Toki Alai informazio eta ingurumen hezkuntza zentroa

Toki Alai informazio eta ingurumen hezkuntza zentroa

Urkiolako Parke Naturaleko Toki Alai Harrera eta Interpretazio Zentroa. Saibigain mendiaren magalean, Urkiolako mendatetik metro gutxira aurkitzenda eta Parke Naturalari buruzko erakusketa iraunkorraz hornituta dago. Bertan ikus-entzunezkoa ikusi eta Parkeko ibilbide zein interesguneei buruzko informazioaz gain turismo-informazioa ere eskuratu daiteke.

Zentroaren helbidea:

Bisitariei arreta

Astegun, asteburu, jaiegun eta oporraldietan, Zentroa bertara erakusketa ikustera edo informazio bila hurbildu nahi duen ororentzatzabalik dago. Horretaz gain, zentroan Parkeari buruzko argitalpen eta artikuluak daude salgai: mapak, liburuak, natura gidaliburuak, postalak, etab.

• Azaroa eta Martxoaren arteko ordutegia 10:30-14:30 eta 15:30-17:30.
• Apirila eta Urriaren arteko ordutegia 10:00-14:00 eta 16:00-18:00.

Ingurumen heziketa programak

Ikasturtean zehar zentroak Haur Hezkuntza eta Lehen Hezkuntzako ikasleei zuzenduta 12 programa didaktiko eskaintzen ditu. Programa bakoitzak Parke Naturaleko gai zehatz bat (basoa, fauna, gizakia, mitologia, etab.) hartzen du ildotzat eta egun guztiko iraupena dute. Erreserba egiteko Tokia Alaira deitu behar da ikasturte hasieran, irailean.

Hezkuntza Programa - Urkiola.

Hileroko ekintzak publiko ororentzat

Mota ezberdinetako ekintzak antolatzen dira interesa duen ororentzat: ibilbide gidatuak, flora eta faunari buruzko jardunaldiak, txoriei eraztunak jartzea, kobetara irteerak etab.

Informazio gehiago jaso edo ekintza hauetakoren batean parte hartu nahi baduzu, Toki Alai Interpretazio zentrora deitu behar da.