Erregai esaten zaio su hartu edo oxidazio azkarra izan dezakeen edozein materiali.

Erregai edo su motak

A mota

Erregai solido arruntak, errekuntzan txingarrak eragiten dituztenak (zura, papera, oihala, kartoia, etab.).

B mota

Erregai likidoak (gasolina, olioak, disolbatzaileak, etab.), errekuntza-azalera horizontala dutenak. Mota honen barruan sartu behar dira tenperatura txikietan likidotzen diren solidoak (asfaltoa).

C mota

Erregai gaseoso edo likidoak presiopean.

D mota

Kimikoki oso aktiboak diren metalak (sodioa, magnesioa, potasioa, etab.), ureko hidrogenoa edo beste osagai batzuk desplazatzeko gai direnak, eta gas horren errekuntzagatik eztandak eragiten dituztenak.

Su elektrikoak

Su konbentzionala ez den arren, aurreko motetan tentsio elektrikoa badago, sua itzaltzerakoan, sua itzaltzeko eragileak eta hartu beharreko arretak desberdinak dira inguruabar hori ez duten egoerekin alderatuta.

Erregaien propietateak

Konposizio kimikoa

Horren arabera material eta erregaia osatzen duten osagaien arabera, solidoa, likidoa zein gasa izan, sugaiarekin duen erreakzio kimikoa eta beroa dagoenean desberdina izan daiteke, eta horrek zabaltze-abiadurari, errekuntzatik eratorritako hondar-produktuei, etab. mesede egingo die edo moteldu egingo ditu.

Egoera fisikoa

Edozein erregai, solidoa zein likidoa izan, kasu gehienean, sugaiarekin erreakzioa izateko, aurrean ikusitako moduan gasifikatu behar da, eta horren ondorioz, egoera fisikoa gasa izateko, hasierako bero-kantitatea modu aipagarrian aldatu behar da.

Ukipenik gabeko azalera

Erregaiak sugaiari aurkeztutako azalera da. Azalera hori zenbat eta handiagoa izan, handiagoa da sua hasteko aukera hasierako beroaren ekarpena berdina izanda. Adibidez: Metxero batekin asko kostatuko zaigu enbor bat piztea, gutxiago enbor horretatik ezpalak egiten baditugu, gutxiago horretatik zerrautsa ateratzen badugu, eta airearekin nahasten badugu, eztanda gerta daiteke.

Sugar-frontea

Espazioaren inguru honetan, sugarra duen errekuntza gertatu eta hortik zabaltzen da. Ondoren azaltzen da fronteak erregai mota desberdinetan izaten dituen formak:

• Erregai solidoa: fronteak azaleran aurrera egiten duen lerroaren itxura hartzen du.
• Erregai likidoa: frontea bere azaleran ezartzen da.
• Erregai gaseosoa: fronteak itxura lausoa hartzen du espazioan, eta oro har eztanda esaten zaio.