Zirgari Sariak
Zirgari Sariak
Ekitaldi osoa:
Carmen Mijangos zientzialariak (ohorezkoa), eCivis Elkartearen Musika eta Zure Begirada proiektuak eta Mujeres con Voz Elkarteak jaso dituzte Bizkaiko emakumeen eta gizonen berdintasunaren aldeko Zirgari sariak.
Ekitaldia Emakumeen Nazioarteko Egunaren (M8) bezperan egin da eta 500 pertsona inguru bertaratu dira, besteak beste, Elixabete Etxanobe Bizkaiko ahaldun nagusia, Teresa Laespada diputatu nagusiordea eta Enplegu, Gizarte Kohesio eta Berdintasun Saileko foru diputatua eta Nora Sarasola BBK Gizarte Ekintzako zuzendaria.
Gurutze Beitia aktoreak gidatu du sari banaketa eta hamarkada batez berdintasunarekiko izandako konpromisoaren balioa azpimarratu du. Gospel Bilbao abesbatzaren emanaldia izan da soinu-banda emakumeen eskubide eta askatasunetan aurrera egiten jarraitzeko beharra berresteko ekitaldi honetan.
Elixabete Etxanobe Bizkaiko Ahaldun Nagusiak galan egindako hitzaldian adierazi duenez, "berdintasunaren gaia aipatu ere egiten ez zen garai horretara atzera egiteko moduko haizeak agertzen direnean, borroka feminista inoiz baino beharrezkoagoa da oraindik ere". "Feminismoa mugimendu inklusibo gisa ulertu behar da. Emakumeen eta gizonen mugimendu bat, tratu bera jaso nahi dutenak, besterik gabe. Horregatik, amaitzeko, gizonak animatu nahi ditut aurrerapauso bat eman dezaten eta eragile aktiboak izan daitezen desberdintasuna salatzeko eta gizarte justu bat eraikitzeko ", gaineratu du.
Agenda feminista
Bestalde, Laespada diputatuak esan du "gure arbasoen sirgetan ordezkatuta, honaino ekarri gaituzten emakumeen kate bateko kide izateagatik" harro dagoela. Gainera, agenda feministaren barruan borrokarekin jarraitzeko deia egin du, emakumeei eskubide gehiago ez lapurtzeko. "Bizirik, aske eta berdinak nahi garelako", amaitu du.
Halaber, BBK-ko Gizarte Ekintzako zuzendari Nora Sarasolak berriro ere adierazi duenez," aurrera egiten ari gara, gehiago gara arlo guztietan, zientzian edo enpresan, eguneroko bizitzan eta zaintzan eta hazkuntzan desberdintasuna murrizteko lanean jarraitzen dugunak eta lanean jarraituko dugunak".
Sarituak
-
Ohorezko saria: Carmen Mijangos Ohorezko Saria jaso du Carmen Mijangos zientzialariak kimika makromolekularraren arloan egindako ekarpenagatik eta esparru akademikoan eta zientifikoan berdintasunaren alde egindako lan nekaezinagatik. Bere ibilbide profesionalean zehar, oztopoak kendu eta ikertzaileen belaunaldi berriei ateak ireki dizkie. Mijangos erreferente eztabaidaezina bihurtu da zientziaren ekitatearen aldeko borrokan.
-
Berdintasunaren aldeko Erakundearen Saria: Mujeres con Voz (McV) 2011n sortu zen Getxon eta, gaur, Mujeres con Voz elkartea saritu dute emakume migratuen eskubideen alde egindako lanagatik. Egiturazko desparekotasunen aurkako borrokan eta emakumeak ahalduntzean izandako konpromisoa direla eta, erakundea funtsezko bilakatu da Bizkaiko gizarte-sarean.
-
Berdintasunaren aldeko Proiektuaren Saria: Musika eta Zure Begirada (MZB) eCivis Elkarteak bultzatutako proiektu berritzaile honek saria jaso du musikaren eta ikus-entzunezkoen bidez sentsibilizatzeko duen gaitasunagatik. Nerabeekin egindako lana funtsezkoa izan da sarien edizio honetan, izan ere, genero-estereotipoak zalantzan jartzeko eta indarkeriarik gabeko gizartea eraikitzeko tresnak eman dizkie.
Carmen Mijangos
Mujeres con voz
Musika eta zure begirada (eCivis)
Hamarkada batez berdintasunarekin konprometituta
Zirgari sarien hamargarren edizioak aurtengo sarituak omentzeko ez ezik, sari horiek Bizkaiko gizartean duten garrantzia azpimarratzeko ere balio izan du. Sarien hastapenetik, hainbat pertsona eta erakunderen lana saritu izan da, zehazki, hainbat arlotan, Bizkaia lurralde berdinzaleagoa bihurtzen lagundu dutenena.
Ospakizun hunkigarri honekin, Bizkaiak berdintasunaren alde borrokan aritu direnei esker ona adierazteko hamarkada bat itxi du eta, etorkizunari begira, sari horiek beharrezkoak ez izatea espero da, azkenean, berdintasuna errealitate bat izango delakoan.