna dute ibilgailu motordunen aldean:

  1. bizikletaz doazenek bakarrik erabiltzeko bideratuta dagoen bizikleta-bide batetik, txirrindularientzako pasabide batetik edo bazterbide batetik zirkulatzen ari direnean.
  2. beste bide batean sartzeko, motordun ibilgailuak eskuinera edo ezkerrera biratu behar duenean, baimendutako kasuetan, eta inguruan txirrindulari bat dagoenean.
  3. bizikletak taldean zirkulatzen ari direnean, unitate mugikor bakartzat hartuko dira pasatzeko lehentasun-ondorioetarako. Horrela, taldeko lehen bizikleta gurutzatzen hasi denean edo biribilgune batean sartu denean, taldea osatzen duten gainerako unitateei lehen bizikleta horri aitortzen zaizkion lehentasunak aplikatuko zaizkie. Horri dagokionez, hiri-zirkulazioan dagokion udal-ordenantzak xedatutakoa beteko da, beste irizpideren bat aukeratzen bada.

  Gainerako kasuetan, Trafikoari buruzko Legean ibilgailuen artean pasatzeko lehentasunari buruz jasotako arau orokorrak aplikatuko dira. Horien artean dago, halaber, edozein ibilgailurekin elkargune batean edo oinezkoentzako edo txirrindularientzako pasagune batean sartzeko debekua (pasatzeko lehentasuna izan arren), baldin eta zirkulazio-egoera hain handia bada, non, ziurrenik, ibilgailua geratuta gera baitaiteke eta zeharkako zirkulazioa eragotzi edo oztopatu.

  Arau-hauste larritzat joko da Legeak pasatzeko lehentasunari buruz xedatzen duena urratzea, betiere delitua ez bada.

GALDERA GUZTIAK →

Geobizkaiarekin lotutako ohiko galderak

• Zalantzak ditut datuak erabiltzean, nora jo dezaket? Geobizkaia

  Datu multzo bakoitzak metadatu batzuk ditu eta datuak erabiltzeko informazio garrantzitsua ematen digute. Horien artean, zalantzak argitzeko datuen arduradunaren kontaktua dago.

• Nola eskura ditzaket datuak? Geobizkaia

  Datu geografikoak eskuratzeko, normalean, tresna bereziak erabili behar izaten dira, informazio geografikoko sistemak, alegia. Tresna horien bidez, datuak bi modutan eskura daitezke: OGC zerbitzuen bidez datuetara konektatuta edota datuak deskargatuta.

• Datuek kosturik dute? Geobizkaia

  BFA rekin datuak deskargatu eta konektatu ahal izango zara, kosturik gabe. Horrek ez du barne hartzen interneterako konexioa edo hirugarrenen zerbitzuak erabiltzeagatik kostua duten tresnak erabiltzea.

GALDERA GUZTIAK →

Gizarte-zerbitzuekin lotutako ohiko galderak

• Zer da gatazka etikoa? Comité de Ética en Intervención Social de Bizkaia (CEIS)

  Pertsona edo talde batek erabaki zail bat hartu behar duen egoera bat, elkarren artean talka egiten duten balio, printzipio edo betebehar moralak daudelako.

  Balio bat funtsezko sinesmen bat da, bakoitzak gure bizitzan garrantzitsutzat eta zuzentzat jotzen duguna definitzen duena, eta gauza batzuk besteen gainetik aukeratzera, iritzi bat izatera eta lortu nahi ditugun helburuak definitzera bultzatzen gaituena. Adibidez: zintzotasuna edo intimitatea, familia, lana edo osasuna.

  Printzipio etikoak jarraibide orokor eta unibertsalak dira, zuzena edo egokia denari buruzkoak, funtsezko balioetan oinarrituak eta gure ekintzak eta erabakiak bideratzen dituztenak. Printzipioak dira ongintza, kalterik ez egitea, autonomia eta justizia.

• Nola dakit gatazka etiko bat dela? Comité de Ética en Intervención Social de Bizkaia (CEIS)

  • Zaila egiten zaidanean ekintza zuzena zein den erabakitzea, alternatiba guztiek baliozkoak diruditelako edo, aitzitik, guztiek dakartelako nolabaiteko zorigaitz edo kalteren bat.

  • Errespetatzea garrantzitsutzat jotzen ditudan eta aldi berean asebete ezin ditudan bi balio edo gehiagoren aurrean nagoenean.

  • Nire erabakiak niretzat, beste pertsona batzuentzat edo komunitatearentzat garrantzitsuak diren balioetan eragina izan dezakeenean.

• Gizarte-zerbitzuen erabiltzaile bat naiz, edo haren senidea. Kontsulta bat egin diezaioket GEHEBari? Comité de Ética en Intervención Social de Bizkaia (CEIS)

  Bai. Bizkaiko esku-hartze sozialean inplikatutako edonork (erabiltzaileek, profesionalek, entitateek, erakundeek eta bestelako eragile sozialek) kontsulta egin diezaioke Bizkaiko GEHEBari.

GALDERA GUZTIAK →

Kontratazio publikoarekin lotutako ohiko galderak

• Zer behar dut eskaintza elektroniko bat aurkeztu ahal izateko? Kontratazio publikoa

  Bizkaiko Foru Aldundiak onartutako ziurtagiri elektroniko bat erabiltzea. Ziurtagiri hori pertsona juridikoaren ziurtagiria izan daiteke, edo pertsona fisikoarena, eskaintza egiten duen pertsonaren enpresaburua edo ordezkaria edo ahalduna bada.

  Kontratatzailearen profilera sartu, lizitatu nahi den eskaintzara, eta eskaintzak elektronikoki aurkezteko jarraibideak bete.

• Nola aurkezten dira eskaintzak elektronikoki? Kontratazio publikoa

  Eskaintzak web-inprimaki batetik zuzenean nabigatzailetik aurkezten dira. Lizitazio bakoitzean kontratatzailearen profiletik, lizitazio elektronikoko web-helbide bat aurkituko duzu, eskaintza prestatzeko eta bidaltzeko behar den informazio guztia jasotzen duen eskaintza-eskaera baten formulariora sartzeko. Ez da beharrezkoa eskaintza ekitaldi bakar batean egitea. Plataformak eskaintzak partzialki egiteko aukera ematen du, eduki zifratua pasahitzaren bidez gordeta behin betiko bidali arte.

• Zer gertatzen da enpresa batean eskaintzak aurkezteko ez denean baliozkoa ahaldun bakarraren sinadura, sinadura mankomunatua dutelako, eta, ondorioz, bi ahaldunen edo gehiagoren sinadura behar denean? Kontratazio publikoa

  Eskaintzak aurkezteko formularioak, eskaintza erregistratzeko eta aurkezteko erabiltzen denak, ahaldun bat baino gehiago sartzeko aukera ematen du, bakoitzak bere ziurtagiria erabiliz. Jakina, pertsona horiek kontratatzeko ahalmena izan behar dute.

GALDERA GUZTIAK →

Kulturarekin lotutako ohiko galderak

• Zer da premia berezia izatea? Udalekuak

  • Ofizialki aitortutako % 33ko gutxieneko desgaitasuna (fisikoa, psikikoa edo sentsoriala) izatea.

  • Ofizialki aitortutako mendetasun-gradua izatea.

  • Begirale laguntzaileen eguneroko asistentziabehar duen patología medikoren bat izatea.Adibidez, diabetesa.

• Non ikus ditzaket Udalekuko argazkiak? Udalekuak

  Udalekuetan egindako jardueren argazkiak web-orri honetan bertan ikusi ahal izango dira, "Instalazioak" atalean:

  • Hautatu instalazioa
  • Hautatu "Egonaldien egunkaria" ataleko ikonoa argazki kameraren irudia
  • Hautatu dagokion txanda.

• Nire semea edo alaba gaixorik badago eta azkenean ezin bada udalekura joan, nola jakinaraziko diet antolatzaileei? Udalekuak

  Deitu 946 083 360 zenbakira (jendearentzako arreta-ordutegian), lehenbailehen jakinarazteko, agian edo ziur ezingo dela udalekura joan.

  Zure espedientean sartu. “Beste jarduera elektroniko batzuk” atalean eta aukeratu “Dokumentazioa aurkeztea”. Hor gertatutakoa azaldu behar duzu.

  Joango ez dela ziurra denean, egoera azaltzeaz gain, "Uko" egingo da, "Beste jarduera elektroniko batzuk" atalean, plaza beste pertsona batentzat eskuragarri egon dadin.

GALDERA GUZTIAK →

Zerbitzu-katalogoarekin lotutako ohiko galderak

• Zer behar dut katalogoa erabiltzeko?

  Doako nabigatzaile hauetakoren bat erabili behar da katalogoan sartzeko:

  • Internet Explorer, 11 bertsioa edo goragokoa
  • Mozilla Firefox, 60 bertsioa edo goragokoa.
  • Google Chrome, 66 bertsioa edo goragokoa.
  • Microsoft Edge.
  • Safari, 11 bertsioa edo goragokoa.

  PDF fitxategien edozein bistaratzaile (Adobe Reader XI. bertsioa, Foxit Reader, Free PDF Opener, Nitro PDF Reader, ...). Google Chrome eta Mozilla Firefox nabigatzaileen azken bertsioetarako, ez dago bistaratzailerik instalatu beharrik, badaukatelako PDF bistaratzaile bat integratuta.

  Ziurtagiri elektronikoen erabileraren ondoriozko beste konfigurazio batzuk.

  Gainera, Egoitza Elektronikora bideratzen zaituzten laguntzen/diru-laguntzen kasuan, Bizkaiko Foru Aldundiak onartzen dituen sinadura elektronikoko sistemak erabili behar dira.

• Jaitsi daiteke katalogoa PDF formatuan?

  Gaur egun, hautatutako laguntzen/diru-laguntzen/zerbitzuen fitxak banan-banan jaitsi daitezke PDF formatuan. 2019/12/13tik aurrera, katalogo osoa jaitsi ahal izango da PDF formatuan

• Katalogo honen bitartez izapide bati ekiten diodanean, frogagiririk jasoko dut?

  Bai. Erregistro elektronikoak automatikoki luzatuko du izapideari ekin zaiola erakusten duen egiaztagiri elektronikoa. Egiaztagiri horretan datu hauek aurkituko dituzu: sarrera-erregistroko zenbaki edo kodea eta aurkezpen eguna eta ordua, pertsona igortzailearen nortasuna, zure kasuari buruzko prozedura, gaiaren izena, aurkezpen-inprimakian jarritako datuen hitzez hitzeko kopia, eta hari esleitutako egiaztapen elektronikoko kodea, aukera emango duena hura kontsultatu eta bistaratzeko eta haren kopia elektronikoa inprimatzeko.

GALDERA GUZTIAK →