Misioa Lankidetza eta Elkartasunerako Euskal Agentziaren, Bizkaiko Foru Aldundiaren, Euskal Fondoaren eta Saint Louiseko Erkidegoaren arteko truke teknikoaren eta Elkar Ulertzerako Memorandumaren emaitza da.

Bost egunez, Saint Louis komunako udal-teknikariek osatutako ordezkaritza senegaldarrak, Gasteiz eta Bilboko udaletako eta Bizkaiko Foru Aldundiko erroldatze-sistemak, udal-zergak eta tasak, informazio geografikoa eta arreta-bulegoak bisitatuko ditu. Era berean, ordezkaritzak hainbat bilera egingo ditu erakunde horiekin, hurrengo jarduerak planifikatzeko.

Misioaren helburu nagusia alderdi instituzionala sendotzea da, ezagutza teknikoak eta kudeaketakoak trukatuz, gobernantza-sistemetan eraldaketa positiboak lortzeko. Horretarako, Saint-Louis komunako erregistro zibileko sistema modernizatuko da, informazio geografikoko sistema bat ezarriko da, errolda-sistema komunera zabalduko da eta tokiko fiskalitatearen garrantzia jorratuko da.