"Eibar Sports Tech Day" jardunaldiak enpresen, startupen, kirol-arloko profesionalen eta administrazio publikoen arteko lankidetza-aukerak nabarmenduko ditu, Euskadin Sports Tech sektorearen garapena bultzatzeko.

Eibarrek "Eibar Sports Tech Day. Industria, kirola, berrikuntza: aukerak lotzen" jardunaldia hartuko du. Topaketa horren helburua industria-sarearen, kirol-sektorearen eta berrikuntza teknologikoaren arteko lotura sustatzea da, baita Euskadin garapen ekonomikorako eta enpresa-garapenerako aukera berriak aztertzea ere.

Ekitaldiak Sports Tech industriak berrikuntzarako, enpresa-dibertsifikaziorako eta enpresa berriak erakartzeko duen potentziala agerian jarri nahi du. Horretarako, sektoreko eragile nabarmenen esperientziak eta kirol-berrikuntzaren arloan erreferente diren hirietan garatutako ekimenak aurkeztuko dira.

Jardunaldia, halaber, enpresa industrialen eta zerbitzu-enpresen, startupen, kirol-arloko profesionalen eta administrazio publikoen arteko topagune eta lankidetzarako gunea izango da, aukera berriak identifikatzeko eta sinergia berriak sortzeko helburuarekin.

"Eibar Sports Tech Day" jardunaldia jarduera fisikoaren eta kirolaren arloko profesionalei, klubei, taldeei eta kirolariei zuzenduta dago, baita dagoeneko kirol-sektorean diharduten enpresei, beren jarduera merkatu horretara dibertsifikatu nahi duten konpainiei eta kirolari aplikatutako teknologiarekin lotutako startupei ere.