BILERAK UNAI REMENTERIAREKIN

Kaixo:

Orain dela ia lau urte, agintaldiaren hasieran, bizkaitarrekin konpromisoa hartu nuen Bizkai hobe baterantz aurrera egiteko abiarazi nahi genituen proiektu nagusien jarraipena egiteko. Urratsez urrats, azaltzen joan gara nola gabiltzan, zer ari garen egiten eta nola, ondo eginaren berri ematen, eta hain ondo egin ez dena dela-eta erantzunak ematen, hobetu ahal izateko. Hamar topaketa egin ditugu, Bizkaiko eskualde guztietako herritarrekin egoteko; elkarrekin hitz egin dugu, elkarri entzun diogu, elkarrengandik ikasi, eta batez ere, aurrez aurre egon gara, elkar ezagutu dugu. Halaber, Aldundiari gurpilak ipini dizkiogu, eta Bizkaia osoan zehar mugitu gara, gure autobusean, berriro azaltzeko zertan ari garen. Horrez gainera, zuen zalantzak argitu ditugu, eta zuen iradokizun eta beharrizanak entzun. Orain balantzea egiteko garaia da; denbora horretan elkarrekin lortu dugun guztia mahai gainean jartzeko. Unea da, orobat, ilusioz betetzen nauen horri, hau da, elkarrekin egiteko daukagunari heltzeko.

Web-orri honen bidez, Bizkaia Goazen 2030 planaren datuak hobeto ikustek aukera izango duzu, eta nahi baduzu, izena eman dezakezu gure topaketetako baten parte hartzeko.

Laster arte.