Nola diseina genezake behi-azienden alten izapidea, modu telematikoan izapidetzeko orduan abeltzainen esperientzia hobetzeko lehen urrats gisa, autokudeaketa sustatuz?

Erronkak eta azpi erronkak:

  • Nola balia genitzake abeltzainek gailu mugikorraren eta gehien erabiltzen dituzten kanalen gaitasunak izapidetze telematikorako?
  • Nola sor genezake bulegora behar ez den bisita saihesteko prozesu sinple bat?
  • Nola automatiza genezake datuen irakurketa eta digitalizazioa irudia ezagutzeko teknologien bidez?
  • Nola automatiza genezake administrazioarentzat baliozkoak diren dokumentuen sorrera?
  • Nola eskalatu dezakegu teknologia horren erabilera saileko beste prozesu eta izapide batzuetara?

Konponbide irabazlea: Adimen artifiziala abeltzaintzako izapideetarako

Data-kak proposatutako irtenbidea behi-azienda kudeatzeko tresna bat da. Elkarrizketarako adimen artifiziala (KIDE) erabiliz, animalia berriak erregistratzeko prozesua sinplifikatzen da. KIDEk, WhatsAppen antzeko egiturarekin, abeltzainak pausoz pauso gidatzen ditu prozesuan, datuen harrapaketa eta dokumentu ofizialen sorrera automatizatuz.

Govtech pilotua: Izapideak Kudeatzeko Adimen Artifizialdun Laguntza plataforma bat sortzea

Govtech pilotua da govtech konponbide bat espazio erreal baina kontrolatu batean sartzea, testuinguru espezifiko batean eta erronka zehatz baterako teknologia erabiltzearen eraginak eta aukerak ulertzeko.

Kasu honetan, pilotua honako hau izan da:

  • Prozesuak aztertzea eta segurtasun-eskakizunak definitzea.
  • Erabiltzaile-datuak integratzea.
  • Betetako dokumentua sortzeko sistema integratzea.
  • Sistemak testatzea.
  • Frontends ezarpena.
  • Pilotua testatzea.
  • Inprimaketak biltzea eta txostena sortzea.

Pilotuak huts egiten du soilik ikaskizunak sortzen ez baditu

Pilotuak ikasketa saio batekin bukatzen du. Bertan ebaluatzen da pilotatutako konponbideak erronkari erantzun badio, gainera, tresnaren funtzionalitate teknikoak eta espezifikazioak baloratzen dira eta tresna berri hori zerbitzuan edota prozesuan sartzeak duen eragina aztertzen da.

Pilotu honen ikaskuntza nagusiak honako hauek izan dira:

  • Denbora gutxi duten pilotuetan, garrantzitsua da eskura dagoena baino denbora gehiago behar izan dezaketen prozesuetarako alternatibak izatea, hala nola eskalatuz gero automatizatzea erabaki den eta pilotuan eskuz grabatzea lortu den datuetarako sarbidearen kasuan.
  • Abeltzainak prest daude izapideetarako tresna digital berri bat hartzeko, baldin eta tresna lagunkoia bada eta zerbitzu publikoek tresna hori erabiltzeko laguntza ematen badiete.
  • Funtsezkoa da erreminta abeltzainen ezaugarrietara egokitzea, eta, horrez gain, aurrez aurreko saioak egitea, proiektuaren zati bat egiteko eta erabilerara sustatzeko.
  • Funtsezkoa da datuetarako sarbidea lortzea tresna automatizatu ahal izateko, publiko handiago batengana igo ahal izateko.