Eremu Funtzional deritzon eremu bateko lurralde-estrategia definitzen duen antolamendudokumentua da. Eremu Funtzionalak ezaugarri desberdineko udalerrien multzo bat hartzen du barne. Zehazki, 6 Eremu Funtzional daude Bizkaian.

LPPa batean Eremu Funtzional bat antolatzeko jarraibide nagusiak zehazten dira. Antolamenduaren bitartez, koherentziaz hornitzen dira eremuari buruz hartzen diren sektoreko eta tokiko erabakiak. LAGetan eta LPSetan definitutakoa zehazten duen koordinazio-tresna bat da, eta udalaz gaindiko gida gisa balio du, udalerri bakoitzak idatzi beharreko Hiri Antolamendurako Plan Orokorrak (HAPO) idazteko.

Lurralde Plan Partzialaren edukiak lurraldearen garapen fisikorako eta lurzoruaren erabilerarako helburu, estrategia eta arau espezifikoek osatzen dituzte. Eduki horiek erraz ulertzeko eta ezagutzeko moduko gai batzuen inguruan artikulatzen dira, eta identifikatzea errazten duen piktograma eta kolorea bat du gai bakoitzak.

11 gai hauek herritarren partaidetza-prozesua egituratzen dute, hiru kategoriatan banatuta: natura-ingurunea, hiri-ingurunea eta zeharkako gaiak.

• Natura-ingurunea: horrela, lehenengo lau gaiak lurzoru urbanizaezineko espazio eta jarduerei buruzkoak dira, hala nola: natura-ingurunea eta azpiegitura berdea, landa-habitata, paisaia, natura-ondarea, aisia eta turismoa, natura-baliabideak, zabortegiak eta harrobiak.
• Hiri-ingurunea: Hiri-inguruneari buruzko hurrengo lau gaiak, hiri-lurzoruetan: hiri-sistemak eta lurralde-erlazioa eta ekipamendu handiak. Baita mugikortasuna, etxebizitza, enplegua eta ekonomia ere.
• Zeharkako gaiak: Azkenik, zeharkako hiru gaiak: ondarea eta identitatea, klima-aldaketa, eta inklusibitatea eta osasuna.

Azkenean udalerri bakoitzeko plan orokorrek zehazten dituzte LPPetako proposamenak; horiek sailkatzen eta kalifikatzen dute udal-lurzorua, eta horiek ezartzen dituzte hirigintzako eskubide eta betebeharrak. Plan Orokorrek udaletako hirigintzako plangintza arautzen dute; LPPak, aldiz, Eremu Funtzional osorako Lurralde Estrategia zehazten, planifikatzen eta sustatzen du. LPPak lurralde osoa hartzen du bere ikuspegian, eta hainbat udali dagokion eremu bakar batean eragina duten hirigintzako plangintzak bateratzen ditu.

Besteak beste, alderdi hauen gain eragiten du:

Lurralde Plan Partzial bat berrikusteko, planak xede duen arloa asko aztertu behar da; beraz, haren definizio-prozesuak, berrikusteko prozesuak bezala, hainbat urrats behar ditu, arianarian behin betiko dokumentu baten oinarriak finkatzeko. Horrela, herritarren parte-hartzea prozesu osoan zehar eman ahal izatea lortzen da. Jarraian, prozesu horrek aurreikusten dituen faseak zehazten dira:

Gaur egun indarrean dagoen Arratiako Lurralde Plan Partziala 2010ean onartu zen. Ordutik 13 urte igaro dira, eta berrikusi egin behar da, azken urteetan izan diren aldaketei erantzuteko. Orduz geroztik, Arratia eta mundua aldatu egin dira, eta lurraldearen eta bertako biztanleen beharrak ere aldatu egin dira.. Hori dela eta, Bizkaiko Foru Aldundiak Arratiako LPParen berrikuspena hasi du, partaidetza publikoko prozesu bat barne hartuko duena. Planaren berrikuspena Arratiaren garapenaren ikuspegia aldatzeko aukera emango duen agertoki berri bat izan dadin, horrela, kontzeptu eta balio berriak ahalbidetzeko. Arratiako eta bertako 8 udalerrietako (Arantzazu, Areatza, Artea, Bedia, Dima, Igorre, Lemoa eta Zeanuri) biztanleen bizi-kalitatea hobetzea da berrikuspen honen helburua. Berrikuspen hori, Partaidetza Programaren eskutik, Arratiaren etorkizuneko lurralde-estrategia modu ireki eta gardenean berrikusteko aukera gisa proposatzen da.

Arratiako Lurralde Plan Partziala, Arratiako lurralde-estrategia ezartzeko legez aurreikusitako dokumentua da. Bertan planteatzen dira, besteak beste, bizitegi- eta industria-guneetako esku-hartze nagusiak, azpiegitura nagusien kokalekua eta egokitasuna, etorkizunean okupatu litezkeen lurzoru-eremuak, naturaguneen babesa, mugikortasun-estrategiak eta hondatutako guneetako esku-hartzeak.

Guztira, planak 8 udalerri arautzen ditu: Arantzazu, Areatza, Artea, Bedia, Dima, Igorre, Lemoa eta Zeanuri.

LPParen berrikuspena, Bizkaiko Foru Aldundian lurralde-antolamenduaren arloan eskumena duen sailak idazten du. Hasiera batean, eta behin-behinean, Bizkaiko Foru Aldundiak onartuko du; behin betiko onarpena, aldiz, Eusko Jaurlaritzari dagokio. LPPa beste sailek, administrazioek eta herritarrek egindako hainbat ekarpenen azken emaitza da; izan ere, lurralde berean elkartzen diren ekimen ugari hitzartzeko eta koordinatzeko dokumentu bat da.