Musika atala jatorri ezberdineko hainbat musika agiriz osatuta dago. Funts hauek ditu:

BIZKAIKO ALDUNDIA:

Funtsean euskal gaietako partiturak dira, Foru Liburutegiaren Agiritegian zeudenak. Hura izan da, hain zuzen ere, egungo Musika atalaren eraketari sorrera eman diona.

BILBOKO SOZIETATE KORALA:

Agiritegi honetan kokatzen da, gordailu erara. 1.707 agirik osatuta dago. Partiturak Sozietate Koralaren errepertorioarenak dira, 1886. urtean sortu zenetik bilduak.

Horregatik dira obra gehienak abesbatzakoak. Particellak ere ugariak dira; haietako batzuk, zaharrenak, Sozietate Koralak berak inprimatutakoak dira eskuizkribuetatik abiatuta. Horiek benetako balio historikoa dute.

CAMPOS ELISEOS ANTZOKIA:

Bilboko Campos Eliseos Antzokian zegoen musika funtsa da. Helburua 1910. eta 1930. urteen artean antzoki hartan emanaldiak eskaini zituzten orkestrei laguntzea izan zen.

Halaber, agiritegi horrek "Bilbao" izeneko zortzikotearen musika funts autografoa biltzen du. Zortzikote hori tokiko konposizioen musika talde bilbotarra izan zen.

Halaber, XIX. mendeko partitura autografoak biltzen ditu, zehazki Bigarren Karlistadako Bilboko Setioaren garaikoak.

Musika funts honetako gorputz nagusia Egileen Sozietate Orokorraren partiturak dira, eta bertan izaera unibertsaleko musikagileak (Beethoven, Schumann...) nahiz euskal musikagileak daude (Gaiarre, Sarasate...).