Bizkaiko Foru Aldundiko Kirol Sailak koordinatzen duen Igeribideak programak jauzi kualitatiboa eman du 2026an, inplikatutako udalekin lankidetzan eta aldundiak berak itsasertza kudeatzeko duen arloaren laguntzarekin; horretarako, kirola, komunitatea eta prestakuntza uztartzen dituen eskaintza berritzailea antolatu du.

Ur irekietan igerian ibiltzeko prestatu diren sei guneei - igeriguneak izenekoak - bereziki diseinatutako programazioa gehitu behar zaie uda honetan, itsasoko igeriketa segurua izan dadin eta udalerriek kudeaketa autonomoagoa susta dezaten.

Proiektuan antolatu diren igeriguneak honako hauek dira:

1. Arrigorri hondartza (Ondarroa)

2. Isuntza hondartza (Lekeitio)

3. Astondo hondartza (Gorliz)

4. Laidatxu hondartza (Mundaka)

5. Areetako hondartza eta Ereaga hondartza (Getxo)

Unean uneko ekitaldia izatetik martxan dabilen komunitate bat izatera

Aurreko bi edizioetako masterclass tradizionalez gain, 2026ko programak aurrerapauso bat eman du, belaunaldi anitzeko jardueren egutegi oso bat antolatzeko. Helburua: itsasoan modu seguruan errotzeko, ikasteko eta gozatzeko bideak sustatzea.

Irekiak eta doakoak diren jardueren artean, honako hauek daude:

1. Masterclass saioak: ur zabaletako igeriketan hasteko saioak, irakasle espezializatuekin (Ekainak 7-Ondarroa, Ekainak 14-Lekeitio, Ekainak 21-Getxo, Uztailak 5-Mundaka eta Uztailak 19-Gorliz).

2. Zirkuituak: igeri egiteko topaketak (Ekainak 7-Ondarroa, Ekainak 14-Lekeitio, Ekainak 21-Getxo, Uztailak 5-Mundaka eta Uztailak 19-Gorliz).

2026ko Igeribideak masterclass saioak 

Dinamizazio honek bi fase ditu: hainbat bideo-tutorialak eta aholku pertsonalizatuak, itsaso zabalean igeri egiteari buruzko azalpen eta gomendioekin, eta Bizkaiko biztanleen artean kirol hori sustatzea helburu duten hainbat masterclass.

Aipatzekoa da Igeribideak programaren masterclass saioek eduki hauek izango dituztela:

1. Meteo eta Segurtasuna uretan klasea: Ingurune urtarraren eta uretarako sarbideen analisia. Meteorologia, oinarrizkoa eta aplikazioak. Korronteak, mareak, olatuak eta haizeak ulertzea eta identifikatzea. Oinarrizko segurtasun-arauak.

2. Traininga; teoria eta praktika: Itsasoan igeri egiteko prestaketa eta entrenamendua. Uretara sartu aurreko gomendioak. Arnasketa irregularrak. Arraunketa eta erritmo- eta kadentzia-aldaketak. Orientazioa uretan. Luzaketak, beroketak eta ariketa espezifikoak.

Masterclass saioak igerigune hauetan antolatuko dira:

1. Ekainaren 7a (10:30) - Arrigorri hondartza (Ondarroa)

2. Ekainaren 14a (10:30) - Isuntza hondartza (Lekeitio)

3. Ekainaren 21a (09:30) - Ereaga hondartza (Getxo)

4. Uztailaren 5a (10:00) - Laidatxu hondartza (Mundaka)

5. Uztailaren 19a (10:00 - Astondoko hondartza (Gorliz)

2026ko Igeribideak zirkuitua

II. Igeribideak zirkuitua ospatuko da uda honetan. Igeriketa-maila ertaina duten 14 urtetik gorako pertsonei zuzendutako proposamena da, eta Bizkaiko kostaldeko bost agertoki zeharkatzen ditu ingurune natural eta seguruan, gainbegirale espezializatuen laguntzaz.

Zirkuitua igerigune hauetan antolatuko da:

1. Ekainaren 7a (12:00) - Arrigorri hondartza (Ondarroa) - 1.000 m

2. Ekainaren 14a (12:00) - Isuntza hondartza (Lekeitio) - 1.000 m

3. Ekainaren 21a (11:00) - Ereaga hondartza (Getxo) - 1.000 m

4. Uztailaren 5a (11:30) - Laidatxu hondartza (Mundaka) - 1.000 m

5. Uztailaren 19a (11:30) - Astondoko hondartza (Gorliz) - 1.500 m

Bost hitzorduetan parte hartzen dutenek aitorpen berezia jasoko dute Gorlizko azken jardunaldian, itsasoarekiko konpromisoaren, konstantziaren eta maitasunaren oroigarri. Lehiaketa bainoago, zirkuitua esperientzia partekatu eta eraldatzaile gisa planteatzen da.

Tokiko autonomia sustatzeko online prestakuntza

Programaren iraunkortasuna indartzeko eta tokiko eragileak gaitzeko, itsasoko igeriketa-ekitaldien kudeaketari eta antolaketari buruzko online prestakuntza espezifikoa emango du Igeribideak ekimenak.

Programa honako hauei zuzenduta dago:

1. Udal-teknikariak
2. Igeriketa-klubak eta -federazioak
3. Kirol- eta turismo-sektoreko enpresa pribatuak
4. Itsasoko ekitaldien antolatzaileak

Formakunzta hau, eskuragarri dago Bizkaiko Foru Aldundiko Kirol arloko prestakuntza-plataforman.

Proiektu aitzindaria, etorkizuna duena eta komunitatean ainguratua

Etapa berri horrekin, Igeribideak programak sare bizi eta komunitario izateko bokazioa indartzen du, eta pertsona gehiago animatu nahi ditu itsasoaz modu kontziente eta seguruan gozatzera, udalerriak gobernantza aktiboago batean inplikatzearekin batera. Horrela, ur zabaletako igeriketa sendotu egiten da, lurraldean errotutako praktika irisgarria eta ekologikoa den aldetik.

Azpiegitura iraunkorra da, belaunaldi anitzeko jarduerak eskaintzen ditu, prestakuntza teknikoa baliatzen du eta erakundeen arteko lankidetza uztartzen du; horregatik, Igeribideak 2026 proposamen aitzindari eta berritzailetzat hartu da ur irekietako igeriketan. Ikuspegi integratzailea duenez - kirola, iraunkortasuna, heziketa eta herritarren parte-hartzea lotzen dituena - erreferentziazko eredu bihurtu da, eta beste eskualde batzuetan ere antola daitekeena, itsasertzeko gozamen aktiboa modu seguru, inklusibo eta arduratsua sustatzeko asmorik badute. 

Kirolbide PRO gunetik, jarduera hau sustatu nahi duten Bizkaiko 14 urtetik gorako pertsona guztiek ekainean eta uztailean egingo diren ekimenetan izena ematera animatzen ditugu.