Familian egiteko bizikleta-ibilbideak: Urdaibaiko Biosfera Erreserban haurrekin egiteko aproposak diren bizikleta-txangoak

• Forua - Barrutiabaso familian: Ezagutu Foruko eta Barrutiako altxorrak bizikletaz eta joan Urdaibaiko goiko estuariotik barrena, bertako pasabideetatik eta inguruko herrietatik igarotzen den ibilbide zirkular erraz honi jarraituz.

• Kanpantxuko itzulia familian: Gozatu Urdaibaiko landazabal atlantikoko landa-paisaia ederrak dituen eta Kanpantxu auzotik igarotzen den familia-zirkuitu erraz honez.

• Itsasadarrak albo banatan dituen pasealekuak familian: Ibilbide lau eta freskoa itsasadarrak albo banatan dituen pasealekuetatik eta ubidearekin paraleloan, Urdaibaiko paduren bista bikainekin.

• Urdaibai Ekoetxea familian: Gernikatik Ekoetxea Urdaibairaino (Busturia) doan familia-txango lasai eta erraza.

MTB-ibilbideak: Urdaibaiko Mountain Bike ibilbide onenak.

• Urdaibairen bihotzean barrena: MTB-ibilbidea Mundakatik, bista zoragarriekin, Urdaibairen bihotzera eramango zaituena.

• Donejakue bidea eta Arrolako oppiduma: MTB-ibilbidea Donejakue bidetik, kontrako noranzkoan, Gernikatik Astorkiganako gailurreraino, Arrola mendira igoz. Ausartu zaitez Urdaibaiko enduro-jaitsiera ezagunena egitera!

• Bizkargi eta inguruak: Konkistatu eskualdeko gailurrik ezagunenetako bat: Bizkargi mendia.

• Oiz Ezagutzen: Gozatu MTBn Berrekondo eta Golako ibaien arroetako bidezidorrez eta San Kristobal baselizaz, Oiz mendian.

• Laminen eta itsaslaminen itzulia: Ibilbidea Bermeotik abiatzen da eta Mundaka aldera egiten du. Bidean, Santa Katalinaren inguru ederretik igarotzen da. Katillotxuko mendilerrora igotzen da horren ostean, bide aldapatsu batetik. Bertan, Urdaibaiko trikuharri multzoetako bat dago. Goierri eta Zabaletik jarraituko duzu, Sollubeko tontorrerantz, eta Tribisburuko nekropoli erromatarraren ondoko bidetik igaroko zara.

• Urdaibaiko zaporeak: Gernikatik atera eta Belendiz alderantz joko duzu, errepidetik. Arrolara igoko zara Nabarnizera heldu arte, eta Illuntzar mendia igoko duzu. Tontorrera iritsi aurretik, Airoko pagadirantz joko duzu. Bertan, Ereñora eramango zaituen pista zabala hartuko duzu. Akordarantz jarraitu eta artadia zeharkatuko duzu. Handik, Atxarreko tontor ederrera igo ahal izango zara.

Errepideko bizikleta-ibilbideak: Urdaibai Bike Reserve txirrindularitza-helmugak Euskadiko bihotz berdean egiteko errepideko bizikletako 16 ibilbide proposatzen dizkizu.

1. MAILAKO IBILBIDEAK: 200 eta 800 metro arteko desnibela duten errepideko bizikletarako hiru ibilbide erraz.

• Kostako herriak I: Urdaibaiko ezkerraldeko kostako herrietatik doan bizikleta-ibilbide erraza.

• Zirkularra Urdaibaiko barnealdetik zehar: Ezagutu Urdaibai landatarrena, erreserbaren barruko herri, mendi eta auzoetan barrena doan bizikleta-ibilbide zirkular honi esker.

• Urdaibai ekialdea - Tourreko irteera handiaren zatia: Gozatu 2023ko Frantziako Tourreko irteera handiaren ibilbidea Urdaibaiko Biosfera Erreserbaren ekialdeko eremura egokituta: gozatu ibilbide horretaz eta bertako hondartza bereizgarriez.

2. MAILAKO IBILBIDEAK: Urdaibaiko txirrindulariek errepideko bizikletako 6 ibilbide hauek aukeratu dituzte euren lurraldeaz ahalik eta gehien goza dezazun, maila ertaina baduzu eta 800 eta 1.200 metro arteko desnibel positiboa duten ibilbideei aurre egin nahi badiezu.

• Zirkularra Bermeotik: Matxitxakotik igarotzen den ibilbide polita, Kantauri itsasoaren eta Gaztelugatxeren bista ederrak eskaintzen dituena. San Pelaio eta Eneperi behatokietara ere eramango zaitu.

• Urdaibaiko kostako herriak II: Ikusi Urdaibaiko kostako bizikleta-ibilbide ederrenetako bat, eta eragin pedalei kostako errepide ederrean eta itsasadarraren eskuinaldeko herrietan zehar.

• Urdaibaiko hondartzen itzulia: Urdaibaiko bihotzetik Lekeitioko kostako herrira: kostaldea eta barnealdea, maitemindu egingo zaituen ibilbide bat.

• Urdaibai mendebaldea - irteera handiaren zatia: Ibilbide honekin, Urdaibaiko mendebaldeko txokorik ederrenak ezagutuko dituzu, Gaztelugatxera eta Mundakako itsasadarrera begira dauden kostako gune ikusgarriak barne.

• Zirkularra Urdaibaiko barnealdetik zehar II: Paduretako paisaiatik Mundakako itsasadarraren eskuinaldeko herri eta auzo garaietara. Erreserbaren barrualdetik egiteko itzuli bat aurkezten dizugu, itsasadarretik hurbilen dauden herrietatik hasi eta garaienetaraino, Oiz mendiaren inguruko mendietaraino.

• Oiz Erronka - ibilbide laburra: Urtero, ekainean, Urdaibain egiten den Oiz Erronka martxa zikloturistaren bertsiorik errazena.

3. MAILAKO IBILBIDEAK: Atsegin dituzu erronkak? Ausartu zaitez errepideko bizikletarako ibilbide hauek egitera. Lortzen baduzu, Urdaibaiko mendaterik gogorrenak konkistatuko dituzu.

• Oiz kolosora igoera: Oso ibilbide gogorra da, eta Gernika-Lumotik abiatu eta Oiz mendiaren gailurreraino iristen da.

• Urdaibaiko itzulia - irteera handiaren atala: Ibilbide luzea Urdaibaiko barnealdean, mendateetan zehar.

• Urdaibaiko mendateak: Urdaibaiko mendate esanguratsuenetako batzuetatik igarotzen den ibilbide polit eta gogorra.

• Bermeoko mendateak - Urdaibai Extrem: Bingen Fernández txirrindulari profesional ohiak proposatutako ibilbidea. Bermeotik hasten da, bere jaioterritik, eta bizikletaz igotzeko bide onenak ematen ditu ezagutzera.

• Iraupen ertaineko Oiz Erronka - Bizkaiko kosta: Urtero, ekainean, Urdaibain egiten den Oiz Erronka martxa zikloturistaren hiru aukeren artean ezagunena eta jende gehien biltzen duena.

• Iraupen handiko Oiz Erronka: Urtero, ekainean, Urdaibain egiten den Oiz Erronka martxa zikloturistaren ibilbide luzea. Oiz mendia igotzen da (%24rainoko aldapak).

• 2023ko Frantziako Tourreko irteera handia: 2023ko Frantziako Tourreko irteera handian txirrindulariek egingo duten ibilbide bera egiten du, baina Bilbora eta Portugaletera sartu gabe, trafikoa saihesteko.