Bizkaiko Foru Aldundiaren Datuaren Bulegoa funtsezko organoa da datuaren inguruko ekimenak bultzatzeko. Datuaren Bulegoak bermatzen du datuen kalitatea eta horietara sarbidea izatea erabakiak hartzeko, sailen arteko koordinazioa sustatzen du eta izapideak sinplifikatu, kostuak optimizatzeko eta zerbitzu publiko berriak garatzen laguntzen du.

Gainera, Datuaren Bulegoak badu dagoeneko bere web-orria, bulego horren misioa, helburuak eta eskura dauden baliabideak xehetasunez ezagutu ahal izateko erreferentziazko gunea.

Bizkaiko Datuaren Bulegoaren eginkizunak

Datuaren Bulegoa Bizkaiko lurraldean datuaren kudeaketa estrategikoa, koordinatua eta arduratsua sustatzeko helburuarekin sortu da. Eginkizun hauek ditu:

• Datuaren estrategia definitzen laguntzen du: datuak, informazioa eta haien kalitatea tratatzeko moduari buruzko ikuspegi orokor bat diseinatzen laguntzen eta hura gidatzen du, datuak behar direnean, behar den lekuan eta behar den bezala eskuratu ahal izateko, gaur egun dauden informazio-oztopoak eta -siloak ezabatuz.
• Metodologiak, tresnak, politikak eta prozedurak diseinatzen ditu datuaren bizi-ziklo osoan, informazioaren fidagarritasuna eta erabilgarritasuna hobetzeko, eta datuak helburu bakoitzerako egokiak eta koherenteak direla bermatzen du.
• Bizkaiko Foru Aldundiaren, bere erakunde publikoen eta foru-erakundeen arteko koordinazio eta lankidetza-mekanismoak zehaztu eta garatzen ditu, informazioaren kudeaketari eta datuaren kalitateari dagokienez, datu komunaren estrategia eta datuaren ikuspegi bateratua lortzeko.
• Datuetan oinarritutako zerbitzu eta konponbide digitalak sortzea bultzatzen du administrazio eta gobernu eraginkorragoak izateko, herritarrei zerbitzu hobea eskaintzeko eta Bizkaian berrikuntza, produktibitatea eta garapen ekonomikoa sustatzeko.
• Datuaren kultura sustatzen du erakunde osoan, erakundeko pertsona guztiak sentsibilizatzeko eta gaitzeko ekintzen bidez, datuetan oinarrituta dagoen eta datuari buruzko ikuspegi bateratua izatea ahalbidetzen duen erakundea izateko.
• Bizkaiko herritarren ahotsa barne hartzen du, baita lankidetzan sortzea ere, elkarlaneko ekosistema baten barruan konponbideak eta datuak hobetzeko funtsezko aktibo gisa.

Zer zerbitzu eskaintzen ditu Datuaren Bulegoak?

Datuaren Bulegoak zerbitzuen katalogoa eskaintzen du datuetan oinarritutako proiektuak abian jartzeko, Bizkaiko foru-sistema publiko osoari, enpresa-sareari eta herritarrei laguntza eta babesa ematearren.

1. AAren eta datuaren gobernua eta estrategia: helburuak zehaztea datuak ibilbide-orriaren kudeaketa eta negozio-prozesuei balioa emateko, helburu horiek bete daitezen.
2. Datuak eta beren kalitatea kudeatu: mekanismoak izan egiaztatzeko datuak beren helburua betetzeko zehatzak, osoak, trinkoak, baliozkoak, bakarrak, bidezkoak eta egokiak direla.
3. Aginte-taulak eta analisi aurreratua: adierazleen eta aginte-taulen analisia; dimentsio anitzen analisia, deskribatzailea, prediktiboa eta presktriptiboa. Datuen tratamenduak eta analisi masiboa.
4. AA sortzailea: edukia eta elkarrizketa-interfazeak sortzeko eta dokumentuak eta AAren eragileak automatikoki prozesatzeko zerbitzu adimendunak.
5. Mapak eta datu espazialak: analitika aurreratua datu geoespazialekin, informazio geografikoko sistemak, mapa interaktiboen eta 3Dren garapena, denbora errealeko analisia eta eredu espazialen eta biki digitalen aplikazioa.

Bizkaiko Foru Aldundiaren Datuaren Bulegoa oinarri estrategiko gisa finkatu da administrazio publiko berritzaileago eta eraginkorrago baterantz aurrera egiteko. Lurraldearen eraldaketa digitala bultzatzen du, sailen arteko lankidetza sustatzen du eta datuen erabilera adimenduna sustatzen du, erabakiak hartzeko eta herritarrei eskainitako zerbitzuak hobetzeko.