2025eko urtarrila

Bidaia 2024ko otsailean Paolina Vercoutère Quinche Imbaburako Suprefetak Bizkaira egin zuen bisitaren lankidetza teknikoko prozesuaren parte da. Elkarrizketa horren ondorioz, akordioaren edukiei forma ematen hasi zen, administrazioan eta politika publikoetan genero-ikuspegia zeharkakoa izan zedin. Horretarako, 3 helburu zehaztu dira: Imbaburako prefekturan genero-ikuspegia zeharkakotasuna lortzen laguntzea, esperientzia pilotuak abiaraziz; zeharkakotasun-estrategia bat izateko prozesua sistematizatzea; eta bi administrazioen berdintasun-politikak indartzeko balioko duten politikak eta metodologiak trukatzea.

Lankidetza Prefekturako Komunikazio Zuzendaritzan genero-ikuspegia zeharkako bihurtzeko esperientzia pilotu batekin hasiko da, hurrengo faseetan zeharkakotasun hori gainerako zuzendaritzetara irits dadin. Adostutako lan-planaren lehen urratsak sentsibilizazioan eta gaitasunak indartzean oinarritzen dira. Zehazki, zuzendaritza guztietako langileentzako oinarrizko prestakuntza-programa bat garatuko da 2025. urtean, eta genero-ikuspegia lan-eremu espezifikoetan (komunikazioa, plangintza eta lankidetza) nola txertatu gaituko da.

Akordioko ekintzak inplementatzeko, talde eragile bat sortu da. Prefekturako Genero eta Giza Eskubideen Zuzendaritzako langileek osatuko dute talde hori, eta bera izango da zeharkakotasun-prozesuaren buru eta definitutako lan-planaren jarraipena egingo duena. Bizkaiko Foru Aldundiak laguntza eta aholkularitza eskainiko ditu, 2018an onartutako Berdintasunerako Foru Arauarekin duen ibilbidea, genero-ikuspegidun aurrekontuarekin duen esperientzia eta berdintasunerako politika publikoen zeharkakotasunaren arloan metatutako ikaskuntza oinarri hartuta.