Maiatzean GovTech 4 Impact World Congress (GWI) topaketa egin da, gobernuak biltzen dituen gune bat, prozesuak modu seguruan optimizatzeko, eraginkortasuna handitzeko eta zerbitzu publikoen prestazioa eraldatzeko esperientziak partekatzeko.

Kongresuan, Madrilen, tokiko, eskualdeko eta nazioko gobernuak, korporazio handiak, startupak, unibertsitateak eta esparru akademikoko pertsonak bildu dira. Bizkaiko Foru Aldundiak ekitaldian parte hartu du Saioa Leguinagoicoa Estrategia Digitaleko buruaren eskutik. Sektore guztietako liderrekin batera, balio sozial eta ekonomikoa sortzeko modu berriak aztertu zituzten, eragin handiko irtenbideen eta aliantzen bidez.

Saioa Leguinagoicoak eztabaida interesgarri batean parte hartu zuen, herritarrei bizitza errazago egiteko moduari buruz, administrazioarekin harremanak arin eta erraz izan ditzaten. Horixe da, hain zuzen ere, GovTech Bizkaia foru ekimenaren balio nagusia; izan ere, berrikuntza publikoaren bidez, administrazio eraginkorrago, digitalago eta herritarrengan oinarritutako baten alde egiten du.

Biltzarreko saioetan, administrazio publikoek aurrez aurre dituzten erronketako batzuk jorratu ziren, hala nola identitate digital bakar baterantz aurrera egiteko beharra, herritarrekiko harremana sinplifikatzea eta adimen artifiziala bezalako teknologien erabilera arduratsu eta estrategikoa aztertzea.