Arreta goiztiarra

• Zer gertatzen da gure seme-alabak 6 urte betetzen dituenean?

  Haurrak beste sistema batzuen (Hezkuntza, Osakidetza, oinarrizko gizarte-zerbitzua…) arreta jasotzen jarraituko du, beharrezkoa bada.

• Nola eskuratu ditzakegu gure seme-alabaren jarraipen-txostenak?

  Txostenok AGBT—Arreta Goiztiarreko Balorazio Taldeari eskatu behar dizkiozue (Uribitarte kalea, 15, Bilbo).

• Zer dira koordinazio-orduak?

  AGETeko langileek, haurraren esku-hartzearen jarraipena egiteko, hala haien artean nola osasun- eta hezkuntza-sistemetako zein gizarte-zerbitzuetako profesionalekin harremanetan jartzeko erabiltzen dituzten orduak dira.

• Zentroa aldatu? ¿Nola egin behar dugu?

  Aitak edo amak haurra doan zentroari jakinarazi behar diozue zentroa aldatuko duzuela, haurra zentrotik irtetean zer egoeratan dagoen adierazten duen txostena prestatu dezaten, eta zentro berrira joan behar duzue, indarrean dagoen esku-hartze sozialeko planarekin.

• Zer alde dago zentro baimendu baten eta zentro itundu baten artean?

  Arreta goiztiarrean esku-hartzea egin ahal izateko, zentroa Bizkaiko Foru Aldundiak baimenduta egon behar da. Zentro itundu bat, berriz, zentro baimendu bat da BFArekin kontratatu duena zerbitzu hori ematea, zerbitzu publiko legez emateko.

• Zer da arreta goiztiarreko esku-hartze sozialeko plana?

  Arreta goiztiarreko esku-hartze sozialeko planean zehazten da hilean zenbat ordu behar diren umearekin esku hartzeko eta zer arlo landu behar diren.

• Zer alde dago (1) arreta-plan pertsonalizatuaren eta (2) arreta goiztiarreko esku-hartze sozialeko planaren artean?

  1. Arreta-plan pertsonalizatua: haurrarekin hiru arloetan —hezkuntza, osasuna eta gizartea— egingo den esku-hartzea zehazten du.
  2. Arreta goiztiarreko esku-hartze sozialeko plana: arlo sozialean egingo diren jarduketak jasotzen ditu. Azken hori da Bizkaiko Foru Aldundiak eskaintzen duen zerbitzua.

• Zer gertatzen da gure seme-alaba itundu gabeko zentro batera badoa?

  2018ko urtarrilaren 1etik aurrera, haurra ez badoa zentro itundu batera ez du Bizkaiko Foru Aldundiaren inolako laguntzarik jasoko.

• Zer dokumentu eraman behar dugu zentrora tratamendua hasteko?

  Esku-hartze sozialeko planaren proposamenaren kopia, zeina ebaluazioa egiten denean emango dizueten (Uribitarte kaleko 15ean).

• Tratamendu gehiago eska diezaiokegu zentroari?

  AGETek detektatzen badu aldaketaren bat egin behar dela arreta goiztiarreko esku-hartze sozialeko planean, AGBTi jakinaraziko dio, aldaketarik behar den baloratu dezan.

• Zer esan nahi du zerbitzua doakoa izateak? Nahi beste saiotara joan daiteke haurra?

  Esku-hartzeko planean jasotako esku-hartzea ordainduko da.

• Zer konpromiso hartzen dugu gurasook Arreta Goiztiarrarekin?

  Zerbitzua haurraren garapenari laguntzeko pentsatuta dago; beraz, garrantzitsua da Arreta Goiztiarreko esku-hartze taldeek (AGET) finkatzen dituzten hitzorduetara joatea. Arreta Goiztiarreko Balorazio Taldeak (AGBT) gurasoak hitzorduetara doazen kontrolatuko du, Arreta Goiztiarreko Esku-hartze Sozialeko Planaren arabera.

• Arreta goiztiarra zergatik jasotzen da 0 eta 6 urte bitartean?

  Ebidentzia zientifikoak erakutsi du garapenean zailtasunak daudenean tratamenduaren eraginkortasuna askoz handiagoa dela haurrak 6 urte bete bitartean.

• Zer adinera arte jaso daiteke arreta goiztiarra?

  Haurrak6 urte betetzen dituen egunera arte.