Mundu osoko hiru herrialdetatik batek sexu bereko pertsonen arteko harremanak zigortzen jarraitzen du – Ia hamar heriotzarekin-, ILGA nazioarteko elkarteak egindako Estatuko Homofobia Txostenaren azken eguneraketaren arabera.

Horrekin batera, Nazio Batuetako 42 estatu kidek ( % 21) indarrean jarraitzen dute adierazpen- askatasuna urratzen duten legeak, moralaren eta erlijioaren aurkako delituak sartuz eta homosexualen propaganda deiturikoa debekatuz. Gobernu-politika errepresiboen ondorioez harago, 52 herrialdetan murrizketa zehatzak daude, eta horiek eragotzi egiten diete gobernuz kanpoko erakundeei LGBTI pertsonen berdintasunaren eta askatasunaren alde lan egitea, bai eta erakunde juridiko gisa eratzea ere. Kalteberatasun bereziko testuinguru honetan, lesbiana, gay, bisexual, trans eta intersexual (LGBTI) askok beren segurtasuna arriskuan jartzen dute, 2030 Agendaren azken egitekoarekin bat datorren garapen iraunkor baten alde lan eginez, eta garapen horrek ez luke inor atzean utziko.

Egoera horretan, 2017. urteaz geroztik, Bizkaiko Lankidetzak sexu-aniztasunaren ikuspegia txertatzen duten eta pertsona guztientzako eta mundu guztiarentzako berdintasun- eta askatasun-horizonterantz jo nahi duten proiektuak babesten ditu. Nikaraguatik Bizkaira, jarraitzen dituzten proiektuak garapenerako GKEek bultzatu duten lan baliotsuaren adibide bat baino ez dira, gure lankidetza-ereduan, Laespada diputatuaren hitzetan, inor kanpoan gera ez dadin".

Emakumeen ahalduntzea eta sexu- aniztasunarekiko errespetua Nikaraguan Genero Berdintasunerako Eskubide gisa

Hezkuntza eta Lankidetza Fundazioak bultzatua Miriam Proiektua Elkartearekin lankidetzan, proiektu honen helburua da Nikaraguako emakumeen, jatorrizko herrien eta, zehazki, LGTBI pertsonen aurkako indarkeria mota orotatik libre eta seguru dauden giroak sortzen laguntzea. Horretarako, parte hartu duten erakundeek emakumeen mugimenduen eta LGBTI mugimenduaren ahalduntze ekonomikoaren alde lan egin dute, lidergo komunitarioa kudeatzeko gaitasunak areagotzen saiatuz. Horietatik abiatuta, haien beharretatik eta irriketatik abiatuta, proiektu honek indarkeriarik ezaren, aniztasunaren eta ingurumenaren babesaren aldeko ekintzak antolatzeko aukera ematen du.

EDUSEX 2021: sexu-aniztasuna eta giza eskubideak

Gizarte Eraldaketarako Hezkuntza proiektuen modalitatearen barruan, BIZIGAY Bizkaia Elkarteak proiektu bat garatu du herritarrak sentsibilizatzeko, arauz kanpoko sexualitateak dituzten pertsonen giza eskubideen urraketei, indarkeriari eta diskriminazioari buruz. Ildo horretan, elkarteak hainbat estrategia erabili ditu (hitzaldiak, mahai-inguruak eta jarduera artistiko-errebindikatiboak) hainbat publikorekin (haurrak, familiak, etab.), Hegoalde Globaleko herrialdeei buruz dauden estereotipoak gainditzeko eta haien ikaskuntzak Bizkaira hurbiltzeko.

Emakumeak mugen artean: genero- arrazoiengatiko jazarpena eta LGBTI Saharaz azpiko Afrikan

Lurraldeko hainbat erakunderen lankidetzarekin, hala nola ZEHAR, Aldarte, Askabide, Ekologistak Martxan eta Mujeres con Voz, ACNUR Bizkaiak herritar informatuak, arduratsuak, kritikoak eta errefuxiatuen eskubideekiko konprometituak lortzeko lan egin zuen, batez ere Afrikako gatazka ahaztuak pairatzen dituzten herrialdeetan beren bizitzak salbatzeko ihes egin behar duten emakumeen, neskatoen eta LGBTIen eskubideekin. Horrela, unibertsitateko ikasleak errealitate horren inguruan sentsibilizatzea lortu nahi izan du proiektuak, errealitate hori giza eskubideen aldeko aldaketa-eragile izan dadin.