Bizkaitarren artean kirola egitea erraztuko duten kirol-espazioak sustatzeko hartuta duen konpromisoaren barruan, Bizkaiko Foru Aldundiaren Kirol Zerbitzuaren Udal Kirola eta Kirol Azpiegiturak atala “Kirolguneak: Igeribideak” proiektua abiarazi du. Ekimen honen helburua da Bizkaiko kostaldeko hondartzetan aisialdiko igeriketa osasungarria eta segurua era autonomoan sustatzea, ingurune naturalean ahalik eta gutxien esku hartuz.

Igeribieak proiektuaren baitan Igeriguneak izeneko igeriketa-guneak ezarri dira. Igeriguneak, Bizkaiko kostaldeko guneak dira, itsaso zabalean igeriketa egiteko egokituak. Hiru mailatan sailkatu dira (urrea, zilarra eta brontzea), 6 irizpideren arabera: irisgarritasuna, igeri egiteko espaziorako irisgarritasuna, ekipamenduak, igeri egiteko ibilbidea, segurtasuna eta tokiko parte-hartzea.

GORLIZKO IGERIGUNEA

Artikulu honetan, Gorlizko Igeriguneari buruzko informazio guztia partekatuko dizuegu. Gorlizko Igerigunea Gorlizen dago. Hareatza bat da eta bokale batek eta dike batek mugatzen dute.

Gorlizko Igeriguneari buruzko webgunean, bideo bat aurkituko duzu Igerigune honi buruzko informazio guztia biltzen duena eta gainera, igeri egiten dutenentzako oinarrizko segurtasun-aholkuak partekatzen dituena.

Esteka honetan, Gorlizko-igeribideko itsasoaren baldintzak zuzenean kontsulta ditzakezu.

Gorlizen igeri egiteko ibilbidea:

Ilbibidea:

750 m

Denbora:

22,5 minutu (hastapen-maila)

Buiak:

50 metrotik behin eta kortxerak (udako denboraldian)

Marea egokia igerian egiteko:

Marea guztiak

Ikuspena:

Ertaina

Sakonera:

0,5 m / 5,0 m (itsasbehera-itsasgora)

Beste jarduera batzuk:

Surfa, kayaka, SUP, KiteSurfa

MASTERCLASS SAIOA GORLIZKO IGERIGUNEAN:

Irailaren 23an, Bizkaiko Foru Aldundiaren Bizkaiko Foru Aldundiaren Kirol Zerbitzuaren Udal Kirola eta Kirol Azpiegiturak atalak itsaso zabalean igeri egiteari buruzko Masterclass saio bat antolatuko du Gorlizko Igerigunean.

Aipatzekoa da Igeribideak programaren masterclass saioek eduki hauek izango dituztela:

• Meteo eta Segurtasuna uretan klasea Aketza Sanchezekin: Ingurune urtarraren eta uretarako sarbideen analisia. Meteorologia, oinarrizkoa eta aplikazioak. Korronteak, mareak, olatuak eta haizeak ulertzea eta identifikatzea. Oinarrizko segurtasun-arauak.

• Traininga; teoria eta praktika Itxaso Alonso eta Iker Iriondorekin: Itsasoan igeri egiteko prestaketa eta entrenamendua. Uretara sartu aurreko gomendioak. Arnasketa irregularrak. Arraunketa eta erritmo- eta kadentzia-aldaketak. Orientazioa uretan. Luzaketak, beroketak eta ariketa espezifikoak.

Kirolbide Pro gunetik, jarduera hau sustatu nahi duten Bizkaiko 16 urtetik gorako pertsona guztiek irailaren 23an, Gorlizko Igeribidean egingo den Masterclass saioan izena ematera animatzen ditugu.