Bizkaiko Foru Aldundiko Euskara, Kultura eta Kirol Sailak 2025erako aurrekontua aurkeztu du Bizkaiko Batzar Nagusietan. Iazkoa baino % 2,13 handiagoa izango da, eta jarduera-ildo argiak izango ditu: euskara, eta, bereziki, bizkaiera sustatzea hainbat esparrutan, bizi-ohitura osasungarriak txertatzea eta kirola adin-tarte guztietan egitea, eta kultura sustatzea; kanpora adi, baina tokiko talentua indartzen jarraituz.

Kirola guztiontzat

Kirola pertsonen arteko harremanetarako, kohesio sozialerako eta balioak transmititzeko tresna dela kontuan hartuta, sailaren helburuak askotarikoak dira: pertsona bakoitzaren neurrira egindako kirola sustatzea, tokiko modalitateak indartzea, dibertsitate funtzionala duten pertsonen artean kirola sustatzea edo kirolaren munduan euskararen presentzia areagotzea, besteak beste. Gainera, berebiziko garrantzia izango du kirol-sisteman emakumeen presentzia aktiboa sustatzea; horretarako, 500.000 € gehituko zaizkio ohiko finantzaketa-lerroari.

Horregatik guztiagatik, kirola herritarren bizitzaren parte izan dadin, Sailak 11.618.000 euro jasoko ditu datorren urteari begira.