Zirgari 2024 sariak berdintasunaren esparruan aurrerapausoak ematea eskatzen du

Begoña Murgialday-k, «Mujeres con Ciencia» blogak eta Andereak elkarteak jaso dituzte Ohorezko Saria, Berdintasunaren aldeko Proiektuaren Saria eta Berdintasunaren aldeko Erakundearen Saria hurrenez hurren.

Galaren grabazio osoa ⏯

Bizkaiko Foru Aldundiak eta BBK-k emakumeen eta gizonen arteko berdintasuna aitortzeko «IX Premios Zirgari Sariak» bultzatzen dituzte, eta gaur bertan eman dira sari horiek, emakumeen eskubideei eta askatasunei lotuta izan diren aurrerapausoak azpimarratzeko ekitaldi batean.

M8ren, hau da, Emakumeen Nazioarteko egunaren bezperan eman zaizkie sariak honako hauei, egin duten lana aitortzeko asmoz: Begoña Murgialday (Ohorezko saria), «Mujeres con Ciencia» (Proiektuaren saria) eta Andereak elkartea - Indarkeria sexistaren aurkako Durangoko Plataforma (Erakundearen saria).

Ekitaldia gaur egin da BBK Aretoan (Kale Nagusia, Bilbo) eta bertan izan dira Ahaldun Nagusia, Elixabete Etxanobe; ahaldun nagusiorde eta Enplegua, Gizarte Kohesioa eta Berdintasuna Sustatzeko Saileko diputatua, Teresa la Espada, eta BBK Fundazioaren Gizarte Ekintzako zuzendaria, Nora Sarasola.

Etxanobek, bere hitzaldian, berretsi du: «Bizkaiko Foru Aldundiak jarduketa-eremu guztietan ezarriko dituela Bizkaia gizarte berdinzaleagoa egingo duten neurriak».

Bestalde, Laespadaren esanetan: saridunek «eta beste emakume askok duintasuna eta justizia» eratzen dute. «Eta emakume guztion eskubideen defentsa kolektiboan egiten dugu denok bat. Bakoitzaren desberdintasunak eta elkarren arteko desadostasunak alde batera utzita. Emakume guztiok itsasontzi berean joanez gero, norabide berean, ekaitzari aurre egin ahal izango diogu, oztopoak oztopo eta haizeak gogor egin arren».

Nora Sarasola BBK-ko Gizarte Ekintzako zuzendariak nabarmendu duenez, "BBKrentzat lehentasunezko helburua da emakumeen eta gizonen arteko benetako berdintasun eraginkorra lortzea eta emakumeen eta nesken ahalduntzean aurrera egitea, aniztasuna aitortzen eta baloratzen duen gizarte inklusiboa izateko. Era berean, belaunaldien arteko zubiak eraikitzea ere BBKren bereizgarria da. Gure proiektu eta ekintza bakoitzean, emakumeen eta gizonen arteko desberdintasuna murrizteko helburua intentsitate berarekin ezartzen dugu, emakume zaharrenen eta gazteenen belaunaldien artean zubiak eraikitzeko anbizioarekin".

Saridunak

• Begoña Murgialday psikologoa da, baina baita sexu-hezkuntzako irakaslea eta Berdintasuneko teknikaria ere. Beti egin du lan emakumeen bizi-kalitatea hobetzeko asmoz, haien eskubideak aitortzeko eta gizartea eta balioak aldatzeko ahaleginetan. Feminismoa bere bizitzaren parte izan da. 1995ean berdintasunerako Murgibe aholkularitza-zentroa sortu zuen, berdintasun-politikak zer ziren ulertzen ez zen garaian; baina errealitate horren alde egin zuen. Urteak igaro ostean, hainbat erakunde publikok eta pribatuk egiten dute lan berarekin eta denek dute gaur egun feminismoa oinarritzat hartzen duten berdintasun-plana.
• «Mujeres con Ciencia» blogak maskulinizatuta dauden esparruetan emakumeak ikusaraztearen eta ahalduntzearen alde egiten du lan. 2014. urtean sortu zen UPV/EHUren Kultura Zientifikoaren Katedraren ekimenez. Egunero argitaratzen du emakumezko zientzialari bati buruzko artikulua, hark ikerketari egindako ekarpenak jasota. Maiatzaren 8an 10 urte beteko ditu.
• Andereak elkartea - Indarkeria sexistaren aurkako Durangoko Plataforma 2005ean sortu zen, Ofelia Hernández bere bikotekideak hil eta gero. Helburua zen indarkeria matxistari aurrea hartzea desberdintasunaz jabetzea bultzatuz eta emakumeak egitura bakarrean antolatuz. Andereak elkarteak kontzientziazioa, emakumeen ahalduntzea eta sentsibilizazioa lantzen ditu mobilizazio aktibotik abiatuta. Agerpen handia du erakunde publikoetan, eta lurraldeko eta tokiko sareetan parte hartzen du.
• Zirgari sariak sortu ziren Bizkaiko biztanleak desberdintasun-egoeren inguruan sentsibilizatzeko eta emakumeen eskubide eta askatasunen alde gure lurralde historikoan egiten ari diren programa eta jardueren berri emateko.
• Itziar Lazkano aktoreak gidatu du ekitaldia, eta ESASen (Emakume Sortzaile eta Artisten Sarea) musika emanaldia ere izan da. Musika klasikoaren arloko elkartea da hori, eta egun honetarako berariaz sortutako bi lan estreinatu ditu. Gainera, hainbat aktorek bakarrizketak egin dituzte berdintasunaren aldeko borrokaren une historikoei buruz.