Igandean, maiatzak 5, Emakumeen Larruzko Pilotako VI. Bizkaia Paleta Txapelketako finala jokatuko da Bizkaia Frontoian, non Irazustabarrena eta Galdos bikotea txapelketako lehen postua lortzeko lehiatuko baita Martin eta Gorostiaga bikotearen kontra.

Hirugarren eta laugarren posturako partidak irekiko du jardunaldia, 12:00etan, Bizkaia Frontoian. Salanuevak eta Ardanazek Saez eta Etxanizen aurka jokatuko dute hirugarren eta laugarren postuetarako. Ondoren, final handia izango da.

Txapelketa apirilaren 12an hasi eta hilaren 19an eta 26an jokatu zen, eta parte hartu duten palisten talentua eta dedikazioaren agertoki izan da. Lehian dauden lau bikoteek -Amaia Irazustabarrena eta Leire Galdós, Haizea Salanueva eta Maider Ardanaz, Nagore Martín eta Paula Gorostiaga, eta Naroa Sáez eta Leire Etxaniz- joko-maila handia erakutsi dute lehiaketan zehar.

Bizkaiko Foru Aldundiak bultzatutako Emakumeen Larruzko Pilotako VI. Bizkaia Paleta Txapelketaren helburua da kirolean aukera-berdintasuna sustatzea. Horretarako, emakumeei gune bat eskaintzen zaie paleta-larru esparruan nabarmendu daitezen, genero-berdintasunaren estandarrekin bat.

Finala ikusteko sarrerak 3 euroan erosi ahal dira Bizkaia Frontoiko leihatilan. Gainera, Emakumeen Larruzko Pilotako VI. Bizkaia Paleta Txapelketa ETB1en ikusi ahalko da.