Adiskidetza Digitalaren proiektua Bizkaiko Foru Aldundiak bultzatzen du eta 2027ko Bizkaiko Agenda Digitalaren barruan dago, bere ildo estrategikoaren parte baita: gaikuntza digitala, gaitasunak garatzeko eta herritarren ahalduntze digitala sustatzeko, arrakala digitala murriztu ahal izateko.

Adiskidetza Digitala proiektua lurraldean inklusio eta trebakuntza digitala sustatzeko ekimen estrategikoen barruan dago, eskualdeko eraldaketa digitalaren helburuekin bat egiteko. Horrela, Bizkaiko pertsona guztiek izango dute beren ingurune pertsonalean ongi moldatzeko behar duten gaitasun digitala.

2026an, prestakuntza-tailerrak egingo dira lurraldeko 30 udalerritan baino gehiagotan, eta parte-hartzaileek gaitasunak eskuratuko dituzte, gero eta digitalagoa den gizarte honetan autonomia osoz moldatu ahal izateko. 

Aurtengo programak  bi prestakuntza-tailer jorratuko ditu: segurtasun eta konfiantza digitaleko gaiak: ikasi zure pribatutasuna zaintzen eta saihestu arriskuak Interneten, eta adimen artifiziala (AA) zure egunerokorako gaiak: zure mugikorra zeregin guztietarako laguntzaile gisa. 

Bizkaiko Foru Aldundiak prestakuntza aurreratuagoak ere eskaintzen ditu lurraldeko herritarrentzat bideo laburren formatuan. 

2027ko Bizkaiko Agenda Digitala Foru Aldundiaren ibilbide-orri estrategikoa da Bizkaia digitalki eraldatzeko, herritarren bizi-kalitatea hobetzeko eta lurraldearen aurrerapena sustatzeko balioa sortuz.