Herritarren eta gizartearen partaidetza

Proiektuak

Herritarren Aktibazioa eta Boluntariotza

BFAk BizkaiaGara programaren bitartez helburutzat dauka herritarren parte-hartze aktiboaren bidez gure lurraldea hobetzen lagundu nahi duten gizarte-eremu guztietatik (ingurumena, kultura, gizartea, aldaketa demografiko kirola...) eta eragile guztietatik (erakundeak, kolektiboak, enpresak, erakundeak, pertsonak, ikastetxeak eta unibertsitateak) bultzatutako proiektuak aktibatzea, babestea eta konektatzea.

Asmoa da gizartearen parte-hartzea bultzatzea eta sustatzea, Bizkairako balio publikoa sortzeko tresna gisa, eta gizarte zibila sektore publikoaren zereginean inplika dadin errazteko ezinbesteko elementu gisa; gizarte-kohesioa bultzatzea; tolerantzia, integrazioa, elkartasuna eta berdintasuna bezalako balioak indartzea; eta ekintza politiko eta administratiboaren eraginkortasun eta legitimitate handiagoa bultzatzea.

Era berean, Bizkaiko boluntarioen eta haien proiektu/erakundeen lan solidarioa bultzatu nahi da.

Informazioa

OGP Euskadi proiektua

Bizkaiko Foru Aldundian uste dugu erakundeen lankidetza eta gizartearen lankidetza ezinbestekoa direla gobernu irekiaren eta partaidetzaren alorrean ezagutza sortzeko, konpartitzeko eta eskuratzeko. Horregatik, Aldundian, Euskadiko eta nazioarteko sareak eta proiektuak sustatzen ditugu eta horietan modu aktiboan parte hartzen dugu.

Aldundiak esku hartzen dituen ekimenetatik garrantzitsuena OGP Euskadi izeneko proiektua da. Proiektu horren esparruan, Euskadin gobernu irekian aurrera egiteko 2018-2020 aldirako Erakunde arteko lehen Plana eta Gobernu Irekirako bigarren Ekintza Plana 2021-2024 ezarri eta ebaluatu ondoren, Gobernu Irekirako hirugarren Ekintza Plana 2025-2028 diseinatu eta abian jarri da.

Lehenengo eta bigarren planak bezala, hirugarren ekintza-plana ere herritarrekin batera sortutako plana da, eta gaitasun eraldatzaile altua duten konpromiso barne hartzen dira. Konpromiso horiek gizarte zibilaren lankidetzarekin ezartzen ari dira eta erakundeen arteko hiru mailen arteko koordinazioa ezarri da, eta, hori guztia, gobernu irekian ezinbestekoak diren erronkei erantzuteko, honako hauei, hain zuzen ere:

  1. Herritarren arau-arloko ekimena gauzatzea. Herri-mailako legegintza-, arau- eta erregelamendu-ekimenen kudeaketa integralaren protokolo-eredua definitzea
  2. Etorkizuna diseinatzen aktiboki parte hartzen duen gazteria. Euskal gazteek jarduera publiko-instituzionalean duten parte-hartzea sustatzeko eta ebaluatzeko esparru metodologiko bat definitzea, “Youth Test”-arekin parekatu daitekeen mekanismo bat txertatuz.
  3. Politika publikoak ebaluatzea, kontu-emateak ahalbidetzeko. Kontuak benetan ematera bideratutako politika publikoak ebaluatzeko esparru metodologiko bat definitzea.
  4. Haurrengan eta nerabeengan gobernu irekiaren kultura eta praktika sortzea. Gobernu Irekiaren printzipioak sustatzea, bereziki parte-hartzea bultzatuz, Euskadiko Haur eta Nerabeei buruzko 2/2024 Legearen esparruan.

Proiektua ezagutu

Open Government Partnership Euskadi

Euskadi Gobernu Ireki-ko webgunera joan

1/2023 FORU ARAUA, araugintzako herri-ekimena arautzen duena

Arau horrek berrikuntza garrantzitsuak ditu:

  • Beharrezko sinadura kopurua 20.000 izatetik 5.800 izatera jaitsi du.
  • 16 urtetik gorako gazteei ekimenak sinatzeko aukera ematen die. Horrela, gazteei politika egiteko tresnak hurbiltzen ari dira.
  • Edozein nazionalitatetako 16 urtetik gorako pertsonek, Bizkaiko udalerriren batean erroldatuta badaude, herri-ekimenak sustatu eta izenpetu ahal dituzte.
  • Lehen aldiz, herritarrei hitza eman zaie Batzar Nagusietako Osoko Bilkuraren aurrean beren arau proposamena defendatzeko.
  • Emakumeen eta gizonen parte-hartze orekatua sustatzen da.

Dokumentuak