Bizkaiko Kirol Zuzendaritza Nagusiak informazio-jardunaldi bat antolatu du irabazi-asmorik gabeko kirol-erakundeei azaltzeko nola prestatu behar diren Batuz sistema ezartzeko. 2026ko urtarrilaren 1etik aurrera izango da derrigorrezkoa.

Batuz da Bizkaiko Foru Aldundia enpresetan, pertsona autonomoetan eta irabazi-asmorik gabeko erakundeetan arian-arian ezartzen ari den zerga-ordainketa kontrolatzeko eta laguntzarako sistema berria. Helburua da gardentasun fiskala hobetzea eta zerga-betebeharrak sinplifikatzea tresna digitalen bidez.

Jardunaldian Bizkaiko Foru Ogasuneko langile adituek parte hartuko dute, eta sistemaren funtzionamendua azalduko dute irabazi-asmorik gabeko erakundeen ikuspegitik, kirol-eremuari arreta berezia eskainiz. 

Aurrez aurreko jardunaldia

• (80 pertsona gehienez)

• 📅 Data: astelehena, azaroak 24

• 📍 Lekua: Kirol Etxea

• 🕕 Ordua: 18:00

Jardunaldia streaming bidez

Jardunaldia zuzenean emango da Bizkaiko Foru Aldundiaren YouTube kanalaren bidez. Esteka azaroaren 19ko 12:00ak baino lehen bidaliko zaie bertaratuko direla baieztatzen duten pertsonei.

Jardunaldian jorratuko den edukia:

• Zer da Batuz? Sistema behin betiko ezartzeko egutegia
• TicketBAIrekin fakturak egitea
  • Irabazi-asmorik gabeko erakundeentzat TicketBAItik salbuesteko kasu espezifikoak Bereziki, garrantzi txikiko noizbehinkako jarduera ekonomikoetarako salbuestea
  • BFAk TicketBAI fakturak igortzeko garatutako doako software-a (Egin zure faktura)
• Eragiketa ekonomikoen erregistro-liburua (EEEL) eramatea Bizkaiko Foru Aldundiaren egoitza elektronikoan
• Zerga-aitorpenak aurkeztea, zirriborroak oinarri hartuta

Hizlariak:

1. Begoña Zubieta: Bizkaiko Foru Ogasuneko Finantza ikuskatzailea
2. Iñigo Egia Ossorio: Bizkaiko Foru Ogasuneko Arriskuen Analisiko zerbitzuburua

Izen-ematea:

Interesa duten pertsonek honako esteka honetan baieztatu dezakete bertaratuko direla: BATUZ - TicketBAI Bizkaiko irabazi asmorik gabeko kirol erakundeetan - Bete formularioa