BiscayTIK fundazioak hobetu nahi du udal ertainetako herritarren parte-hartze aktiboa

Erronkak eta azpi erronkak:

Nola aprobetxatu ditzakegu pertsonentzat zerbitzu publiko eta informazio interesgarrienak eta gehien erabilitakoak udalerri ertainetako administrazioen eta herritarren arteko komunikazioa eta harremana hobetzeko?

  1. Nola gehitu ditzakegu udalerri ertainetako udalek eskainitako zerbitzuak herritarrekiko harreman gertuagoa sustatuko duen espazio digital bakarrean?
  2. Nola sor dezakegu udalerriarekin lotutako informazioa ikusi ahal izateko espazio digital bat, herritarren interes eta erabileretara egokituko dena?
  3. Nola automatizatu dezakegu kanal (fisiko eta digital) eta formatu (artikuluak, sare sozialetako postak, WhatsApp mezuak, etab.) desberdinetako edukien hedapena?
  4. Nola erraztu dezakegu administrazioak pizgarrien estrategiak eta sistemak sortu eta kudeatzea, herritarren onboardina sustatzeko plataforma digitaletan?

Konponbide irabazlea: administrazio publikoaren eta herritarren arteko harremanaren kontzeptu berri bat

eAgorak aurkeztutako soluzioa plataforma digital bat da, udalei beren zerbitzuak digitalizatzeko, herritarrekin modu eraginkorragoan elkarreragiteko eta udaleko ekitaldi eta jarduera guztiak biltzen dituen agenda bat sortzeko aukera ematen diena.

Govtech pilotua: app mugikor bat eta webapp bat sortzea, Abadiñoko Udalaren eta herritarren arteko harremanetarako

Govtech pilotua "govtech soluzio bat espazio erreal baina kontrolatu batean inplementatzea da, testuinguru zehatz batean eta erronka zehatz baterako teknologia bat erabiltzearen aukerak eta inpaktuak ulertzeko".

Kasu honetan, pilotua honako hau izan da:

  • Baterako funtzionalitateen zerrenda asmatzea.
  • Funtzionalitateen irismena diseinatzea eta funtzionalitate berriak garatzea.
  • Konfigurazioa eta abiaraztea.
  • Barne testa eta barne prestakuntza.
  • Komunikazio materiala prestatzea.
  • Android eta iOSen argitaratzea.
  • Herritarrei zabaltzea eta gamifikazio-kanpaina.

Pilotuak huts egiten du soilik ikaskizunak sortzen ez baditu

Pilotua ikaskuntza-saio batekin amaitzen da. Saio horretan, pilotatutako konponbideak erronkari erantzun dion ebaluatzen da, tresnaren espezifikazioak eta funtzionaltasun teknikoak baloratzen dira eta tresna berri hori sartzeak zerbitzuan edo prozesuan nola eragiten duen aztertzen da.

Pilotu honen ikaskuntza nagusiak honako hauek izan dira:

  • Ireki eta lehen hilabete eta erdian, eAgorak 339 biztanle ditu erregistratuta.
  • Lankidetza-agenda da funtzionalitate interesgarriena, bai Udaleko taldearentzat, bai erakundeentzat.
  • Herritarren agendak erakundeen arteko koordinazioa lor dezake, ekitaldiak bat etor ez daitezen.
  • Eginkizunen eta erantzukizunen definizio on baten garrantzia, tresnaren barnekudeaketa egin dadin.