SILICIE. Zerga Berezien Kontabilitate-liburuen Berehalako Horniketa

Ardoaren egile gisa baimendutako establezimendua

• Nola IDENTIFIKATZEN DA ardoaren egile gisa baimendutako establezimendu bat?

  Establezimendu baten JEKren zortzigarren eta bederatzigarren karaktereen bidez identifikatzen da haren jarduera. Ardoaren egile gisa baimendutako establezimendu baten kasuan, karaktere horiek V1 dira.

• Ardoaren egile gisa baimendutako establezimendu bat behartuta al dago SILICIE sistema betetzera?

  Bai. Ardoaren egile gisa baimendutako establezimendu bat fabrika bat da; beraz, SILICIE sistema bete behar du, non eta baimenik ez duen zerga berezien kontabilitatea orri zenbakituak dituzten paperezko liburuen bidez eramateko.

• Nola BETE BEHAR DU SILICErako betebeharra ardoaren egile gisa baimendutako establezimendu batek?

  Ardoaren egile gisa baimendutako establezimendu batek —zeina SILICIE betetzera behartuta dagoen— zerga berezien kontabilitatea egiteko, kontabilitateko idazpenak elektronikoki eman behar ditu Bizkaiko Foru Aldundiaren egoitza elektronikoaren bidez.

  Kontabilitateko idazpenen emate elektronikoa zuzenean egin ahal izango da (idazpeneko mugimendua, eragiketa edo prozesua gertatu eta hurrengo 24 ordu balioduneko epean), edo zergapekoaren euskarri informatikoko kontabilitate-sistemaren bidez (24 orduko epe orokorra baino zabalagoa den epe batean).

• Nola EMAN BEHAR DITU kontabilitateko idazpenak ardoaren egile gisa baimendutako establezimendu batek, ZUZENEAN ematen badu informazio hori egoitzan?

  Idazpeneko mugimendua, eragiketa edo prozesua gertatu eta hurrengo 24 ordu baliodunen barruan eman behar ditu, elektronikoki, kontabilitateko idazpenak.

  Emandako idazpenaren edukiari dagokionez, kontabilitateko idazpen bakoitza mugimendu, eragiketa edo prozesu bakar bati egokituko zaio. Baina, kontabilitateko hileko idazpen bakarrean, ardoa eta muztioa egiteko eragiketak eta lehengaien sarrerak batera eman ahal izango dira.

  Orobat, batera eman ahal izango dira, kontabilitateko eguneko idazpen bakarrean, zerga ordaindu beharra sortzen duten eta salbuetsita ez dauden ardoaren txikizkako salmentak.

• Zer epetan ERREGISTRATU ETA EMAN behar ditu kontabilitateko idazpenak ardoaren egile gisa baimendutako establezimendu batek, baldin eta aukeratzen badu informazio hori egoitzan ematea euskarri informatikoko BERE KONTABILITATE-SISTEMAREN BIDEZ?

  Ardoaren egile gisa baimendutako establezimendu batek aukeratzen badu Bizkaiko Foru Aldundiaren egoitza elektronikoan ematea kontabilitateko idazpenak euskarri informatikoko BERE KONTABILITATE-SISTEMAREN BIDEZ, orduan, idazpena euskarri informatikoko bere kontabilitate-sisteman ERREGISTRATU behar du, idazpeneko mugimendua, eragiketa edo prozesua gertatu eta hurrengo 24 ordu baliodunen barruan.

  Kontabilitateko idazpenak emateko azken eguna idazpeneko mugimendua, eragiketa edo prozesua gertatu den hilaren hurrengo hileko azken egun balioduna izango da. Informazio hori emateko ondorioetarako, abuztua ez-balioduntzat hartu ahal izango da.

• Nola egin behar du ERREGISTROA ardoaren egile gisa baimendutako establezimendu batek, baldin eta aukeratzen badu informazioa egoitzan ematea euskarri informatikoko BERE KONTABILITATE-SISTEMAREN BIDEZ?

  Idazpeneko mugimendua, eragiketa edo prozesua gertatu eta hurrengo 24 ordu baliodunen barruan egin behar du erregistroa euskarri informatikoko bere kontabilitate-sisteman.

  Erregistratutako idazpenaren edukiari dagokionez, kontabilitateko idazpen bakoitza mugimendu, eragiketa edo prozesu bakar bati egokituko zaio. Baina, kontabilitateko hileko idazpen bakarrean, ardoa eta muztioa egiteko eragiketa guztiak batera erregistratu ahal izango dira.

• Nola EMAN behar ditu kontabilitateko idazpenak ardoaren egile gisa baimendutako establezimendu batek, baldin eta aukeratzen badu informazio hori egoitzan ematea euskarri informatikoko BERE KONTABILITATE-SISTEMAREN BIDEZ?

  Kontabilitateko idazpenak emateko azken eguna idazpeneko mugimendua, eragiketa edo prozesua gertatu den hilaren hurrengo hileko azken egun balioduna izango da. Informazio hori emateko ondorioetarako, abuztua ez-balioduntzat hartu ahal izango da.

  Emandako idazpenaren edukiari dagokionez, kontabilitateko idazpen bakoitza mugimendu, eragiketa edo prozesu bakar bati egokituko zaio. Baina, kontabilitateko hileko idazpen bakarrean, ardoa eta muztioa egiteko eragiketak eta lehengaien sarrerak batera eman ahal izango dira. Orobat, batera eman ahal izango dira, kontabilitateko eguneko idazpen bakarrean, zerga ordaindu beharra sortzen duten eta salbuetsita ez dauden ardoaren txikizkako salmentak.

• Nola EMAN behar ditu kontabilitateko idazpenak ardoaren egile gisa baimendutako establezimendu batek, baldin eta aukeratzen badu informazio hori egoitzan ematea euskarri informatikoko BERE KONTABILITATE-SISTEMAREN BIDEZ eta haren produkzioaren bolumena 100.000 LITROTIK GORAKOA EZ BADA?

  Kontabilitateko idazpenak elektronikoki emateko epearen azken eguna abenduaren azken egun balioduna izango da, aurreko abuztu, irail, urri eta azaroan egindako mugimendu, eragiketa eta prozesuei dagokienez, eta abuztuaren azken egun balioduna, aurreko abendu, urtarril, otsail, martxo, apiril, maiatz, ekain eta uztailean egindako mugimendu, eragiketa eta prozesuei dagokienez. Kontabilitateko idazpenak emateko ondorioetarako, abuztua baliogabetzat har daiteke.

  Emate-epeak aplikatzeko ez da behar aurretiazko baimenik. Eskakizun bakarrak hauek dira: informazioa zergapekoaren euskarri informatikoko kontabilitate-sistemaren bidez ematea aukeratu izana, eta produkzioren bolumena 100.000 litrotik beherakoa izatea.

  Emandako idazpenaren edukiari dagokionez, kontabilitateko idazpen bakoitza mugimendu, eragiketa edo prozesu bakar bati egokituko zaio. Baina, kontabilitateko hileko idazpen bakarrean, ardoa eta muztioa egiteko eragiketak eta lehengaien sarrerak batera eman ahal izango dira. Orobat, batera eman ahal izango dira, kontabilitateko eguneko idazpen bakarrean, zerga ordaindu beharra sortzen duten eta salbuetsita ez dauden ardoaren txikizkako salmentak.

• Ardoaren egile gisa baimendutako establezimendu batek eraman al dezake paperean zerga berezien kontabilitatea?

  Oro har, ardoaren egileak fabrikatzat jotzen dira zerga berezien ondorioetarako; beraz, behartuta daude kontabilitatea Bizkaiko Foru Aldundiaren egoitza elektronikoaren bidez eramatera.

  Hala ere, Fabrikazioaren gaineko Zerga Berezien eta Ingurumen Zergen Atalak baimena eman ahal izango dio, eskaera egin ondoren, ardoaren egileari kontabilitatea orri zenbakituak dituzten paperezko liburuetan eramateko, baldin eta haren urteko produkzioaren bolumena 100.000 litrotik gorakoa ez bada haren titulartasuneko establezimendu guztien urteko produkzioa kontabilitatuta.

• Nola egin behar du ERREGISTROA ardoaren egile gisa baimendutako establezimendu batek, baimena badu kontabilitatea paperean eramateko?

  Ardoaren egile gisa baimendutako establezimendu batek, Fabrikazioaren gaineko Zerga Berezien eta Ingurumen Zergen Atalaren baimena lortu badu —orri zenbakituak dituzten paperezko liburuetan zerga berezien kontabilitatea eramateko eskaera egin ondoren—, orduan, idazpeneko mugimendua, eragiketa edo prozesua gertatu eta hogeita lau ordu baliodunen barruan erregistratu behar ditu kontabilitateko idazpenak paperezko liburuetan.

  Erregistratutako idazpenaren edukiari dagokionez, kontabilitateko idazpen bakoitza mugimendu, eragiketa edo prozesu bakar bati egokituko zaio.

• Nola konputatzen da ardoaren egile gisa baimendutako establezimendu baten URTEKO PRODUKZIOAREN BOLUMENA?

  Bolumena zehazteko, aurreko urte naturalean bere titulartasuneko establezimendu guztietan izandako ardoaren produkzioaren bolumena hartuko da kontuan.

  Aurreko urte naturalean egindako jarduera urte natural osokoa baino laburragoa bada, produkzio-bolumena urtekora igoko da.

  Jardueraren hasiera bada, zenbatetsitako produkzio-bolumena hartuko da kontuan.

• Ardoaren egile gisa baimendutako establezimendu batek aurkeztu behar al du eragiketen aitorpena, baldin eta baimena badu kontabilitatea paperean eramateko?

  Bai, eragiketen aitorpena aurkeztu beharko du (553 eredua), urtarril, apiril, uztail eta urriko lehen hogei egunen barruan. Aitorpenean, establezimenduan aurreko hiruhileko naturalean izandako mugimenduak eta eragiketak jaso beharko ditu.

• Ardoaren egile gisa baimendutako establezimendu batek aurkeztu behar al du eragiketen aitorpena, baldin eta kontabilitatea eramateko kontabilitateko idazpenak elektronikoki Bizkaiko Foru Aldundiaren egoitza elektronikoaren bidez ematen baditu?

  Ez; eragiketen aitorpena ezin izango zaie eskatu kontabilitatea Bizkaiko Foru Aldundiaren egoitza elektronikoaren bidez daramaten establezimenduen titularrei.