“Jatea, landatzea, konpostatzea. Eskola zirkular eta jasangarri baterantz” proposamen bat da ikasleek hausnarketa egin dezaten gure egungo bizitza ereduan jasangarritasunak eta zirkulartasunak duten garrantziaz, abiapuntutzat hartuta denok dugun premia oinarrizko bat: janaria.

Nondik datoz (etxean eta eskolan) kontsumitzen diren elikagaiak? Zelan ekoizten dira? Nora doaz janari soberakinak? Alderdi horiek eta funtsezko beste batzuk jorratuko dira unitate didaktiko honetan. Ikasleek hausnartu dezatela lortu nahi da eskolan nahiz eskolatik egin beharreko ekintzak prestatu ditzaten, bai eta horietako baten bat martxan jar dezaten ere, beharbada.

Unitate didaktiko hori lehen hezkuntzako bigarren zikloarentzako dago pentsatuta, eta ikasleen ezagutza kritikoa indartzen du, bai eta eskola zirkular eta jasangarri baten eredurantz mugitzeko inplikazio aktiboa ere.