Ahultasun nabarmenak, pobrezia, marjinazioa eta genero-desberdintasun nabarmenak dauden testuinguru batean, Compromiso por la Mujer eskola honetako pertsonen garapen integralaren aldeko apustua egiten du, bereziki, amengan eta haurrengan. Elikadura-subiranotasunari eta -segurtasunari, autoestimuari, sexu-aniztasunari edo familia barruko indarkeriaren identifikazioari buruz ikasleen, irakasleen eta gurasoen ahalduntzea sustatzeko prestakuntza-ekintzez gain, oldarkortasuna, frustrazioak eta gabeziak jolasaren eta psikomotrizitatearen bidez bideratzeko jarduerak jarri dituzte abian; horrela, liburutegi-ludoteka bat prestatu dute, dantza- eta pintura-tailerrak egiten dituzte, eta ikastetxeko amentzako eta auzoko emakumeentzako batukada bat dute. Era berean, ikastetxeko biobaratzea berreskuratzearekin osatzen dute beren ekintza.

Bizkaiko hainbat ikastetxetan (Bilbo, Basauri, Larrabetzu, Derio eta Muxika) esperientziak partekatzeko aukera izan dute bisitan, baita hainbat GGKErekin, erakunderekin eta Steilas hezkuntzako sindikatuarekin ere.