Udal Kirolaren eta KirolAzpiegituren Atalak “Kirola Herrietan” jardunaldiak antolatu ditu ezagutza espezifikoa, aberasgarria eta dibulgaziozkoa eman dezaketen kirol-esparruen balioa nabarmentzeko.

Irekiak eta parte-hartzaileak diren jardunaldien helburua kirolaren arloan ezagutza sustatzea eta gizarteratzea da, eta Bizkaiko kirolean erreferente diren pertsona eta/edo erakundeen esperientziak, konponbideak eta zailtasunak partekatzea. Ildo horretatik "Kirola Herrietan" ekimena Bizkaiko udalerrietako kirol eragileei zuzenduta dago: teknikariak eta politikariak, klubak eta federazioak, ikastetxeak eta herritarrak oro har.

Jardunaldiak hilean behin izango dira; lehenengoa "Bizkaiko erreferentziazko kirol ekitaldiak" izenekoa, martxoaren 23an, egingo da eta ekitaldiak antolatu eta garatzeko ardura duten bost profesionalek eskainiko dute, Gran Fondo BIBE Transbizkaia, Pulmón de Acero, Bilbao Crossfit Txapelketa, Wop Challenge Bilbao Bizkaia eta Bilbao Pil Pil Urban Festival ekitaldien antolatzaileek.

Datorren apirilaren 27an landuko den gaia "Kirola eta erronkak Bizkaitik" da eta Alex Txikon, Gaizka Aseguinolaza eta Juanra Madariaga izango dira protagonistak. "Bizkaiko etorkizun handiko kirolariak-Deportistas promesas de Bizkaia" gaiari buruz eztabaidatuko den jardunaldia ekainaren 15ean izango da eta Etorkizun Handiko Bizkaiko Kirolariak programako hainbat kirol modalitatetako kirolariek eskainiko dute. Azkenik, ekainaren 29an, "Bizkaiko erreferentziazko klub baten kudeaketa-Gestión de un club referente de Bizkaia" gaiari buruzko hitzaldi batekin emango zaio amaiera jardunaldi-ziklo honi; bertan Bizkaiko erreferentziazko kirol-klubetako kudeatzaile eta buruek hartuko dute parte.

Kirola Herrietan zikloa osatzen duten lau jardunaldiak hileko azken ostegunetan izango dira, Rekalde Aretoan, 18:00etatik 20:00etara.

Kirola Herrietan: Bizkaiko erreferentziazko klub baten kudeaketa

Datorren ekainaren 29an, Kirol Herrietan zikloaren azkeneko jardunaldian landuko den gaia "Bizkaiko erreferentziazko klub baten kudeaketa" izango da. Bertan, Bizkaiko erreferentziazko kirol-klubetako kudeatzaile eta buruek hartuko dute parte.

Hitzaldian Santutxu Atletismo Kluba, Sopelana Txirrindulari Kt Zaldu eta Club Atletismo Adaptado Javi Conde Basauri egongo dira. Gai hauek landuko dira: denboraldi baten plangintzan eta kudeaketan funtsezkoak diren alderdiak (arlo teknikoa eta kudeaketakoa), kirolariak prestatzeko eta erakartzeko gakoak eta baliabide ekonomikoak eta giza baliabideak finantzatu eta kudeatzeko gakoak.

Solasaldira joan nahi duten pertsona guztiek izena eman dezakete esteka honetan.