GovTech Bizkaiako taldea Bind Demo Day ekitaldiaren hamargarren edizioan izan gara. Ekitaldi honen helburua lehiakortasuna, jasangarritasuna eta eraginkortasuna sustatzea da, Venture Client lankidetza-ereduaren bidez. Oraingo honetan, startup-ek garatutako eta Euskadiko enpresa-ekosistemak baliozkotutako 30 irtenbide teknologiko ezagutzeko aukera izan genuen. Bertan, adimen artifizialak, robotikak, automatizazio industrialak eta teknologia garbiek industria-erabilerako kasuak abantaila lehiakor bihurtzeko duten gaitasuna erakutsi zuten.

Bind Demo Day 2026 ekitaldiaren barruan, GovTech-i eskainitako saio paralelo bat ere egin zen. Saioari hasiera emateko, 'Eskualdeko GovTech ekosistemaren bilakaera eta sendotzea' izeneko mahai-ingurua antolatu zen. Bertan parte hartu zuten Saioa Leguinagoicoak, Bizkaiko Foru Aldundiko Estrategia Digitalerako Zerbitzuko buruak; Ander Larrinagak, Arabako Foru Aldundiko Garapen Ekonomiko eta Berrikuntzako zuzendariak; eta Arantza Lekuonak, Gipuzkoako Foru Aldundiko Gobernantza Saileko Administrazioaren Berrikuntza eta Eraldaketako zerbitzuburuak. Jardunaldi berean, GovTech ekosistemaren garrantziaz eta eskaintzen dituen aukerez hausnartzera gonbidatu gintuzten beste hitzaldi batzuk ere egin ziren.