Partekatu hemen:
TXIRRINDULARITZA
2023ko Frantziako Tourreko Grand Départ lasterketako bi etapa Bizkaian izango dira
Datorren uztailaren 1ean, 2023ko Grand Départ Pays Basque by Tour de France Bilbotik abiatuko da.
2023ko Grand Départ Pays Basque Bilbotik abiatuko da uztailaren 1ean eta Bizkaiko hiriburuak hartuko du lehenengo etaparen amaiera ere. Bigarren eguneko ibilbidea Gasteizen hasi eta Donostian bukatuko da eta hirugarrena Amorebieta-Etxanon hasi eta euskal kostaldea zeharkatuz Irundik Iparraldera igaroko da.
GRAND DÉPART PAYS BASQUE 2023KO ETAPAK
-
Etapa Bilbao – Bilbao (2023/07/01): Frantziako Tourraren 110. edizioko lehen pedalkadek Bilbo dute irteera eta helmuga. 185 kilometroko ibilbide zirkular eta bihurgunetsua Bizkaiko lurraldean zehar. Estreinaldiaren urduritasunari, ilusioari eta indarrari 3.300 metroko desnibela gehitzen badiogu, lehen jardunaldiak ikuskizun zirraragarria eskainiko digu.
-
Etapa Vitoria-Gasteiz – Donostia/San Sebastián (2023/07/02): Frantziako Tourraren bigarren jardunaldiak Euskadiko beste bi hiriburuak lotuko ditu. Gasteiz eta Donostia batuko dituzten 210 kilometroek engainu hutsa den profila margotzen dute. Euskadiko hiriburua 600 metroko altueran dago, eta Donostia Kantauri itsasoak bustitzen du, baina Araba eta Gipuzkoa zeharkatzen dituzten errepide estu eta bihurriek ahalegin itzela eskatuko dute.
-
Etapa Amorebieta-Etxano – Baiona (2023/07/03): Frantziako Tourraren hirugarren etapa izango da Euskadin, eta ziur aski, arnasa hartzeko paradarik gabeko hirugarren jardunaldia. Aitzindaria Euskadin Iurretarekin lotuko duen bizipista eraikitzeagatik, Amorebieta-Etxano izango da tropelak euskal errepideei agur esango dioen egunaren irteera puntua.
TOURREKO IRTEERA HANDIAREN GIDA PRAKTIKOA
Grand Départ Pays Basque 2023ko Gida Praktikoaren helburua, herritarrek, Euskadin izango dugun Frantziako Tourraren Irteera Handia dela eta, beraien egunerokoa antolatzeko informazio guztia dokumentu bakar batean kontsultatu ahal izatea da. Gida “bizia” da, hau da, garraio-modalitate ezberdinetan aldaketak izan ahala eguneratuko dena, aldirietako aparkaleku gehiago jartzen direnean, etab. Beraz, oso garrantzitsua izango da Grand Départaren webgune ofizialean sartzea eta eskuragarri dagoen azken bertsioa deskargatzea beti.
Horrela, formatu bateratu baten, herritarrek eskura dute Grand Départa ospatuko den egunetan eragingo dien informazio guztia. Garraio-operadore publiko guztien plataformetarako estekak; ekitaldi nagusien programa; etapa bakoitzaren mapak eta errutometroak; karabana-aparkalekuak; etapen irteeren eta helmugen xehetasunak; eragin handienak izango dituzten ibilbideen itxierei eta irekitzeei buruzko informazioa (Pike edo Jaizkibel, besteak beste), antolatutako ekitaldiak... Gidak ikuspegi orokorra eta praktikoa eskaintzen du, Frantziako Tourrak mugikortasunari eta eskura izango diren aukerei nola eragingo dien azaltzeko.
GRAND DÉPART PAYS BASQUE 2023REN ESPARRUAN BIZKAIAN EGINGO DIREN EKITALDIAK
Grand Départ Pays Basque 2023aren esparruan egingo diren ekitaldi ugarien eta askotarikoen barruan, zientziak leku nabarmena izango du. Science & Cycling munduko txirrindularitza lasterketa handienaren hasieran egin ohi den hitzaldia da. Aurten, Euskadin gala-erronda hastearekin batera, jardunaldiak Bilbon egingo dira, Bizkaia Aretoan, ekainaren 28an eta 29an, Kirol Eskolak eta EHUk sustatuta.
L'étape Bilbao by Tour de France proba ekainaren 11n izango da, eta edizio bakarra izango du Grand Départ Pays Basquek suposatzen duen ospakizun handia dela eta. Ibilaldiak hiru ibilbide izango ditu: lehenengoak zehatz-mehatz erreproduzitzen du 2023ko Tourraren lehen etapa, 196 kilometrorekin (185 Km eta 11 Km neutralizatuta) eta 3.518 metroko desnibelarekin; bigarrenak 157 Km ditu, 2.869 metroko desnibelarekin; eta hirugarrenak 124 Km eta 2.869 metroko desnibel positiboarekin.
Hurrengo ekainaren 25ean, igandean, Bilbok BiziTour Jaia hartuko du. BiziTour jai herrikoia eta familia artekoa da, Frantziako Tourra Euskadin hartzeko eta ongietorria emateko. Modu ludiko batean parte hartu nahi da, bederatzi kilometro inguruko zirkuituaren bidez, guztiontzat eskuragarri, jai giroan, bizikleta kultura eta mugikortasun jasangarria sustatzeko helburuarekin. BiziTour: aukera paregabea eskaintzen digu Tour giroaz gozatzeko.
Frantziako Tourreko taldeen aurkezpen ofiziala herritar guztiei zuzendutako ekitaldia izango da eta ekainaren 29an egingo da, Abandoibarrako pasealekuan, Euskalduna Jauregiaren eta Guggenheim Bilbao Museoaren arteko zatian. Aurkezpen ofiziala 18:30etik 20:00etara izango da, baina 17:00etatik aurrera hainbat jardueraz gozatzeko aukera izango da. Aurkezpen ofiziala amaitu ondoren, Tour aurreko giroarekin gozatu ahal izango da 22:00ak arte.
Aurkezpenaren egunean bertan, goizean, Tourreko Fan Parka inauguratuko da, Areatzako parkearen inguruan, Bilbon. Gune irekia da, doakoa, eta, oro har, txirrindularitza-giroan eta, bereziki, Tourrean murgiltzeko esperientziaz gozatu ahal izango da. Babesleen standak animazioekin, opariak, tirolina erraldoi bat, bizikleten erakusketa edo bi gurpilen gainean ibiltzen ikasteko pistak egongo dira besteak beste. Gainera, pantaila erraldoian bai taldeen aurkezpena bai Tourraren lehen etapa jarraitu ahal izango dira zuzenean. Publikoak herri kirolen edo euskal dantzen erakustaldiez ere gozatu ahal izango du.