Kirolur proiektuak Bizkaiko kirol-ekosistemaren ikusgarritasuna indartzeko urratsak ematen jarraitzen du. Joan den astean Bizkaiko Ahaldun Nagusiak egindako Kirolur aurkezpen ofizialaren ondoren, markak sare sozial propioak ditu, Bizkaiko kirolari lotutako jarduera guztia erakusteko, partekatzeko eta konektatzeko espazio komun gisa sortuak.

Kirolurren sare sozial berriak helburu argi batekin sortu dira: kirolaz bizi, lan egin eta gozatzen duten pertsonak, kolektiboak eta eragileak balioan jartzea, ikuspegi inklusibo, askotariko eta ireki batetik. Kanal horietan, kirola partaidetzarako, ongizaterako eta gizarte-kohesiorako tresna duten jarduera, ekimen, esperientzia eta proposamenei buruzko edukiak zabalduko dira.

Kirolbide PRO guneak profil horiek jarraitzera eta partekatzera animatzen ditu herritarrak, pertsona gehiagok edukiak ezagut ditzaten eta urtean zehar egingo diren jarduerekin bat egin dezaten. Sareetan aktiboki parte hartzea funtsezkoa da proiektuaren irismena zabaltzeko eta, pertsona guztien artean, kirol-komunitate ikusgarriagoa eta konektatuagoa eraikitzeko.

Kirolur Instagram, Facebook eta TikTok plataformetan dago, plataforma bakoitzera egokitutako formatuekin eta ikus-entzunezko edukiei arreta berezia eskainiz. Eduki horiek kirola publiko ezberdinei hurbiltzeko eta parte-hartzea sustatzeko pentsatuta daude.

Kirolurren sare sozialak jarraitzea eta haiekin elkarreragitea modu erraza da egunean egoteko, eduki digitalak partekatzeko eta Bizkaiko kirol-unibertsoan aktiboki parte hartzeko.