Gizarte zerbitzuen foru erregistroa

Zer da?

Gizarte Zerbitzuen Foru Erregistroa Bizkaian jarduten duten eta gizarte-prestazioak edo -zerbitzuak eskaintzen dituzten entitate, zerbitzu eta zentro publiko zein pribatu guztien erregistro publikoa da.

    • Ezagutza: aukera ematen du zehatz-mehatz ezagutzeko Bizkaiko Lurralde Historikoan gizarte-zerbitzuen arloan jarduten duten entitate, zerbitzu eta zentroak.
    • Plangintza eta antolamendua: ezinbesteko informazioa eskaintzen du gizarte-zerbitzuen arloan dauden baliabideak planifikatzeko eta antolatzeko.
    • Publizitatea: Bizkaiko Lurralde Historikoan jarduten duten gizarte-zerbitzuen inguruko informazioa eskaintzen die herritarrei.

Nork inskribatu behar du?

Bizkaian gizarte-zerbitzuak ematen dituzten entitateek eta haien mendeko zentro eta zerbitzuek.

Izapideak

Erregistroan izapide hauek egin behar dira nahitaez:

  • Lehenengo inskripzioa egin Bizkaian jarduera hastean.
  • Datuak eguneratu erregistroan jasota dauden datuetan aldakuntzarik gertatuz gero.
  • Ezeztapena edo itxiera jakinarazi.

Inskripzioa

Bizkaian jarduten duten eta gizarte-zerbitzuen prestazioak eskaintzen dituzten titulartasun publiko zein pribatuko entitate, zerbitzu eta zentro guztiak jaso behar dira Gizarte Zerbitzuen Foru Erregistroan.

Funtzionatzeko baimena behar duten entitate, zentro eta zerbitzuak ofizioz inskribatzen dira delako baimena emandakoan.

Kontsultatu hemen baimena behar duten zentro eta zerbitzuen zerrenda.

Gainerakoek dagokion inskripzio-eskabidea izapidetu behar dute.

Entitatea zein entitatearen mendeko zentro edo zerbitzuetako bakoitza inskribatu behar da.

Efektuak:

Erregistroko informazioa publikoa da.

Inskripzioak ez du ematen ez eratze-efekturik ez baimen-efekturik.

Erregistroan inskribatzea beharrezko betekizuna da:

  • Hitzarmenak edo itunak sinatzeko.
  • Bizkaiko Foru Aldundiaren eta EAEko gainerako administrazio publikoen dirulaguntzak edo laguntzak lortzeko.
  • Bizkaiko Foru Aldundiaren homologazioa lortzeko.

Hurrengoa Pauso

Datuak eguneratzea

Inskribatutako entitateek jakinarazi egin beharko dute erregistroan jasotako datuetan gertaturiko aldakuntza oro; esaterako:

  • Aldaketak.
  • Titulartasun-aldaketak.
  • Lekualdaketak.

2 modu formulariora sartzeko:

  1. Sartu egoitza elektronikora NIRE IZAPIDEAK-NIRE ESPEDIENTEAK

    • Nork bere burua identifikatu entitatearen ordezkariaren txartela erabiliz. Entitatearen eta haren mendeko zerbitzu eta zentroen inskripzio-espedienteak agertuko dira.
    • Hautatu datuak eguneratu nahi zaizkion entitate, zerbitzu edo zentroaren espedientea.
      Espedienteak izendatzeko moduari buruzko informazioa
    • Sartu «Gizarte Zerbitzuen Foru Erregistroaren eguneraketa» formulariora.

  2. Sartu egoitza elektronikoko 165. prozedurara: «Gizarte zerbitzuen erregistroan izen-ematea eta ezeztapena».

    • Entitatearen datuak eguneratzeko, erabili «Entitatearen oinarrizko datuak eguneratzea» formularioa.
    • Zerbitzu edo zentro baten datuak eguneratzeko, erabili «Zentroko oinarrizko datuak eguneratzea» formularioa.

Funtzionatzeko baimena duten zerbitzu eta zentroen kasuan, datu batzuk ezin dira bide horiek erabiliz eguneratu, baimentzeko prozeduraren mende egoteagatik.

Laguntza-materiala: Azalpen-eskuliburua

Aurrekoa Pauso

Hurrengoa Pauso

Ezeztapena

Inskribatutako entitateek euren desegitearen berri eman behar dute, bai eta zentro edo zerbitzuetako bakoitzaren itxieraren edo amaieraren berri ere, erregistroko inskripzioa ezeztatze aldera.

Aurrekoa Pauso

Bilatzailea

Zer informazio topatuko dut?

  • Identifikazio-datuak (izena, IFZa, titular juridikoa, erregistro-zenbakia)
  • Inskripzio-data
  • Zentro/zerbitzu mota
  • Artatutako biztanleria
  • Arduraduna (izena eta kargua)
  • Helbidea eta harremanetarako datuak (jakinarazpenetarako egoitza, telefonoa eta helbide elektronikoa)
  • Webgunea

Ohiko galderak

Lotutako gaiak