Pertsona bakoitzak 120 euro aurreztu ahal izango ditu urtean, 10 euroko prezioan erosi ahal izango diren eta 20 euroko balioa duten bonuekin. Horiek erabiltzeko azken eguna martxoaren 31a izango da

Herritarren artean bizimodu osasungarria sustatzeko asmoz, Galdakaoko Udalak, Gu Dendari merkatari elkartearekin elkarlanean, "Bono Kirola" kanpaina jarri zuen abian duela ia 4 urte. Horren bidez, galdakoztarrek 20 euroko balioa duten bonuak eros ditzakete, 10 euroko prezioan, Galdakaoko kirol zentroetan ea gimnasioetan erabiltzeko.

Datorren astelehenean, martxoak 3, hasiko da "Kirola aitzakirik gabe" kanpaina berria, 10.000 bonu eskainiko dituena. Beraz, guztira 100.000 euro aurreztu ahal izango dituzte udalerriko kirol instalazioetako erabiltzaileek. Zehazki, pertsona bakoitzak 120 euroko deskontua lortu ahal izango du, gehienez 12 bonu eskuratu ahal izango baititu. Bakoitzak hilabete bat adierazten du, eta ezin da hilabete bakoitzeko kuotarako bonu bat baino gehiago metatu.

Bonuak Udalaren webgunean (kanpaina martxan dagoenerako aktibatuta egongo da) eskuratu ahal izango dira martxoaren 3ko 09:00etatik aurrera izakinak amaitu arte. 65 urtetik gorakoek bonuak aurrez aurre erosteko aukera izango dute Gu Dendariren bulegoan, Muguru plazan, 09:00etatik 14:00etarako ordutegian. Bonuak martxoaren 31ra arte izango dute balioa ordainbide gisa, eta kreditu txartelarekin bakarrik ordaindu ahal izango dira.

Gai honi honi buruzko berririk galdu nahi ez baduzu, HARPIDETU GURE NEWSLETTERRERA!