Kotizazio gabeko erretiro-pentsioa (erretiroagatiko KGPa)

Lerratu gehiago erakusteko

Zer da?

Laguntza ekonomiko bat, baliabide nahikorik ez duten pertsona hauentzat:

  • Inoiz kotizatu ez dutenentzat.
  • Edo kotizatutako pentsioa izateko adina denbora kotizatu ez dutenentzat.

Baldintzak

  • 65 urte beteta izatea.
  • Legezko egoitza Espainiako lurraldean izatea eta 10 urtetan zehar herrialde horretan bizi izana, 16 urteko adinetik pentsioa eskatzeko datara arte. Beharrezkoa da, halaber, herrialde horretan 2 urtetan jarraian bizi izana, pentsioa eskatzeko egunaren aurre-aurretik.
  • Diru-sarrera edo errenta nahikorik ez izatea.
    Baldintzei buruzko informazioa

Osagarriak

Kotizazio gabeko erretiro-pentsioa kobratzeak esan nahi du honako osagarri hauetakoren bat jasotzeko eskubidea izan dezakezula:

Etxebizitza errentan hartzeko osagarria

Pentsio-osagarri hori urtero kobratzen da, ordainketa bakarrean.

Zenbatekoa: 525,00 €.

Baldintzak:

  • Etxebizitzarik jabetzan ez izatea.
  • Zure ohiko bizilekua den etxebizitza alokatzeko kontratu baten titularra izatea.
  • Ez izatea etxebizitzaren jabearen ezkontidea edo bikotekidea, edo harekin hirugarren mailara arteko ahaidetasun-harremanik ez izatea.

Kotizazio gabeko pentsioak jasotzen dituzten hainbat pertsona elkarrekin bizi diren familia-unitateen kasuan, errentamendu-kontratuaren titularrak soilik jaso ahal izango du osagarri hau, edo, titularrak bat baino gehiago badira, horietako lehenengoak.

Doako laguntza mediko eta farmazeutikoa

KGP hau kobratzeagatik, laguntza medikoa eta sendagaien erosketa Gizarte Segurantzaren araubide orokorrean sartuta daude.

Eskaera

Non aurkeztu behar da eskaera?

  • Egoitza elektronikoa

    Bizkaiko Foru Aldundiaren egoitza elektronikoa

    Egoitzara sartzea

  • Erregistroa eta herritarrenganako laguntza bideratzeko bulegoak

    Bizkaiko Foru Aldundiaren erregistroa eta herritarreganako laguntzaren bideratzeko bulegoak, ahal dela aurretik hitzordua eskatuta (hitzordua eskatu edo 94 468 000 telefonoa).

  • Beste batzuk

    39/2015 Legean adierazitako beste leku batzuk. (Estatuko Gobernuaren Bizkaiko Ordezkariordetza, Eusko Jaurlaritza, udalak, posta-bulegoak...). Eskabidea Gizarte Ekintza Sailera bidali behar da, helbide honetara: Ugaskobidea 3-bis, 48014 Bilbo.

Errenten eta diru-sarreren mugak

Kotizazio gabeko pentsio bat kobratu dezakezu, baldin eta:

  • Bakarrik bizi, eta zure urteko diru-sarrerak 7.905,80 €-tik beherakoak badira 2025ean.
  • Bizikidetzako unitate ekonomiko bateko kidea bazara
    Errenten eta diru-sarreren mugak
    errenten eta diru-sarreren mugak unitateko pertsona guztien errenten eta diru-sarreren baturak honako muga hauek gainditzen ez baditu:

  1. Lehen mailako bizikiderik gabe

    Unitate ekonomikoko bizikide-kopurua

    Unitate ekonomikoaren baliabideen metaketaren muga

    Lehen mailako bizikiderik gabe
    URTEKOA HILEKOA (x 14 ordainketa)
    1 Eskatzailea 7.905,80 564,70
    2 13.439,86 959,99
    3 18.973,92 1.355,28
    4 24.507,98 1.750,57
    5 30.042,04 2.145,86
    6 35.576,10 2.541,15
    7 41.110,16 2.936,44
    8 46.644,22 3.331,73
    9 52.178,28 3.727,02
    10 57.712,34 4.122,31

  2. Lehen mailako bizikideekin

    Unitate ekonomikoko bizikide-kopurua

    Unitate ekonomikoaren baliabideen metaketaren muga

    Lehen mailako bizikideekin
    URTEKOA HILEKOA (x 14 ordainketa)
    2 33.599,65 2.399,98
    3 47.434,80 3.388,20
    4 61.269,95 4.376,43
    5 75.105,10 5.364,65
    6 88.940,25 6.352,88
    7 102.775,40 7.341,10
    8 116.610,55 8.329,33
    9 130.445,70 9.317,55
    10 144.280,85 10.305,78

Pentsioaren zenbatekoa

Bakarrik bizi bazara

  • Pentsioaren zenbatekoa 12 ordainsari arruntetan eta ekaineko eta azaroko aparteko 2 ordainsarietan kobratzen da (564,70 € hilean 2025ean).
  • Pentsioaren urteko zenbatekoa (7.905,80 € 2025ean) baino diru-sarrera handiagoak jasotzen badituzu, ez daukazu pentsioa jasotzeko eskubiderik.
  • Zure errentek edo diru-sarrerek (baldin eta halakorik baduzu) lehen adierazitako muga gainditzen ez badute, pentsioaren zenbateko osoa edo zati bat jasotzeko eskubidea edukiko duzu, zure kasua zein den.

Bizikidetza-unitate ekonomiko bateko kidea bazara

  • Bizikidetza-unitate ekonomikoaren urteko diru-sarrerek edo errentek goian adierazitako taulen mugak gainditzen badituzte, ez daukazu pentsiorako eskubiderik.
  • Bizikidetza-unitate ekonomikoaren diru-sarrerek muga gainditzen ez badute, pentsioaren zenbateko osoa edo zati bat jasotzeko eskubidea edukiko duzu, zure kasua zein den.
  • Unitate ekonomiko berean pentsiorako eskubidea duen onuradun bat baino gehiago badago, pentsio bakoitzaren zenbatekoa murriztu egingo da, eskatzaile-kopuruaren arabera.

Bateraezintasunak

Pentsio hau bateraezina da honako hauekin:

  • Gutxieneko diru-sarrerak bermatzeko subsidioarekin eta hirugarren baten laguntza behar izateari erantzuteko subsidioarekin.
    Bateraezintasunei buruzko informazio gehigarria
  • Familia babesteko esleipen ekonomikoa, desgaitasuna duten seme-alabengatik.
  • Edozein erakunde publikok (GSIN, MUFACE, klase pasiboak) emandako zenbateko bereko edo handiagoko beste edozein pentsio.

Kotizazio gabeko pentsioa eska dezakezu, baldin eta horrekin baterazina den prestazioari uko egiten badiozu.

Betebeharrak

  1. Gehienez ere, gertatzen denetik 30 eguneko epean honako hau jakinaraztea:
    • Zure bizikidetza-egoeraren, egoera zibilaren, bizilekuaren, baliabide propioen edo besteren baliabideen edozein aldaketa.
    • Pentsioa kobratzen jarraitzea edo beste zenbateko bat kobratzea eragin dezakeen edozein aldaketa.
  2. Urte bakoitzeko lehen hiruhilekoan, unitate ekonomikoaren diru-sarreren aitorpena aurkeztea, aurreko urteari dagokiona, postaz bidaltzen den inprimakiaren arabera.
    • Aitorpena martxoaren 14a baino lehen aurkezten ez baduzu, errekerimendu bat bidaliko dizugu, 10 egun balioduneko epean aurkeztu ezean pentsioaren ordainketa eten eta pentsioa iraungiko dela ohartarazteko.

Non aurkeztu behar da aitorpena?

  • Egoitza elektronikoa

    Bizkaiko Foru Aldundiaren egoitza elektronikoa

    Egoitzara sartzea

  • Erregistro eta Herritarrenganako Laguntzaren Bulegoak

    Bizkaiko Foru Aldundiaren erregistroa eta herritarreganako laguntzaren bideratzeko bulegoak, ahal dela aurretik hitzordua eskatuta (hitzordua eskatu edo 94 468 000 telefonoa).

  • Beste batzuk

    39/2015 Legean adierazitako beste leku batzuetan (Estatuko Gobernuaren Bizkaiko Ordezkariordetzan, Eusko Jaurlaritzan, udaletan, posta-bulegoetan...). Eskabidea Gizarte Ekintza Sailera bidali behar da, helbide honetara: Ugaskobidea 3-bis, 48014 Bilbo.

Ohiko galderak

Soilik zure bikotekidearen diru-sarrerak urtean 13.439,86 eurotik gorakoak ez badira.

Lotutako gaiak

  • Informa zaitez desgaitasunaren balorazioari eta orientazioari buruz

    Jakin ezazu nola eskatzen den desgaitasunaren balorazioa.

    Webgunera joan

  • Jaso informazioa mendekotasunaren balorazioari eta orientazioari buruz

    Jakin ezazu nola eskatzen den mendekotasunaren balorazioa.

    Webgunera joan