"Kirola gizarte berri baten aurrean" izenburuarekin, Euskadiko Jarduera Fisikoaren eta Kirolaren VIII. Biltzarra urriaren 24an eta 25ean egin zen Basauriko Social Antzokian, hain zuzen, 2024 urte olinpikoan Kirolaren Europako Hiri izendatu duten Bizkaiko udalerrian.

Biltzarra hiru bloketan banatu zen: "Nori? Gizartea ","Nola? Eredua" eta "Non? Espazioak ".

Programaren lehen blokea ostegun goizean garatu zen, urriaren 24an, eta euskal gizartea aztertzea izan zuen ardatz: aldaketak, bilakaera eta etorkizun hurbilena, herritartasun aktiboagoa lortzeko helburuarekin. Lehenengo hitzaldian, kirolak gizarte berrira egokitzeko izango dituen aldaketa nagusiak zehaztu ziren. Mahai-inguru batek Euskadik aurre egin behar dion erronka demografikoa, migrazioaren eragina eta dibertsitate funtzionala eta belaunaldikoa gaiak landu zituen. Lehenengo bloke honetan José Luis Larreak (Deusto Social Lab), Juan Aldazek (UPV-EHU), Blanca Ordóñezek (Haszten), Ekain Larrinagak (Bilboko Udala) eta Pilar Kaltzada kazetariak, moderatzaile lanetan, hartu zuten parte.

Arratsaldean, bigarren blokeak Udal Kirol Zerbitzuen (UKZ) eredua izan zuen ardatz: nolakoak izan behar dute 2030. urtean? Nola garatu beharko da egungo udal zerbitzuaren eredua bere jatorrizko helburua bete dezaten, hau da, kirola unibertsala izatea eta gizartearen ongizatean laguntzea? Hitzaldiek hainbat gai jorratuko dituzte, hala nola, egungo eta etorkizuneko kirol-ohiturak, herritarren eskaerei nola erantzun, epe ertainerako UKZen egitura-formula eta -eredua, eta sektore publikoaren eta pribatuaren arteko harremana. Bigarren blokean Marian Ispizua (UPV-EHU), Juan Antonio Compañón "Konpa" (KAIT), Iratxe Ruesgas (Sport Studio), Fernando París (FAGDE) eta Manuel Abajo (Barakaldo Kirolak) izan ziren.

Hirugarren eta azken blokea ostiral goizean egin zen eta kirol-espazioak, etorkizuneko kiroldegiak eta hiri aktiboak izan zituen hizpide: kirol-instalazioek nolakoak izan behar duten etorkizunean, kaleak, herrietako eta hirietako plazak kirol-jarduerara txertatzeko bideak aztertu eta espazio publikoak modu libre zein partekatuan erabiltzeko gakoak identifikatu ziren. Hirugarren multzo honetan Jorge Yélamos (GO fit), Sergio Serna (TECH friendly), Unai Martín (UPV-EHU), Karitte Alegría (ideas4innovation) eta Juanma Muruak hartu zuten parte.

Azkenik, Basaurik, Kirolaren Euskal Biltzarra ospatu zuen udalerriak, 2024ko Kirolaren Europako Hiria izateko egin duen bidea partekatu zuen. Era beran, azken hamarkadan Jarduera Fisikoaren eta Kirolaren arloan egin dituen garapenek eta datozen urteetan iristeke daudenek herritarrei ekarriko dieten ondarea ere azaldu zuen. Luis Solarren (OTSp) hitzaldi baten ondoren, mahai-inguruan hainbat erakundeetako kirol arduradunek hartu zuten hitza: Carlos Sergio (Bizkaiko Foru Aldundia), Jon Zugazagoitia (Basauriko Udala), Itziar Carroceras (Santurtziko Udala) y Jon Iraola (Eibarko Udala).

Kongresuan, hitzaldi eta mahai-inguruekin batera, hiru workshop ere egin ziren: Jarduera fisikoaren orientazio zerbitzua" (Athlon), "Nola hobetu dezakegu adingabearen babesa kirol inguruneetan?" (Kunina-Zain) eta "LED teknologiaren demokratizazioa" (Mondo).

Kontatu dizugun guztiaz gain, oraindik jakin nahi duzu zer gehiago egin genuen Kirolaren Euskal Biltzarrean? Hona hemen aftermoviea!

Kirol Eskolaren Facebook-eko orrian Biltzarraren argazki batzuk eta gainerako edukiak dituzu eskuragarri