Bizkaiko Foru Aldundiak 2027 Agenda Digitalaren bertsio hedatua aurkeztu du, Bizkaiko proiektu estrategikoak batzen dituen bertsio berri kolaboratiboagoa eta aberatsagoa.

2027 Agenda Digitala hedatzeko prozesua hiru fasetan garatu da: esparru orokorraren konfigurazioa, Gobernu Kontseiluan onartzea eta lurreratzea eta hedatzea, Bizkaiko gizarteko eragile garrantzitsuen partaidetzaren eta baterako sorkuntzaren bidez.

Prozesu horretan, oinarri estrategikoak definitu dira, Bizkaia maila teknologikoan erreferentziazko gizarte gisa kokatzeko, lurraldearen eraldaketari heltzeko eta Bizkaiko gizartearen premiei eta itxaropenei erantzuteko.

Emaitza gisa, 77 ekimen garrantzitsu eta trakzio proiektuak lortu dira, berrikuntza, Bizkaiko eraldaketa eta bizi kalitatea eta lurraldearen ongizatea hobetzeko ardatz eta ildoei lotuta.

Bizkaiko 2027 Agenda Digitalaren proiektuak

77 proiekturen bidez hedatzen da 2027 Agenda Digitala, Bizkaia berritzaileagoa, konektatuagoa eta lehiakorragoa izaten laguntzeko. Gizarte honetan, pertsonak dira garrantzitsuena, eta pertsona guztiok dugu garrantzia.

• 21 proiektuk Bizkaiko herritarren bizi-kalitatea hobetzea dute helburu.
• 13 proiekturen helburua azpiegituren eta teknologien digitalizazioa bizkortzea eta maximizatzea da.
• 30 proiektuk bultzatzen dute herritarren eta enpresen eskura dauden zerbitzuen digitalizazioa eta etengabeko bilakaera teknologikoa.
• 13 proiektuk berrikuntza kolaboratiboa eta talentua erakartzea sustatzen dute, eta teknologia disruptiboak aplikatzen dituzte horretarako.

Dagoeneko eskuragarri dago Bizkaiko 2027 Agenda Digitalaren bertsio hedatua, non zehatz-mehatz ezagutu ahal izango dituzun Bizkaiko Foru Aldundiak herritarren bizi kalitatea hobetzeko eta lurraldearen aurrerapena sustatzeko abian jarri dituen eraldaketa digitaleko proiektu guztiak.