Artxiboa Ganguren mendilerroan kokatuta dago, Foru Aldundiaren lurzati batean, arrazoi praktikoengatik eta segurtasunezkoengatik: leku zabala dago erabilgarri (hiri-eremuan ia ezinezkoa da lortzea), larrialdi baten aurrean trafikorik gabeko sarbideak, eta besteren ezbehar batengatik -sutea eta abar- kalterik izateko ia arriskurik gabe, ezta berak kalteak sortzeko ere.

Pabiloi nagusia agiritegiaren gorputz nagusia da eta 1995. urtean eraiki zuten. Geroago, 2002. eta 2011. urtean handitu zuten; bi aldietan biltegiratzeko ahalmena ia bikoiztu egin zen. Gordailua guztiz automatizatuta dago eta 4.045,38 m²-ko azalera du, sei korridoretan banatuta. Guztira, tamaina estandarreko 674.604 kutxa biltegiratu daitezke, eta oraindik beste bi korridoretarako lekua dago.

Korridore batek suaren kontrako bi apalategi-bloke banatzen ditu. Bakoitza 13 m garai, 80 m luze eta 20 m zabal da. Guztira, metalezko 56.217 azpil daude; erretilu batean tamaina estandarreko hamabi kutxa sartzen dira. Laneko korridoreek eta haiek lotzen dituen trastelekuak, altzairuzko errei batzuk dituzte zoruari ainguratuta. Hortik, 12 m garai diren lau garabi pilatzaile ibiltzen dira. Azpilak atera eta garraiatzen dituzten orgetan uzten dituzte. Horrela, langileek lan egiten duten eremura eramaten dituzte, eta maileguak, itzulketak edo agiri-transferentziak kudeatzen diren neurrian birkokatzen dituzte.

Gangurengo arduradunak eta operadore-gidariak artxiboak adituak dira kudeatzeko aplikazioen erabileran eta instalazio robotizatuaren erabileran. Horrez gain, robotaren funtzionamendu elektromekanikoa zuzen dabilela kontrolatzen dute. Haien eta Agiritegiko gainerako taldearen lanari esker, zerbitzuak kalitate-maila bikaina lortu du: 2003. urtetik 2024. urtera arte ISO 9001 nazioarteko ziurtagiria izan du.

Bizkaiko Foru Aldundiaren Agiritegi Administratibo Orokorra eguzki-instalazio fotovoltaiko bat dago, zeina Europar Batasunak finantzatzen baitu Next Generation funtsekin. Gehiago jakin (372 KB).

Europar Batasunak finantzatutaNextGeneration EU

Agiritegi automatizatua:

• Eraikitze-data: 1995.
• Handitzeak egindako urteak: 2002, 2007 eta 2011.
• Garabi pilatzaile mota: AKL-300S.
• Garabi pilatzaile kopurua: 4, gehi ontzi-aldaketako zubia.
• Garabi pilatzaile bakoitzaren garaiera: 12 metro.
• Zama ahalmena: 300 kg (erabilgarriak: 110 kg).
• Translazio-abiadura: 200 m/min.
• Altxatze-abiadura: 80 m/min.
• Ateratze-abiadura: 90 m/min.
• Gordailuaren azalera: 80 x 40 x 15 m.
• Zama mota: erretiluak.
• Erretilu kopurua: 56.217.
• Erretiluko edukiera: 12 kutxa.
• Biltegiratzeko ahalmena: 674.604 kutxa (67,46 km lineal).

Informazio osagarria

• Eraikina eta kanpoaldea (15 MB)
• Biltegi nagusiko planoa (122 KB)

Fitxategi hauek ikusteko Adobe Reader doako programa behar duzu.